Блог Глеба Лабадзенкі

Ты можаш думаць пра сябе што заўгодна. Пра цябе могуць што заўгодна казаць іншыя.

Маё вымярэньне кожнага, і сябе найперш, -- справы, а ня словы.

За 2009 год удалося зрабіць некалькі важных для мяне справаў.

-- Выхад дыска "Галасы", дзе зьмешчаныя ўнікальныя запісы 1968 году галасоў Уладзімера Караткевіча, Рыгора Барадуліна і Ларысы Геніюш, якія выканаў паэт Сяргей Панізьнік. падрабязьней пра дыск ТУТ. Па ўсёй краіне пры падтрымцы грамадзкай кампаніі "Будзьма!" прайшлі дзесяткі прэзэнтацыяў, на якіх пабывалі сотні чалавек.

-- Мне прысудзілі прэмію Беларускай асацыяцыі журналістаў "Вольнае слова" за найлепшы рэпартаж 2008 году.

-- Скончыў журфак БДУ.

-- Прыезд у Беларусь князёўны Эльжбеты Радзівіл і яшчэ дзевяцярых прадстаўнікоў Сям'і. Гэты прыезд рыхтаваўся год і стаўся для мяне, бадай, найважнейшай справай году. Тады, у траўні, дзяржава не зрабіла для гэтага прыезду нічога. Нават візы Радзівілам выдалі з трэцяга разу і за грошы. Што праўда, ужо ў ліпені, калі міністрам культуры стаў спадар Павал Латушка, князёў прымалі на ўзроўні.

-- Праз Блог былі сабраныя грошы на новую пліту для Валянціны Ўладзімераўны Быкавай, сястры нашага вялікага пісьменьніка Васіля Быкава. Дзякуй усім ахвярадаўцам!

-- На магіле бабулі Ўладзімера Караткевіча ў Рагачове быў адкрыты помнік, грошы на які зьбіраліся праз www.labadzenka.by Дзякуй яшчэ раз усім, хто адгукнуўся!

(фоткі павялічваюцца пры націсканьні)

Тэгі: фота