Блог Глеба Лабадзенкі

1433 год -- першая згадка. верагодна, касьцёл збудаваны яшчэ раней. з таго часу дайшоў толькі асноўны аб'ём храма, вежа-званіца прыбудаваная ў ХІХ ст.
гэты касьцёл -- самы стары (з перабудаваных) у Беларусі.
самы стары зь неперабудаваных -- Ішкалдзь (да 1472 г.)

хто забыўся астатняе -- матэрыял Самыя старыя будынкі Беларусі
Чытаць далей »

гэта -- фрагмэнт абсалютна рэальнай шыльды, якую можна пабачыць на кожным помніку архітэктуры. у даце не памылка -- там сапраўды значыцца ІХ (9) стагодзьдзе.
адзінае, што я зрабіў -- замазаў назву вёскі.
дык хто адгадае, дзе гэта?

ps а мы тут спрачаемся, што старэйшае -- Спаса-Эўфрасіньнеўская царква ў Полацку ці Дабравешчанская ў Віцебску. во дзе рацыя!..

Чытаць далей »

тут, і яшчэ ў двух лагерах увесну 1940 года камуністы забілі больш за 21 тысячу нявінаватых польскіх і беларускіх афіцэраў і мірных жыхароў.
вечная памяць забітым, вечны праклён камуністам-забойцам.

ps між іншым, правільны націск кАтынь.

у Наваградку

прыехаўшы ва Ўселюб тры гады таму, я спыніўся ля гэтага помніка.
што гэта? memento mori? практычнасьць? жаданьне ведаць, якой будзе твая магіла? перасьцярога, што дзеці не паставяць помнік?
ці многія з вас хочуць прыходзіць на могілкі і бачыць на помніку сябе?
чым гэта скончылася тут -- ніжэй.
зрэшты, нічым іншым гэта скончыцца і не магло. для гэтага яно і рабілася.
Чытаць далей »

Ці трэба павялічваць памер карцінак на Блогу?
Гэты блог працуе ўжо тры гады, за гэты час магчымасьці майго і Вашага інтэрнэту зьмяніліся.
я ўжо некалькі разоў павялічваў памер карцінак на блогу -- і вялікага абурэньня не напаткаў. цяперашні памер карцінак -- 600 па вялікім баку. ці варта павялічыць іх яшчэ?
чакаю Вашых меркаваньняў у галасаванцы справа.

ТОП-10 слоў, якія ўзгадвае швед, калі чуе "Беларусь"

*Апытана 599 чалавек

Касцёл Божага Цела ў Нясвіжы ўнікальны па многіх прычынах. Гэта — першы на тэрыторыі Усходняй Еўропы храм у стылі барока (збудаваны на замову Мікалая Крыштафа Радзівіла Сіроткі італьянскім архітэктарам Джавані Марыя Бернардоні ў 1593 годзе). Тут — трэцяя па велічыні крыпта-пахавальня ў Еўропе. І пахавальня гэтая не абы-каго, а саміх князёў Радзівілаў на чале з вялікім Сіроткам, які і збудаваў касцёл разам з замкам. Паглядзець на гэтыя помнікі архітэктуры ў Нясвіж штогод прыязджае каля 100 тысяч турыстаў. І гэта — з улікам таго, што замак зараз рэстаўруецца, і можна пабачыць з сярэдзіны толькі невялікую ягоную частку. Распачалося ўжо і аднаўленне касцёла Божага Цела. Пра ўсё гэта мы гутарым з шаноўным ксяндзом-пробашчам Пятром ШАРКО.

"Я спадзяюся,
што пры аднаўленні касцёла будуць зважаць на якасць,
а не на тэрміны засваення сродкаў"

— У прэсе прайшла інфармацыя, што зараз пачынаецца аднаўленне касцёла. На якой стадыі гэтая праца знаходзіцца?

— Аднаўленне касцёла распачалося з самага пачатку года, з таго часу, калі былі выдаткаваныя сродкі з рэспубліканскага фонду, а менавіта з Міністэрства культуры — адзін мільярд беларускіх рублёў, і з абласнога бюджэту — таксама адзін мільярд беларускіх рублёў. Цяпер ідуць гістарычныя і інжынерныя даследаванні гэтага будынка, робіцца праектна-каштарысная дакументацыя: што менавіта патрабуе рэстаўрацыі, колькі гэта будзе каштаваць. Ад верасня плануецца распачаць капітальны рамонт даху. У 1944 годзе дах быў пашкоджаны пажарам ад бомбы і цалкам згарэў. І ў першапачатковы выгляд ён не вярнуўся, хоць ксёндз Каласоўскі, геніяльны чалавек, які вельмі шмат зрабіў для гэтага храма, вельмі ўдала тады затушыў пажар: не быў заліты будынак і фрэскі. У адрозненне ад нядаўняга пажару ў замку: там пры непрафесійным тушэнні шмат што пашкодзілі... Чытаць далей »