Блог Глеба Лабадзенкі | Labadzenka.bY

Кіраўніцтву

ААТ “Лідахарчканцэнтраты”

Глеба Паўлавіча Лабадзенкі

Вуліца хххх дом хх кв. хх

220015 Мінск

Шаноўнае кіраўніцтва “Лідахарчканцэнтратаў”!

Мне вельмі падабаецца вашая прадукцыя – канцэнтраты гарохавых супоў, а таксама сухія сняданкі “Хрумсцік”.

Аднак не магу зразумець, чаму вы так упарта ігнаруеце беларускую мову? На вашай прадукцыі я не знайшоў ні слова па-беларуску!

Горад Ліда – гэта Беларусь ці Расія? Як можна так не паважаць мову Купалы і Коласа, Багдановіча і Багушэвіча, Быкава і Барадуліна?

Чаму на ўпакоўцы вашых “Хрумсцікаў” я знайшоў надпісы па руску, па-англійску, па-нямецку, па-латышску, па-літоўску, па польску – на ўсіх мовах, толькі не па-беларуску! Я разумею – такія патрабаванні краін, у якія вы прадаеце сваю прадукцыю. А на сваю краіну, на сваю мову што – напляваць можна?

Чытаць далей »

тэлефанаваў сёньня "лебядзіны бацька" Ўладзімер Вашкевіч.

распавёў, што быў сёньня ў Ждановічах, там засталося зімаваць 64 вяльможныя птушкі. кажа, што як ударыў мароз, палонка стала замярзаць, цяпер яна зусім маленькая -- птушак трэба ратаваць!
Чытаць далей »

* дзякую 646 удзельнікам акцыі!

* дзякую маёй жонцы за цярпеньне!

* дзякую Натальлі Давыдзенцы, якая дапамагала дзядзьку Рыгору з падпісваньнем кніг: дыктавала, падавала кнігі, спакоўвала іх! гэта -- палова працы!

* дзякую ўсім, хто распаўсюджваў інфармацыю ў СМІ, блогах і сацсетках. бяз гэтага столькі людзей не адгукнуліся б! (дарэчы, вы заўважылі, які сайт адзін не надрукаваў ні слова пра акцыю?..)

* дзякую Партыі БНФ за прадстаўленае памяшканьне сядзібы, дзе адбываліся раздачы кніг! Яны -- адзіныя, хто адгукнуліся!

* дзякую Маладому Фронту за дапамогу ў раздаваньні!

* дзякую Аляксею Кульбіцкаму за апэратыўны выраб паштовак для акцыі!

* дзякую Алесю Мазаніку, Сяргею Шапрану, Аляксею Мінчонку, Уладзімеру Сіўчыкаву, Барысу Пастарнаку, Яўгеніі Пастарнак, Юліі Катаржынскай!

Чытаць далей »

а за тое, што гэтыя маскалі адказалі па-расейску і парушылі арт. 18 закону "Аб зваротах грамадзян і юрыдычных асобаў" (прыняты 18 ліпеня 2011 г. (№ 300-З) -- пішу на іх скаргу ў Белдзяржхарчпрам.

далучайцеся! і пішыце ім пра гэта лісты, каб ведалі! адрас маскальскай фабрыкі -- у шапцы ліста.

чытач Віталь Шаура даслаў такую вось фотку.

застаецца гадаць, ці то там людзі непісьменныя, ці то шыльда вісіць вельмі даўно (у сярэдзіне ХХ ст. было прынята за камуністамі пісаць сОвецкі, прОлетар і г.д).

былі сёньня на такім спэктаклі ў Тэатры беларускай драматургіі. вартая рэч. і вельмі добра, што нагналі багата школьнікаў. бо пасьля скасаваньня "Тутэйшых" у Купалаўскім -- гэта, бадай, адная з галоўных "нацыятворчых" пастановак.

у фае сустрэў мастака Алеся Пушкіна. і яму спэктакль спадабаўся, толькі заўважыў, што на дэкарацыях зэканомілі. проста там большасьць дэкарацыяў паказваецца з праэктара на сьцяну. але ўсё зроблена ладна, мне гэта дык і зусім не замінала -- вельмі нават арыгинальна.

рэкамэндую!

ps у пачатку, дарэчы, гучыць голас Караткевіча, які ў 1968 годзе запісаў шаноўны Сяргей Панізьнік. цікава, а ў спадара Сяргея дазволу патыліся?..

Акцыя “Салідарныя з Барадуліным” скончылася. Ці не стаміўся дзядзька Рыгор падпісваць свае кнігі сотнямі, з Еўрарадыё падзяліўся ініцыятар акцыі Глеб Лабадзенка

Author: Вольга Міцкевіч 23.01.2012 21:22, ЕЎРАРАДЫЁ

Еўрарадыё: Колькі чалавек узялі ўдзел у акцыі? І як Рыгор Барадулін сябе пачувае, ведаючы, што столькі людзей жадаюць набыць ягоную кнігу?

Лабадзенка: Агулам, прыняло ўдзел 646 чалавек. Першапачаткова было 177 кніг, якія планавалася раздаць, але за першыя двое сутак паўдзельнічалі ўжо 400 чалавек, таму мы ўзялі нейкія кнігі ў выдавецтвах, нешта Дзядзька Рыгор са старога яшчэ знайшоў. Некаторыя ўдзельнічалі сем’ямі, таму дзядзька Рыгор падпісаў больш за 700 кніг. Ён рабіў гэта з вялікім імпэтам: трэба было зрабіць да аўторка, а ўжо на выходных ён скончыў падпісваць кнігі. Сказаў, што яму вельмі прыемна, што столькі людзей адгукнулася.
Чытаць далей »