Блог Глеба Лабадзенкі

Хата ў Рагачове, дзе падоўгу жыў у дзядзькі Ўладзімер Караткевіч, дзе напісаў “Ладзьдзю Роспачы”, “Сівую легенду”, “Віно дажджоў”  і  часткова “Каласы пад сярпом сваім”

Як паведамілі рагачоўскія сябры, мая публікацыя ў “Звяздзе” выклікала небывалы рэзананс сярод мясцовай вэртыкалі.

Старшыня райвыканкаму сабраў экстранную нараду, на якой чытаў артыкул уголас, ляпаў кулаком па стале і патрабаваў ад падначаленых “неадкладна ўстраніць усе апісаныя тут факты” і “пракраціць пазорыць яго на ўсю краіну”!.. Высьветлілася, што пра сувязь Караткевіча з Рагачовам мясцовая ўлада даведалася менавіта з майго артыкула. У выніку галава раёна даў даручэнні прывесці ў парадак вуліцу і дом, дзе падоўгу жыў Караткевіч, павесіць на доме адпаведную мэмарыяльную дошку. Таксама запатрабаваў прывесці ў парадак капліцы на могілках, дзе зараз — грамадзкая прыбіральня.

Тым часам, сябры, нашая з вамі справа — паставіць помнік на магіле бабулі Уладзіміра Караткевіча. Літаральна днямі я дакладна буду ведаць, колькі трэба грошай — тады можаце пачынаць здаваць.

На ўладу спадзявайся, а сам рабі!..

Тэгі: журналістыка, Караткевіч

Гэты дакумэнт апублікавала сёньня інфармацыйная кампанія “БелаПАН”. У ягонай праўдзівасьці сумніваў няма — усе прозьвішчы рэальныя, ды і “БелаПАН” занадта сур’ёзная кантора, каб займацца лухтой.

Сэнс дакумэнту такі: людзі, якія памерлі нібыта “ад пнеўманіі” насамрэч памерлі ад сьвінога грыпу (а пнеўманія — проста праява, ускладненьне, якое прывяло да сьмерці).

Выглядае, што сытуацыя тая ж, што і з Чарнобылем: замест таго, каб адразу прызнацца і папярэдзіць, робяць выгляд, што ўсё добра.

Зьвяртаю вашую ўвагу, што ўверсе дакумэнта пазначаны прозьвішчы адказных людзей, якія нясуць асабістую віну за ўтойваньне праўды ад насельніцтва: Качан, Пучкоў, Германовіч.

Больш за тое, галоўная санітарная ўрачыха Качан учора хлусіла ў “Выбары”, што ад сьвінячага грыпу ніхто не памёр, а калі памрэ — маўляў, хаваць ня будзем. Дата на дакумэнце стаіць — 28 кастрычніка (мінулая субота). Значыцца, максымум у панядзелак яна ўжо пра гэта ведала.

Валянціна Качан

Людзі, ня верце чыноўнікам, якія нас супакойваюць! Гэта не дарэмная паніка — гэта рэальная небясьпека!

Чытаць далей »