it cz lt rb
ua fr pl en
se by
Oct 21

У замку выяўляюцца чарговыя казусы рэстаўрацыі.

перадрукавана з Еўрарадыё

 

Рэстаўратары Нясвіжскага замка пераблыталі герб Радзівілаў! Шмат стагоддзяў арол на гербе глядзеў выключна налева – то бок, на захад. Цяпер у Нясвіжскім замку вас чакае сенсацыя – на адных печах і лямпах ён глядзіць направа, на другіх – налева, у бок Расіі!

 


“Гэты герб – гэта проста фурор! – абураецца блогер Глеб Лабадзенка, які суправаджае Радзівілаў падчас іх прыездаў у Беларусь, а таксама выкрывае памылкі рэстаўратараў. – Дайшло да таго, што ў адной зале адзін арол глядзіць направа, другі налева! Гэта, я лічу, проста апагей рэстаўрацыі. Выдатнае дапаўненне да шклопакетаў, пластыкавых дзвярэй, гіпсакардонных скляпенняў і знішчанай старой ляпніны”.

 

“Фальшывых” арлоў у родным замку імгненна вылічыла 94-гадовая княгіня Эльжбета Радзівіл

 

На ўсіх свяцільніках арлы – “няправільныя”!

 

На гэтай выяве арол глядзіць куды трэба

 

Гэтай печы таксама пашанцавала – арол адпавядае гістарычнай праўдзе. Што праўда, тут у княгіні Радзівіл узнікла іншая прэтэнзія: трубы на шчыце мусяць быць дзве ўверх, адна ўніз.

 

“Эталон” арла і трубаў кожны можа пабачыць у фамільнай крыпце Радзівілаў пад нясвіжскім касцёлам Божага Цела

 

Дырэктар замка, якога прызначылі 10 месяцаў таму, і які праславіўся сваім слабым веданнем радзівілаўскай тэмы, кажа, што не прыглядаўся, у які бок глядзяць арлы ў розных месцах.

 

Сяргей Клімаў, фота labadzenka.by

 

Сяргей Клімаў: “Я вам не скажу, бо не ведаю, пра якія канкрэтна месцы ідзе гаворка. Але гістарычна ён апісаны гэты герб у гербоўніку Нясецкага. І тое, што рабілі рэстаўратары – яна рабілі па гэтым гербоўніку. Дзе канкрэтна ён там перагорнуты ў супрацьлеглы бок – я, шчыра кажучы, не прыглядаўся, не ведаю”.

 

Увогуле, у Нясвіжскім замку адбываюцца даволі цікавыя рэчы. Напрыклад, з’явіліся… клоўны. Яны ходзяць у аднолькавых паласатых спадніцах, гумовых ботах. Іх роля –  забаўляць турыстаў, каб было каго фоткаць.

 

Дырэктар Сяргей Клімаў, кажа, што клоўнаў нанялі забаўляць дзетак.

 

Сяргей Клімаў: “Ну, клоўны – гэта не зусім клоўны. Гэта дзіцячыя праграмы музей праводзіць. Бо музей – гэта рэканструкцыя не толькі радзівілаўскай лініі. Але гэта і рэканструкцыя таго, шт о тут было. У Радзівілаў быў першы ва Ўсходняй Еўропе лялечны тэатр. І гэтая публіка проста спрабуе сябе для дзіцячай аўдыторыі”. 

 

Тым часам, у самім замку плануюць стварыць экспазіцыю… мінералаў.

 

“Вялікіх навацыяў у экспазіцыях няма, – распавядае супрацоўніца музея. – Ёсць казусныя моманты. Плануюць зрабіць выставу мінералогіі. У Радзівілаў былі прадметы з камню – плошкі, цікавыя міскі. Але пра выставу мінералаў – як проста камянёў – я нідзе не сустракала такой інфармацыі! Які інтарэс турысту будзе глядзець на мінералы, якія цяпер у газетных шапіках прадаюцца!?”

 

У цэнтры за шырмай – агромністы кандыцыянер. Такія стаяць у большасці музейных залаў замка

 

Галоўная на сёння зала замка – Гетманская – аздобленая ў чырвона-зялёных танах

 

Прафесар Надзея Высоцкая знаходзіцца ў жаху ад таго, што ва ўсіх пакоях замка рэстаўратары шчодра размалявалі сценкі і столі золатам – каб было “па-багатаму”. Паводле ўспамінаў княгіні Радзівіл і старых фота, залатыя роспісы былі да вайны толькі ў Зоркавай залі. Надзея Высоцкая ў роспачы.

 

Надзея Высоцкая: “Ніякай фантазіі! Страшнага нічога няма, што не распісаныя бэлькі – калі яны сапраўды не былі распісаныя!.. Там не робяцца інтэр’еры, а робяцца выставачныя залы з выпадковымі рэчамі. Гэта кепска – мы бачым, бо так ужо зрабілі ў Міры”.

 

Распісаныя золатам столі выглядаюць, мякка кажучы, безгустоўна

 

Прафесар заклікае чыноўнікаў неадкладна звярнуць увагу на сітуацыю ў Нясвіжы, якая, на яе думку, набліжаецца да крытычнай.

 

Кабінет №3 у офісным будынку нясвіжскага музея

 

Змест гэтай шыльды можна перакласці як “Даследчыцкае таварыства Аненербе ў Нясвіжы”. Аненербе – фашысцкая арганізацыя, ідэолагам якой быў Гімлер

 

А тым часам у замку з’яўляюцца і абразлівыя рэчы для ўсё краіны. Нехта прычапіў на адзін з кабінетаў таблічку, што тут працуе “Даследчыцкае таварыства Аненербе ў Нясвіжы”. Як вядома, гэта фашысцкая арганізацыя, ідэолагам якой быў Гімлер. Што праўда, шыльда правісела толькі дзень ці два – старыя музейшчыкі знялі яе.

Тэгі:


6 Responses to “У Нясвіжскім замку пераблыталі герб Радзівілаў і ўзялі на працу… клоўнаў”

  1. 1. witek Says:

    Таксама герб “Карыбут” на фасадзе мусіць быць у чырвоным полі, а не блакітным.

  2. 2. baboskin Says:

    Вообще-то “Радзивилловский орел” был повернут головой на восток сверху и на запад снизу на фасаде Несвижского дворца еще на старой лепнине до “реставрации”.

  3. 3. turist Says:

    Ну што тут скажаш – калі дурань кіруе музеем – гэта дрэнь справа, але калі гэта дурань з ініцыятывай… Трэба пайсці ў храм Божы і паставіць свечку за музей.

  4. 4. turist Says:

    PS. Клімаў здэцца будызм спавядае. Тады зразумела адкуль Аненербе ўзяося. Надта ж нацысты такімі цікавіліся…

  5. 5. Kolt Says:

    baboskin, в точку! Я проверил на старых фотографиях – на фасаде действительно орёл смотрит в разные стороны.
    Глеб, опять пихаете непроверенную информацию? А отвечать за слова, как всегда, не будете?

  6. 6. kolt Says:

    Я так и думал… Ничего удивительного…

Leave a Reply