it cz lt rb
ua fr pl en
se by
Nov 14

Сябры! Лявон з Магілёва так і не адгукнуўся -- хоць я напісаў яму шэсьць мэйлаў. Нейкая Тацяна зь Менску таксама замовіла кнігу, а на мэйл так і не адказвае.
Для Ігара з Гародні мы выпадкова падпісалі дзьве кнігі.
Таму я вырашыў зрабіць так. Ёсьць ужо падпісаныя кнігі: адная для Лявона, другая для Тацяны, трэцяя для Ігара. Калі сярод вас ёсьць носьбіты памянёных імёнаў -- каштоўны асобнік зь цікавай гісторыяй чакае вас! (падказваю: можна зрабіць падарунак сябру/сяброўцы)

Тэгі:

Nov 11

Сябры! Кнігі скончыліся -- адпаведна, і акцыя скончылася. Даруйце, калі хто пакінуў замову, але так і не дачакаецца падпісанага асобнічка!.. Аднак прашу ўсіх, хто дасылаў замовы, сачыць за мэйлам -- у бліжэйшыя дні я паведамлю, каму хапіла кніжкі. Прашу й тых, хто да гэтага не забраў свае кнігі, усё-ткі знайсьці час забраць іх (сьпіс гл. у папярэдніх запісах). Па просьбе Дзядзькі Рыгора падкрэсьліваю, што грошы зьбіраліся не на лекі ці на хлеб (як гэта пасьпелі растрызвоніць некаторыя газэты й людзі), а проста як дапамога Народнаму паэту.

Хачу яшчэ раз падзякаваць найперш Вам, сотням чытачоў і прыхільнікаў Рыгора Барадуліна! Бясконца прыемна, што беларуская літаратура ў асобе Дзядзькі Рыгора мае такі аўтарытэт у грамадстве, запатрабаваная й дарагая беларусам! Калі ўсе кнігі будуць падпісаныя, абяцаю вывесіць у блогу імёны ўсіх, хто адгукнуўся.

Хачу падзякаваць людзям, якія дапамагалі мне ў правядзеньні акцыі, і безь якіх я захлынуўся б у гэтым моры замоваў і лістоў. Дзякуй Сяргею Шапрану! Дзякуй Мікалаю Тамашэвічу! Дзякуй Аляксею Кульбіцкаму! Дзякуй Кастусю й Кацярыне Хадыкам! Дзякуй Алесю Калесьнікаву! Дзякуй Андрэю Хадановічу! Дзякуй Леанардзе й Надзеі Мухіным! Дзякуй усім, хто перадаваў кнігі ў іншыя гарады й краіны! Дзякуй! Дзякуй! Дзякуй!

Былі й прыкрыя моманты. Некалькі разоў мне давялося чуць, што гэта ўсё я задумаў, каб папіярыцца. Бог ім судзьдзя. Але ўчора здарыўся зусім нечаканы паварот, калі мне затэлефанавалі з Варшавы й папярэдзілі:
-- Пакуль ты там акцыю праводзіш, адная жанчына (было названае імя) абзвоньвае ўсіх і гаворыць: "Ня верце гэтаму Лабадзенку, ён злодзей! Барадулін бедны ляжыць у лякарні й яшчэ ні рубля не дачакаўся, а Глеб усе грошы сабе забраў!" (Добра, што грошы мы заносілі разам з Сяргеям Шапранам, а ў мяне складзены падрабязны сьпіс ахвяраваньняў 🙂 )

Апынулася, што за адзін дзень гэтая старая сучка, якая ўвесь час круціцца вакол Барадуліна, пасьпела абзваніць многіх людзей, у тым ліку шаноўных Генадзя Бураўкіна й Сяргея Законьнікава. Добра, што абодва яны цудоўна ведаюць, хто яна такая, і пасьпяшаліся папярэдзіць мяне пра гэтыя плёткі. Я затэлефанаваў ёй і адкрыта запытаўся:
-- Ну дык што,..., колькі я грошай скраў у Рыгора Барадуліна?
Яна завішчэла:
-- Не хачу з вамі размаўляць, не хачу з вамі размаўляць!..
А потым пажалілася Барадуліну, што я ёй пагражаў. А я ж не пагражаў, а проста даў знаць, што ўсё ведаю.
Ну ды ладна. Як кажуць -- ня дай Бог нікому дажыць да такога.

Галоўнае ня гэта. Галоўнае -- што мы з Вамі дасягнулі мэты гэтай акцыі: падтрымалі ва ўсіх сэнсах Народнага паэта Беларусі Рыгора Барадуліна. І калі такім чынам удасца падняць Дзядзьку Рыгору настрой, троху палегчыць ягонае існаваньне, -- значыцца, усё гэта было не дарма.

Нізкі паклон Вам, Дзядзька Рыгор, за тое, што Вы ў нас ёсьць! Ня кожнай нацыі так шчасьціць.

Тэгі:

Nov 10

зьяжджаў адпачыць, вярнуўся -- адразу званок ад Рыгора Барадуліна. высьвятляецца, што пакуль мяне не было, нехта (па вэрсыі Барадуліна -- Малады Фронт) надрукаваў і распаўсюдзіў улёткі, што, маўляў, зьбіраем грошы Рыгору Барадуліну на лекі, што яму зусім херова.

дазвольце запытацца: прыдуркі, што ж вы робіце?! я ня ведаю, хто гэта ўчыніў (аднак даведаюся), але кажу адразу: хто ўчыніў -- таму яўна нечага не хапае ў галаве.
інакш, як жаданьнем папіярыцца, я гэта назваць не магу.

нагадваю й паўтараю: мы не зьбіраем грошы Рыгору Бурадуліну на лекі, а праводзім акцыю падтрымкі. у самым першым допісе пра лекі не было ні слова. там была дакладная фармулёўка: Рыгор Барадулін у лякарні. гэта праўда. усё астатняе -- выдумкі іншых людзей.

прыкра, што гэтую бязглуздую фармулёўку "на лекі" распаўсюдзілі такія паважаныя выданьні, як "Наша Ніва" й "Народная Воля". пасьля гэтага знайшліся разумнікі, якія патэлефанавалі Барадуліну і ляпнулі: а мы тут, Рыгор, табе грошы на лекі зьбіраем!..
як вы думаеце, ёмка і прыемна чуць гэта Барадуліну?..

карацей. заклікаю ўсіх: калі пабачыце падобную інфармацыю ці гэтыя праклятыя ўлёткі, не паддавайцеся на танны піяр розных арганізацыяў. не дапускайце распаўсюд гэтай дэзы. не ахвяруйце Барадуліну "на лекі" .
Дзядзька Рыгор і бяз гэтага пражыве яшчэ сто год!

Тэгі:

Nov 05

буду распавядаць пра нашую з вамі акцыю

Тэгі:

Nov 04

Lidia Federica Mazzitelli

Shanouny spadar!

mjanie zavuc' Lidia- ja ital'janskaja studetka belaruskae movy z Ryma, Italii.
Pishu Vam tamu, shto chytala u Vashym bljogu pra akcyju na padtrymku Ryhora Baradulina.
Mne zdalasja slushnaja akcyja - hacja dahetul' ja Baradulina nja viedala, mne zaraz rasskzvali neshta pra jaho i chytala nekatoryja jahonyja vershy. Vot, padumala: vjadoma jamu najdarazhejshaja dapamoha svajh ljudzej, svajho narodu - ale mo jamu bylo b cikawa neshta z' Italii atrymac'? Na pryklad, ja mahla b patlumachyc' neshta ital'janskae na bielaruskuju (hacja sam bachyce jak drenna pishu-alie nazhal' njama u nas pierakladau, nakol'ki ja viedaju, akramja Bykava..), nashaja paezija...Kab jon viedau, shto u Italii jos'c' hto zajmaecca bielaruskaj movaj.
Vjadoma, kali Vy dumajece, shto mo liepiej nichoha takoha ne rabic', razumieju; al'bo shto liepiej bylo b neshta inshae daslac'..
kali takaja prapanova Vam cikawa, mozhacie mnie pisac'- dzjakuju za uvahu i zuchu usjaho najliepshaha!

Lidia
ps. prabachce, pishu na latinice bo nja maju na hetym pc kirilskich litar, ale Vy mozhace pisac' i na kirilice

Тэгі:

Nov 04

усё, што было сабрана на ўчорашні дзень, учора ўвечары я перадаў Рыгору Барадуліну. літаральна ў апошні момант перад гэтым да акцыі далучыўся Лявон Вольскі -- замовіў для сябе і сям'і тры кніжкі. супольна было вырашана не называць сабраную суму, каб да Барадуліна не дачапілася падатковая. але сума гэтая, паверце, вееельмі істотная!.. дзякуй ўсім! акцыя працягваецца!

Тэгі:

Nov 03

у мяне не дайшлі рукі напісаць, але дайшлі ў Мікалая Тамашэвіча
пачытайце -- прыкольна атрымалася!..

Тэгі:

Nov 03

застаецца некалькі дзесяткаў чалавек, якія за два дні не знайшлі часу падыйсьці й забраць падпісаныя кнігі.
то бок, Рыгор Барадулін знайшоў час у лякарні падпісаць ім кнігі, а яны не знайшлі часу на 10 хвілін падскочыць у цэнтар гораду.
і я знайшоў час дзьве ночы ня спаць, апрацоўваючы мэйлы з замовамі, а яны часу не знайшлі.
і ўрэшце -- 7 чалавек знайшлі час некалькі гадзін мерзнуць на двары, чакаючы іх, а яны не знайшлі часу.
карацей, хто не забярэ падпісаныя кніжкі да аўторка -- вывешу пайменна ў блог. і няхай вам будзе сорамна.
ps гэта ня тычыцца тых, хто загадзя папярэдзіў, што ня зможа быць у выходныя )

Тэгі:

Nov 03

Рэчыца
Полацак
Бабруйск
Віцебск

хто можа захапіць едучы -- паведамляйце на мэйл labadzenka@gmail.com

PS кніжкі ва ўсе патрэбныя гарады перадаліся. дзякуй усім, хто дапамог!

Тэгі:

Nov 02


Дзядзька Рыгор падпісаў у лякарні каля 400 кніг -- і папрасіў перапынку. Па-першае, стаміўся (ён і так малайчынка - столькі кніг падпісаць!). Па-другое, пачалі сварыцца лекары: маўляў, мы яго тут лечым, а вы яму гэтыя кніжкі сотнямі носіце. Я і сам прапаноўваў Дзядзьку Рыгору расьцягнуць падпісваньне па часе, але ён адказаў: "Раз людзі замовілі, трэба ўсім кніжкі падпісаць, каб нікога не пакрыўдзіць".
Такім чынам. Усе замовы, якія паступілі да раніцы 1 лістапада, выкананыя. Замовы, якія прыйшлі пазьней, дзядзька Рыгор выканае ўжо дома, калі выпішацца зь лякарні.
Да таго ж, дома Барадулін разьбярэ сваю шафу з кнігамі -- і адбярэ тыя, якія можна пускаць на акцыю. Таму сачыце за блогам -- чакайце новых кніжак.
І яшчэ. Дзядзька Рыгор перадаваў усім сардэчную падзяку за чульлівасьць і неабыякавасьць.
Я таксама дзякую ўсім, хто адгукнуўся.
Дзякую Мікалаю Тамашэвічу, які дапамагаў нумараваць кнігі, езьдзіў са мной у лякарню да Дзядзькі Рыгора, а затым мужна тры гадзіны мерз на плошчы.
Дзякую Сяргею Шапрану (укладальніку кнігі), які дапамагаў цягаць кнігі з машыны ў лякарню й абратна.
Дзякую Канстанціну, які дапамог на ўласным мікрааўтобусе прывезьці кнігі на плошчу й раздаваць людзям.
Бяз гэтых людзей у мяне нечога б не атрымалася.

Хачу выбачыцца перад людзьмі, з чыімі замовамі я наблытаў. З 400 падпісаных кніг дзьве ці тры штукі не знайшліся. Напэўна, пад шостую раніцу, калі я скончыў апрацоўваць лісты, галава троху дала збой 🙁 Але Рыгор Барадулін абавязкова падпіша Вам кнігі!

Прыкра, што адное вядомае грамадзкае аб'яднаньне, якое месьціцца ў раёне плошчы Перамогі, адмовілася даць памяшканьне на пару гадзін для раздачы кніжак.
Але гэтым нас ня спыніш. Ганьба прафэсыйным беларусам, слава беларусам сапраўдным!

Тэгі: