it cz lt rb
ua fr pl en
se by
Nov 13

damok
Гэта здаецца неверагодным, але згаданы раней дамочак на Нямізе ўдалося ўратаваць (часова?). Туды проста ўчора зранку прыехала супрацоўніца Міністэрства культуры Аксана Сматрэнка (дзякуй ёй!!!) — і перашкодзіла разбурэньню дома, а затым выпісала пастанову аб прыпыненьні працаў.
Падрабязнасьці — у маім артыкуле з сёньняшняй “Звязды”
Чытаць далей »

Тэгі: ,

Nov 12

001

Прычына традыцыйная — “аварыйны стан”. Як мне падаецца, найперш аварыйны стан мазгоў нашых чыноўнікаў.

Упраўленьне па ахове гісторыка-культурнай спадчыны і рэстаўрацыі пры Міністэрстве культуры ў курсе. Я сам затэлефанаваў туды і паведаміў, што заўтра зраніцы плянуецца знос гэтага будынка —  гэта пацьвердзіў інжынэр будтрэсту.

Спачатку чыноўніца охала-ахала і казала, што “ня можа быць”. Пасьля прызналася — і сказала, што яны дазволілі грохнуць гэты будынак. Пасьля апамяталася і ўжо пачала казаць, што не дазвалялі. І нават паабяцала “заўтра выпісаць прадпісаньне” каму трэба, каб пакуль не руйнавалі. Я пастараўся патлумачыць, што пакуль іхнае прадпісаньне дойдзе, будынка ўжо ня будзе. І склалася адчуваньне, што яе гэта ня моцна кранула.

Так бывае, калі ідзе спрэчка інвэстараў і гісторыі. У горадзе-героі Мінску перамагаюць інвэстары. Так бывае, калі ідзе спрэчка хабараў і сумленьня. У час крызісу грошы відавочна важнейшыя.

Так бывае, калі тваім горадам і тваёй спадчынай на ўсіх узроўнях распараджаюцца інтэлігенты ў першым пакаленьні, для якіх перабрацца з іхных цыцкавічаў у сталіцу — найвялікшае дасягненьне ўсяго жыцьця. І пляваць ім, па вялікім рахунку, на нейкія там старыя домікі. Галоўнае, што батарэі грэюць і заробак своечасова даюць. Я люблю ўсю нашую Беларусь, кожны яе куточак і жыхароў. Але каб любіць і адчуваць горад, трэба ў ім нарадзіцца.
Дом, які, магчыма, руйнуюць у гэтыя хвіліны, унесены ў Дзяржаўны сьпіс гісторыка-культурных каштоўнасцей Рэспублікі Беларусь. На старонцы 606 чорным па белым чытаем ягоны шыфр — 711Е000001 (фота Сьпісу — ніжэй).

Аднак пры занурэньні ў Сьпіс, бачым, што некаторых дамочкаў з яго ўжо няма — а некаторыя “адноўленыя” ў выглядзе нізкаякасных муляжоў.

Ці веру я, што дом удасца нейкім чынам уратаваць? Што ўдасца спыніць гэтых бандытаў?

Як паказвае практыка, злодзея спыніць толькі куля. Аднак хай не пераймаюцца — у самай стабільнай краіне сьвету гэта, дзякуй Богу, малаверагодна.

Але ці застаюцца такія рэчы беспакаранымі?

Няхай людзі, якія падпісваюць дакумэнты на зьнішчэньне нашай спадчыны, спытаюць у былога мэра Менску Міхаіла Паўлава, як ён сябе адчувае.

Чытаць далей »

Тэгі:

Oct 29

+IMG_3648

на рагачоўскіх могілках захаваліся тры капліцы другой паловы ХІХ стагодзьдзя. таксама тут калісьці быў крыж паўстанцам 1863 году — іх маскалі растралялі акурат непадалёк, кінулі ў яму — і прагналі па тым месцы коней, каб схаваць месца, не даць людзям мажлівасьць ушаноўваць герояў.

сёньня рагачоўскія капліцы недагледжаныя, у сярэдзіне па добрай беларускай традыцыі арганізаваная грамадзкая прыбіральня — відаць, шляхетныя рагачоўцы ня могуць сраць у лесе — трэба абавязкова залезьці ў капліцу і накласьці на намагільную пліту.
адная капліца стаіць бяз даху — і паціху ёй настае канец. на дзвюх іншых дах трымаецца, але ўжо не зусім пэўна.
у горадзе, дзе захавалася, скажам так, зусім няшмат (меньш за 10) старых будынкаў, такое стаўленьне да помнікаўз архітэктуры ХІХ стагодзьдзя, шчыра кажучы, зьдзіўляе.
чакаюць, пакуль нехта прыйдзе і зробіць?..
Чытаць далей »

Тэгі: ,

Oct 26

+IMG_6443

Царква Сьвятога Духа пры Куцеінскім мужчынскім кляштары ў Воршы будавалася ў 1624-26 гадах, рэстаўравалася ў 1995. Кляштар дзейнічае.

Чытаць далей »

Тэгі:

Oct 24

Пенсіянер Уладзімір ГЛАЗ адважна змагаецца за аднаўленне палаца князя Францішка Ксаверыя Друцка-Любецкага, ініцыятара будовы Аўгустоўскага канала

glaz2

Такіх, як Уладзімір Іванавіч Глаз зазвычай не любяць мясцовыя чыноўнікі. Праблемаў ад яго шмат. Піша лісты ў аблвыканкам, ездзіць у Адміністрацыю прэзідэнта, раздае школкам і садкам саджанцы грэцкіх арэхаў, патрабуе спыніць разбурэнне старадаўняга палаца… Карацей, не дае чыноўнікам спакойна працаваць: наклікае праверкі, прыцягвае ўвагу грамадскасці. Але калі спытаць у каго ў Шчучыне дарогу да яго дома, то пакажа кожны. І дадасць: “Маладзец наш Іванавіч, дае ім прыкурыць!..”
Чытаць далей »

Тэгі: , , ,

Oct 18

чытаў у нэце пра Ваймар, знайшоў цікавы момант для нашых аматараў гіпсакардону і сілікатнай цэглы:

Самое известное здание в Веймаре – дом-музей Гете – достаточно большое здание в стиле барокко, подаренное великому писателю герцогом Карлом Августом. После воссоединения Германии Веймар стал местом паломничества западных немцев, в первую очередь – из-за домика Гете. В доме, фактически еще при жизни поэта ставшем немецкой святыней, сохранена оригинальная обстановка, рукописи Гете, его собрание картин и минералогические коллекции, ничего не менялось и не реставрировалось.

Тэгі:

Oct 17

шчучын

Касьцёл Сьвятой Тэрэзы, Шчучын, Гарадзеншчына

Тэгі:

Oct 16

Надрукавана ў “Звяздзе” ад 17 кастрычніка

У Нясвіжскім замку скляпенні вырабілі з гіпсакартону, а старую ляпніну замянілі на новую. Разбірацца на месцы выехаў міністр культуры Беларусі Павел Латушка

00010002

Вы бывалі ў тэатры? Бачылі, як ствараюцца дэкарацыі? Глядзіце на сцэну – і там сапраўдны домік, адкуль выходзяць людзі, а на вокнах стаяць кветкі. Падыходзіце бліжэй – і домік апынаецца кардонкай альбо фанеркай.

Мне чамусці падалося, што менавіта ў такі спосаб цяпер аднаўляецца Нясвіжскі замак. Праблемы гэтага аднаўлення было вырашана разгледзець на выяздным паседжанні Рэспубліканскай навукова-метадыянай рады з удзелам міністра культуры Беларусі Паўла Латушкі. Тым больш, што такія паседжанні не праводзіліся ўжо два гады – як і ў Мірскім замку, дзе Павел Латушка пабываў у ліпені, зрабіўшы шэраг крытычных заўвагаў. Рада сабралася ў Нясвіжы, каб прааналізаваць правільнасць хады рэстаўрацыі. Спачатку сябры Рады прайшліся па замку, агледзелі выкананую працу. Іскры ляцелі ва ўсе бакі.

Чытаць далей »

Тэгі: , ,

Oct 14

Марат Горевой, БелаПАН.

Минск, 14 октября. Проблемы реставрации Несвижского замка XVI—XVIII веков будут систематически обсуждаться на заседаниях Белорусской республиканской научно-методической рады по вопросам историко-культурного наследия Министерства культуры. Такое решение было принято 14 октября на выездном заседании рады, которое состоялось в Несвиже (Минская область) с участием министра культуры Павла Латушко.

Как сообщил БелаПАН председатель Белорусского добровольного общества охраны памятников истории и культуры Антон Астапович, на заседании под председательством замминистра Владимира Гридюшко обсуждались вопросы меблировки помещений памятника архитектуры, а также концепция интерьера замковой часовни. Научный руководитель объекта Сергей Друщиц ознакомил участников заседания с состоянием работ по восстановлению историко-культурной ценности, внесенной в список Всемирного природного и культурного наследия ЮНЕСКО.

Председатель общества охраны памятников отметил, что перед Друщицем был поставлен ряд острых вопросов о соответствии методик реставрационных работ международным стандартам и сохранении аутентичных элементов оборонительного сооружения. Претензии к научному руководителю объекта в связи с разрушением одной из галерей замка, утратой аутентичных элементов лепнины, бастиона и стропил крыши, а также не всегда оправданным использованием современных материалов высказал Астапович, корреспондент “Звязды” Глеб Лободенко и председатель общественной наблюдательной комиссии при Минкульте по охране историко-культурного наследия Анатолий Бутевич.

Поскольку заседания рады по проблемам Несвижского замка не проводились с 2007 года, решено собирать их регулярно с приглашением представителей широкой общественности. Было отмечено, что ряд работ по восстановлению замка проводится по рекомендациям совместной белорусско-польской комиссии, последнее заседание которой состоялось в Несвиже в мае. На нем, в частности, были приняты предложения профессора Варшавской академии искусств Януша Смазы — одного из ведущих польских художников, специалиста по консервации лепнины.

Тэгі:

Sep 30

+IMG_8332

Ужо пісаў некалі пра касьцёл у Новым Сьвержані (што пад Стоўпцамі), аднак вельмі люблю гэты храм і вяртаюся туды.

Ён збудаваны ў 1588-1600 гадах на фундацыю Мікалая Крыштафа Радзівіла Сіроткі.

Тут, у Новым Сьвержані, знаходзілася таксама парцалянавая мануфактура Радзівілаў. Тут былі выраблены бюсты для архіва ў Нясьвіскім замку, які цяпер адноўлены. У Сьвержані нарадзіўся і прэзыдэнт Ізраілю Залман Шазар.

У 1818 годзе моцны вецер сарваў дах, была пашкоджаная і вежа. У выніку гэтага вежу зрабілі ніжэйшай — для бясьпекі. Першасная яе форма невядомая.

У 1935 годзе парафія налічвала 1705 вернікаў.

У 1864 годзе маскалі зачынілі касьцёл. У 1901 ён быў зноў перададзены вернікам.

У 1911-12 гадах тут служыў ксёдз-паэт Андрэй Зязюля.

Неаднойчы касьцёл быў пашкоджаны. У 1706 Новы Сьвержань спалілі швэды. У 1812 тут быў бой расейскага і францускага войскаў. У 1915 вёску акупавалі нямецкія жаўнеры. Пашкодзілі касьцёл і ў часе Другой сусьветнай.

У 1950 камунісцкія выблядкі зрабілі ў храме навозасховішча…

У 1989 сьвятыню аддалі вернікам, яна была адноўленая.
Чытаць далей »

Тэгі: