|
Aug
18
|
Гэты ўнікальны вятрак стаіць сярод вёскі Алешкавічы Камянецкага раёну. Са словаў мясцовай жыхаркі спадарыні Ларысы, калісьці на млыне вісела жалезная табліца з датаю пабудовы -- 1876. А яшчэ гадоў 15 таму яе, Ларысін бацька ўратаваў вятрак ад пагібелі -- тубыльцы хацелі разабраць яго на дровы... Вятрак ня ўнесены і сьпісы помнікаў архітэктуры, дзяржава не ахоўвае яго нават на словах. Сьпяшайцеся пабачыць яго -- бо ў наступны раз ратавальніка ветрака можа ня быць побач...
Самае страшэннае, што ў ветрака цяпер няма даху -- і непагода робіць зь ім што хоча...
Лопасьцяў ўжо няма, але ўвесь мэханізм захаваўся. Лезу ўнутр...
Дэталі мэханізму
Наколькі я разумею, апроч ўсяго, вятрак яшчэ варочаўся вакол сваёй восі -- каб павяртаць яго ў бок ветру. І гэта такая махіна!..
Лесьвіца, хоць і старая, але мяне вытрымала
Магутная аснова ветраку, якая завецца "казёл"
