it cz lt rb
ua fr pl en
se by
Jul 02

сумесны праект Budzma.org і Labadzenka.by

Кніга Глеба Лабадзенкі “дзіцячая заМова” выйшла ў канцы студзеня 2013 года – і здабыла вялікую папулярнасць (і атрымала “спецнамінацыю” ў сёлетняй прэміі “Дэбют” імя М.Багдановіча). Ужо разыйшлося больш за 1400 кніг. Кніга ўвабрала ў сябе 112 вясёлых малюнкаў пра складанасці і цікавосткі беларускай мовы. На старонках кнігі забаўныя персанажы – хлопчык і дзяўчынка – у няспынным дыялогу высвятляюць усе гэтыя акалічнасці. Простасць малюнкаў паказвае: так можа намаляваць кожны з вас!
Як прызнаецца Глеб, на гэтых 112 малюнках ідэі не скончыліся – проста варта было паставіць кропку і выдаць кнігу. Цяпер працяг “дзіцячай заМовы” будзе выходзіць на сайце budzma.org: штотыдзень па новым малюнку. У каментарах, калі ласка, пакідайце свае “заМовы”: якія моўныя цікавосткі варта намаляваць яшчэ?

Будзьма з моваю!

013-pavucinne

нагадваю, што калі некаму патрэбная кніга поштаю, замаўляйце на Prastora.by!

у Менску кнігу можна таксама набыць па наступных адрасах:

  • “Кніжны салон” (Калініна, 5, працуе штодня да 19.00, нядзеля выходны) . гарадзкі нумар 385-60-89
  • "Акадэмкніга" (працуе да 20.00, субота да 18.00, нядзеля выходны). тэлефон 292-00-52
  • На Сядзібе БНФ (Чарнышэўскага, 3).
  • На Сядзібе ТБМ (Румянцава, 13).
  • кнігарня ЛогвінаЎ (Незалежнасьці, 37а).
  • на сайце imbryk.by
  • У мастацкай "Галерэі" (КЗ Менск, Кастрычніцкая, 5)

таксама прапаную паглядзець магніты "дзіцячая заМова"

і набор паштовак "Самыя старыя будынкі Беларусі"

паглядзець старонкі з кніжкі можна ТУТ

пачытаць пра кніжку ТУТ, ТУТ і ТУТ

Тэгі:

Jul 01

Валянціна Аксак, Радыё Свабода

У ліпені выйдзе кніга рукапісаў Рыгора Барадуліна «Лепей». Гэтае ўнікальнае выданьне народнага паэта рыхтуе журналіст Глеб Лабадзенка.

Рыгор Барадулін

Рыгор Барадулін вядомы сваімі навацыямі ў айчынным прыгожым пісьменстве. Традыцыйны, здавалася б, лірык у кожнай новай кнізе зьдзіўляе ці то нечаканымі рыфмамі, ці то новымі словамі, ці то нечуванай да яго эратычнасьцю, ці то перастварэньнем біблійных псальмаў. Пошукам новага зьместу і формы паэт заняты й цяпер. У гэтых пошуках мэтра падтрымаў ягоны малады сябра журналіст Глеб Лабадзенка.

«Хацелася нечага незвычайнага. Якраз Глеб гэтую ідэю падтрымаў».

Спадар Глеб ня толькі падтрымаў ідэю выданьня кнігі рукапісаў Рыгора Барадуліна, але і ўзяў на сябе ўвесь клопат па яе падрыхтоўцы. А ён аказаўся немалы. За больш чым шэсьць дзясяткаў гадоў творчага жыцьця ў паэта набралася незьлічоная колькасьць рукапісных нататнікаў. Спадар Глеб прызнаецца, што ня ўсе іх прачытаў.

Глеб ЛабадзенкаГлеб Лабадзенка

«Зразумела, што ня ўсе нататнікі я апрацаваў, а толькі каля двух дзясяткаў. Я адсканаваў больш за пяцьсот вершаў з розных гадоў. Самы раньні зь іх сягае ў пяцьдзясят другі год і напісаны пад псэўданімам Алесь Чабор. А самыя сьвежыя — літаральна зь мінулага месяца яны будуць. То бок за шэсьдзясят адзін год там будуць прадстаўленыя вершы».

Складальнік кажа: чытаючы нататнікі Рыгора Барадуліна, ён уразіўся, наколькі розны паэт на суседніх старонках. І гэтая рознасьць легла ў аснову кампазыцыі будучай кнігі.

«Вось на адной старонцы — „Маленьне за Беларусь“, а на другой — верш пра тое, як певень за курыцай бегае. Вось гэтая рознасьць ягоная ні ў воднай кнізе яшчэ мне не траплялася. Кнігі складаліся альбо паводле храналягічнага прынцыпу, альбо тэматычнага — пра маму, пра радзіму, пра каханьне, рэлігійныя вершы, якіх некалькі зборнікаў выйшла. А вось паказаць тое, наколькі ён шматгранны, шматбаковы — вось гэта мне падалося вельмі важнай магчымасьцю ў такой кнізе».

Рукапіс двух вершаў Рыгора Барадуліна, перададзены «Свабодзе» ў праграму «Чэрвень з Быкавым»

Рукапіс двух вершаў Рыгора Барадуліна, перададзены «Свабодзе» ў праграму «Чэрвень з Быкавым»

Самому паэту важнасьць новай кнігі бачыцца ў тым, што яе старонкі будуць выглядаць так, як напісаныя аўтарам. У век усеагульнай кампутарызацыі часам ня верыцца, што той ці іншы твор напісаны жывым чалавекам, — кажа спадар Барадулін.

«Я хацеў паказаць, што называецца, жывую руку, першароднасьць матэрыялу, яшчэ з пахам травы і крыніц».

Кніга будзе называцца, як самы сьвежы нататнік Рыгора Барадуліна — «Лепей». Сто рукапісных вершаў, аздобленых малюнкамі дачкі і ўнучкі паэта, дапоўняць сямейныя здымкі, якія раней не друкаваліся.

Выданьне ажыцьцяўляецца на народныя грошы. Мэханізм просты — усе ахвотныя мець новую кнігу могуць даслаць папярэднюю замову на адрас складальніка labadzenka@gmail.com з пазначэньнем свайго імя і прозьвішча, электроннага і паштовага адрасу, тэлефона, колькасьці патрэбных асобнікаў. Па Беларусі кніга высылаецца накладной платай. Увесь прыбытак ад выданьня пойдзе аўтару.

Тэгі:

Jun 30


запісана на выпускным Школы маладога журналіста 30.06.2013

Тэгі: ,

Jun 30

pahonia
хоць я й быў малы тыя пару гадоў, калі Беларусь была сапраўды беларускай, аднак два дакумэнты з Пагоняй пасьпеў займець -- гэта граматы за другі і трэці клас )

Тэгі:

Jun 29

valodzia
мой дзед Уладзімер Скачок (1932-1994), сын Зьмітра, унук Фёдара

zahar
мой прадзед Захар Храмцэвіч (1907-1982), сын Зьмітрака, унук Рамана

Тэгі:

Jun 29

+IMG_7358

стан вежы выглядае проста крытычным. тым часам, праязджаючы праз Наваградак разоў пяць за апошнія два месяцы, ні разу ня бачыў, каб там нешта рабілася.

дарэчы, навуковы кіраўнік рэстаўрацыі -- таварыш Сяргей Друшчыц. ён жа кіраваў "рэстаўрацыяй" у Нясьвіскім замку, у часе якой была зьнішчаная трохпавярховая галерэя замка 1750-х гадоў, мост часоў Пане Каханку, усе аўтэнтычныя вокны замка, ляпніна ў залах, паркет, зробленыя скляпеньні з гіпсакардону і г.д.
Чытаць далей »

Тэгі: , ,

Jun 29

jaja

на дарозе між Друяй і Слабодкай (Браслаўшчына).

гэтая вёска -- апошняя паводле альфабэту ва ўсіх сьпісах )

хто ведае этымалогію?

 

Тэгі:

Jun 28

tarantino-by-2013-adnak-final-4625
намінацыя -- ДЫЗАЙН & ART DIRECTION, паднамінацыя Шматстаронкавыя выданні

фота Аляксандра "Таранціны" Ждановіча

Тэгі:

Jun 27

перадрук з Cmok.budzma.org

Як стала вядома нашаму сайту, Рыгор Барадулін з Цмокам сябруе даўно.

-- Цмок -- гэта вельмі даўні сімвал, даўні беларускі грамадзянін, -- сказаў у інтэрв'ю Cmok.budzma.org народны паэт Беларусі. -- Гісторыі пра Цмока сягаюць каранямі ў часы паганства. Але, хоць беларусы сёння ходзяць у касцёл ці царкву, паганства не забываецца. Гэта і даўнія народныя святы, і абрады, і прыкметы. Беларусы ходзяць у храм, але калі лета сухое -- то дажджу таксама ведаюць у каго папрасіць. Таму адраджэнне легендарнага Цмока -- гэта вельмі добрая і натуральная справа! Беларускі Цмок не добры, і не злы -- ён па-беларуску хітры і мудры!

Дзядзька Рыгор, атрымаўшы ў падарунак сувеніры з лагатыпам "Краіна Цмокаў", іранічна заўважыў: "За такі лозунг у сталінскія часы вас бы ўжо даўно адправілі шукаць Цмока на Калыму!".

У падарунак нашаму сайту Рыгор Барадулін перадаў два свежыя цмачыныя вершы. І намякнуў, што варта чакаць працяг цмачынай тэмы!

Вашай увазе -- рукапісы вершаў.
Чытаць далей »

Тэгі: ,

Jun 27

rahnieda

даслала чытачка Ніка Бераснёва

дасылайце і вы прыклады беларускай мовы на таварах ці шыльдах на labadzenka@gmail.com !
цяперашнюю падборку па гэтай тэме можна паглядзець ТУТ

Тэгі: