it cz lt rb
ua fr pl en
se by
Jan 09

Ксенія Ельяшэвіч, TUT.BY

Новыя курсы па беларускай мове, якія будуць праводзіць філолаг Алеся Літвіноўская і журналіст Глеб Лабадзенка, пачнуцца ўжо ў панядзелак 13 студзеня. Заняткі будуць ладзіцца ў сталічнай “Галерэі Ў” штотыднёва ад 19.00 да 21.00 гадзіны. 

Новыя бясплатныя курсы “Мова нанова”збяруць усіх, хто хоча вывучыць мову ці проста “падцягнуць” свае ранейшыя веды. Арганізатары ўжо дамовіліся, каб на некалькі наступных заняткаў завіталі беларускамоўныя замежнікі. Гаворка ідзе пра амерыканца Курта Вулхайзера, што выкладае ў Гарвардзе і цудоўна валодае беларускай мовай; гішпанку Ангелу Эспіносу, што стала вядомая беларусам, калі заспявала песню “Пагоня” (на словы Максіма Багдановіча) і “Малітву” (на словы Янкі Купалы). Таксама ў “Галерэю Ў”, па словах Глеба Лабадзенкі, на адзін з заняткаў завітае таемны госць - “швед, які добра ведае беларускую мову”. 

“У нас сабралася вельмі шмат напрацовак для вывучэння мовы, таму таксама вырашылі сабраць іх на асобным сайце курсаў movananova.by. Сайт ужо напоўнены інфармацыяй і чакае свайго запуску ў панядзелак. З яго дапамогай матэрыялы змогуць атрымаць не толькі студэнты курсаў, але і ахвотнікі з гарадоў і мястэчак, калі захочуць арганізаваць свае заняткі. А калі знойдуцца такія энтузіясты, то мы гатовыя прыехаць, падтрымаць і падзяліцца досведам”, - распавёў парталу TUT.BY Глеб Лабадзенка.

Як адзначаюць арганізатары курсаў, заняткі прысвечаныя не толькі мове і будуць далучацца матэрыялы па гісторыі, культуры і мастацтву Беларусі. Для цікавейшай прэзентацыі запрошаны знаўцы з кожнай галіны:

“Да прыкладу, завітае пісьменнік Уладзімір Арлоў, музыка Лявон Вольскі і бардВіктар Шалкевіч. Генадзь Бураўнік раскажа, як ствараў беларускамоўнае тэлебачанне і быў яго кіраўніком 12 год. Прыйдзе на курсы і філосаф Валянцін Акудовіч. Вядомы тэатральны крытык Вячаслаў Ракіцкі правядзе дыскусію наконт сучаснага беларускага тэатру. Завітаюць да нас і беларускамоўныя пекары, прадпрымальнікі, лекары, інтэрнэтнікі, праграмісты, дызайнеры, музейнікі. Усе гэта дзеля таго, каб паказаць, што па-беларуску можна размаўляць на любыя тэмы, а не толькі на тэму філалогіі і літаратуры. Нават у нашых СМІ ёсць цікавая тэндэнцыя, калі па-беларуску даюцца культурніцкія матэрыялы, а вось пра нешта сур’ёзнае - эканоміку ці грамадства, у нас пішуць па-руску. Хочам гэты стэрэатып разбурыць". 

Па словах Глеба Лабадзенкі, на курсы могуць прыходзіць нават тыя людзі, што “двух словаў па-беларуску звязаць не могуць”. Журналіст адзначыў, што паводле назіранняў, для навучання гэта не з’яўляецца асаблівай перашкодай.

Праект “Мова ці кава”, дзе раней амаль год выкладалі Лабадзенка і Літвіноўская, працягне сваю працу, але ўжо без іх.

Тэгі:

Jan 09

сябры! інфармую, што кніга "Лепей" у Акадэмкнізе (Незалежнасьці, 72) цяпер стаіць не па 146, а па 128 тысяч. з Новага году адмянілі нейкі там падатак -- гэта дазволіла кнігарні зьменшыць кошт.
іншыя месцы продажу кнігі і падрабязьнейшую інфармацыю можна пачытаць ТУТ
l33

Тэгі:

Jan 08

supolka003

Сябры!

Ад 13 студзеня (19.00) ў Галерэі сучаснага мастацтва Ў распачынаецца новы праект – модныя курсы беларускай мовы “МОВА НАНОВА”.

Вядуць курсы філолаг Алеся Літвіноўская і журналіст Глеб Лабадзенка.

Заняткі будуць адбывацца кожны панядзелак, ад 19.00 да 21.00. Уваход вольны!

Ужо цяпер - далучайцеся да суполкі курсаў у facebook і суполкі ЎКАНТАКЦЕ!

На кожным занятку будуць цікавыя беларускамоўныя госці -- як вельмі вядомыя людзі, гэтак і прафесіяналы ў сваёй справе, якія нячаста фігуруюць у прэсе. Прычым, не толькі з Беларусі -- ужо ў студзені навучэнцы змогуць паразмаўляць з сапраўднымі беларускамоўнымі амерыканцамі, шведамі і іспанцамі!

Назва курсаў “МОВА НАНОВА” тлумачыцца проста. Многія беларусы кажуць, што беларуская — іх родная мова. Пры гэтым не зусім добра ці зусім нядобра ведаюць яе. Гэтае словазлучэнне “родная мова”вельмі часта ўводзіць у зман нас саміх. Час прызнацца, што нам пара вучыць беларускую мову нанова! Такія прыклады — калі народ адраджаў паўзабытую мову — ёсць у гісторыі, і яны натхняюць!

Канцэпцыя курсаў — неакадэмічнае вывучэнне мовы. То бок, уся інфармацыя — лексіка і граматыка, а таксама ўсемагчымыя цікавосткі — падаецца праверанай і пісьменнай. Але робіцца гэта ў інтэрактыўных формах, файна і нязмушана. Апроч уласна моўных практыкаванняў, вас чакаюць незвычайныя звесткі па гісторыі ды культуры Беларусі!

Першы занятак прынясе шмат цікавостак: адразу некалькі гасцей (адзін з іх – вядомы беларускамоўны замежнік), выступ лідара гурта HandmadE Яўгена Валошына, таямнічы госць з Верхнядзвінска, майстар-клас "Як слушна павіншаваць па-беларуску", хітрыкі з граматыкі, аўдыё, відэа, фота, мультымедыя…

На занятках будзе цёплая, сяброўская атмасфера, а таксама прыемная драбяза: дармовыя кава і гарбата. Хоць зіма і бясснежная, але ж прыемнасці ніхто не касаваў!

Чакаем вас на занятках!

PS Чаму "модныя"? Нам дужа хочацца, каб размаўляць па-беларуску сталася модна! А потым -- натуральна!

ПАРТНЁРЫ КУРСАЎ

Галерэя сучаснага мастацтва Ў

"Будзьма беларусамі!"

Кнігарня "ЛогвінаЎ"

"Белсат"

 

Тэгі:

Jan 08

horad6
піша чытач Віталь Саболька:

Добрага настрою!
Магчыма, гэтая кавярня ўжо ёсць у вашым "Белым спісе", але на ўсялякі выпадак дасылаю свае шпіёнскія зацемкі.
Меню кавярні сфармаванае на трох мовах. Першае месца, што прыемна, займае беларуская. Афіцыянткі вельмі ветлівыя і прыемныя. Стравы ў кавярні досыць беларускія. Кошты, праўда, не для беларускіх студэнтаў і не для пенсіянераў. Па шпіёнскіх дадзеных, у кавярні ёсць толькі адна беларускамоўная супрацоўніца. Тым не менш, вашу беларускую мову кожны афіцыянт выслухае з задавальненнем (спадзяюся) 🙂 У скрайнім выпадку, можна будзе тыцнуць пальцам у беларускі надпіс меню 🙂 Не ў кожнай кавярні ёсць такая цудоўная магчымасць.

камэнтуе паэт Леанід Дранько-Майсюк:

Гэта тая кавярня, куды я наведваюся сам, з сям'ёй, з сябрамі. Летась я спытаўся ў дзівоснай гаспадыні гэтай слаўнай установы: "А чаму ваша меню толькі па-расійску і па- англійску?" На што пачуў: "Спадар Леанід, дапамажыце! Перакладзіце наша меню на беларускую мову!" Працаваў я поўныя два тыдні, бо тэкст мне даслалі даволі ёмісты. За пераклад атрымаў ганарар -- дысконтную картку

дасылайце і вы прыклады беларускай мовы на таварах ці шыльдах на labadzenka@gmail.com !
для тавараў пазначайце назву брэнда і краіну-вытворца, для месцаў і ўстановаў -- населены пункт і адрас (прынамсі, вуліцу)
цяперашні "БЕЛЫ СЬПІС беларускай мовы" (больш за 250 пунктаў) можна паглядзець ТУТ

Чытаць далей »

Тэгі:

Jan 07

himiki

Добры дзень, шаноўны сп. Лабадзенка,

Прапаную вашай увазе і для вашай калекцыі беларускамоўных сайтаў наш сайт "Суперхімікі : Хімічныя алімпіяды Беларусі : ілюстраваная гісторыя"

Ясная справа, алімпіяда і алімпійцы - не тавар. З іншага боку, у нашыя часы інтэлект - рэч асабліва каштоўная (там, дзе гэта разумеюць)...

З павагай,
Аляксандр Рагойша

дасылайце і вы прыклады беларускай мовы на таварах ці шыльдах на labadzenka@gmail.com !
для тавараў пазначайце назву брэнда і краіну-вытворца, для месцаў і ўстановаў -- населены пункт і адрас (прынамсі, вуліцу)
цяперашні "БЕЛЫ СЬПІС беларускай мовы" (больш за 250 пунктаў) можна паглядзець ТУТ

Тэгі:

Jan 06


Пра жыццё Каталіцкага Касцёла на Гродзеншчыне цяпер можна даведацца і дзякуючы новаму праекту Тэлерадыёкампаніі «Гродна» і відэастудыі Гродзенскай дыяцэзіі — тэлеперадачы «Сімвал веры». Выходзіць яна раз на два тыдні па аўторках на тэлеканале «Беларусь-2».

Аўтар відэа: Відэастудыя Гродзенскай дыяцэзіі

Тэгі: ,

Jan 06


у спадара кіроўцы, канешне, жалезныя нэрвы!
але тое, што ніхто з пасажыраў ні разу не пацярпеў -- хвала яму!

Тэгі: ,

Jan 05

aut-henijush
даслаў шаноўны Сяргей Панізьнік
Чытаць далей »

Тэгі:

Jan 05

kahaju-minsk

даслаў чытач Макім Ляшко з камэнтаром:

У "Цэнтральным унівэрсаме". Вось так, кахаюць Мінск.

дасылайце і вы прыклады беларускай мовы на таварах ці шыльдах на labadzenka@gmail.com !
для тавараў пазначайце назву брэнда і краіну-вытворца, для месцаў і ўстановаў -- населены пункт і адрас (прынамсі, вуліцу)
цяперашні "БЕЛЫ СЬПІС беларускай мовы" (больш за 250 пунктаў) можна паглядзець ТУТ

Тэгі:

Jan 05

bps-sberbank

даслаў чытач спадар Ігар
цяперашні "БЕЛЫ СЬПІС беларускай мовы" (больш за 250 пунктаў) можна паглядзець ТУТ

Тэгі: