it cz lt rb
ua fr pl en
se by
Aug 09

d0b2d0bed0b6d18bd0ba

Гасьцюю зараз у Вушачах у Рыгора Барадуліна. Дзядзька Рыгор корміць тут усё жывое і непрытульнае.

Пад вечар да Барадулінскай хаты прыходзіць пяць катоў і сабака. А роўна ў 21.00 падцягваецца сямейства вожыкаў: мама, тата і дзіцёнак. Вожыкі п'юць малако і ядуць кашу. Аднаго вожыка мне ўдалося сфоткаць.
Чытаць далей »

Тэгі:

Aug 09

дзякуючы нам, Rahis падняўся ў гіт-парадзе і цяпер ёсьць рэальны шанец патрапіць на складанку "Тузін Гітоў"! аднак гіт-парад -- рэч зьменлівая, да таго ж, іншыя фанаты ня сьпяць у шапку.
працягваем галасаваць ТУТ!

песьні Rahis слухаем ТУТ!

Тэгі:

Aug 08

sarkozy_0

Кажуць, без фаташопу. Нібыта нейкія нашыя хлопцы надавалі такіх фенечак Меркель, а яна вырашыла зь Нікаля падзяліцца. Коля, каб дагадзіць Анжэлцы, -- адразу і начапіў.

А нават калі і фаташоп -- усё адно клёва 🙂
Чытаць далей »

Тэгі:

Aug 08

дом на гары
яркім вагнём дагарыць
ловіць умела праменьне
і прыкладае да цела
заўтра ў тры
я адлятаю ў Парыж
каб пазваніць табе
і запытаць:
што ты хацела?
можа, кавалак Манмартру
а можа, ад Вульля трубу
сьвежыя булачкі, каву
і цёплы пірог з марцыпанам
мяккае крэсла
дзе кожная ножка – бамбук
сьпеўную мову
дзе кожны зваротак – каханы
яркім вагнём дагарыць
мой шпацыр па бульвары
Асман
вочы заплюшчы, расплюшчы –
і вось распушчаецца маска
я абдыму твае плечы
раскрыю стары чамадан
зьдзівісься ты
а я проста
скажу:
калі ласка

Тэгі:

Aug 08

журналістаў загінулі ў сьвеце за гэты год пры выкананьні прафэсыйных абавязкаў.
за 2008 год колькасьць загінулых склала 109 чалавек.

Тэгі:

Aug 08

Таццяна Кібіна: Я цяпер асоба вядомая. Але пастанову № 991 не пісала!

2009-08-07 13:17:01, Зміцер Глінскі

Карэспандэнт Еўрарадыё паспрабаваў запісацца на прыём да чыноўніцы, прозвішча якой пазначанае пад скандальнай пастановай № 991

Неўзабаве пасля з’яўлення пастановы № 991 у інтэрнэце з’явіліся звесткі пра яе меркаваных аўтараў. Сусветнае сеціва прыпісвала дакумент пяру Таццяны Кібінай – супрацоўніцы Ўпраўлення справамі прэзідэнта Рэспублікі Беларусь. Карэспандэнт Еўрарадыё знайшоў нумар Таццяны Іванаўны і паспрабаваў запісацца да яе на прыём, каб сказаць усё, што ён думае з нагоды няўдалай пастановы.

Зміцер Глінскі: “Добры дзень! Скажыце, калі ласка, ці можна да Кібінай Таццяны Іванаўны на прыём запісацца?”

Суразмоўца: “Таццяна Іванаўна прыёмаў не праводзіць. А хто вы такі, што вы?”

Зміцер Глінскі:
“Я проста прачытаў гэтую пастанову і маю колькі прапановаў, каб давесці яе да ладу, так бы мовіць...”

Суразмоўца: “Ведаеце, што? Па-першае, адразу хачу сказаць, што пісаў іншы чалавек. І далей што? Вы хочаце даць парады?”

Зміцер Глінскі: “Ну, так!”
Чытаць далей »

Тэгі:

Aug 08

lo2

Унікальны комін (на здымку -- крайні левы), пра які я пісаў неаднойчы, абрынуўся. Гэта адбылося 5 жніўня ўвечары. Па зьбегу акалічнасьцяў я быў у Лошыцы ўсяго за некалькі гадзінаў да гэтага. І , фатаграфуючы комін, падумаць не мог, што гэта будуць ягоныя апошнія здымкі...

loszyca_05

А вось такую карціну пабачыў у Лошыцы фатограф "Нашай Нівы" Алесь Пілецкі...
Нагадаю, рэканструкцыю Лошыцкай сядзібы праводзіць фірма "Эльвіра". Чытаць далей »

Тэгі:

Aug 07

cover_blog

Мае сябры и проста афігенна класны гурт Rahis змагаецца зараз з песьняй FM у галасаваньні парталу "Тузін Гітоў" за тое, каб патрапіць на чарговы дыск-складанку.

Падтрымаем хлопцаў!

Вось песьня, якая, уласна, і змагаецца:

FM.mp3

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.

Галасаваць за яе трэба ТУТ
Чытаць далей »

Тэгі:

Aug 07

Мой матэрыял у сёньняшняй "Звяздзе" на тэму мітушэньняў вакол Сьпісу сусьветнай спадчыны ЮНЕСКА.

polacak

Гутаркі з намесьніцай начальнiка Упраўленьня па ахове гiсторыка-культурнай спадчыны i рэстаўрацыi Мiнiстэрства культуры Аксанай Сматрэнкай і магістрам мастацтвазнаўства Сяргеем Харэўскім. Атрымаліся гутаркі даволі жорсткімі.

Падаючы ў Спiс ЮНЕСКА адны аб'екты, мы назiраем за разбурэннем iншых?

Беларусi чатыры аб'екты ўключаныя ў Спiс сусветнай спадчыны ЮНЕСКА. Многа гэта цi мала? Нармалёва, бо ва Украiне, якая нашмат большая па плошчы, такiх аб'ектаў усяго тры. А ў некаторых краiнах — адзiн цi нiводнага. Па якiм прынцыпе мы прапануем аб'екты ў гэты Спiс? Чаму нам адмаўляюць? Што дае Спiс ЮНЕСКА Беларусi? Чаму адначасова iншыя помнiкi архiтэктуры знiкаюць, разбураюцца, няграматна рэстаўруюцца?.. Гэтыя пытаннi я паспрабаваў высветлiць у дзвюх гутарках — з чыноўнiцай Мiнiстэрства культуры i экспертам-культуролагам.
Чытаць далей »

Тэгі: ,

Aug 07

maldzis

Аднаму з найразумнейшых людзей нашай краіны прафесару Адаму Мальдзісу сёньня спаўняецца 77 гадоў. Чалавек, які адкрыў для многіх Архіпелаг Беларусь, які заразіў многіх любоўю да нашай гісторыі і культуры.

Нарадзіўся Адам Мальдзіс у Расолах на Астравеччыне -- там, дзе зараз зьбіраюцца будаваць АЭС...

Працаваў у Інстытуце літаратуры Акадэміі навук, узначальваў Скарынаўскі цэнтар, Міжнародную асацыяцыю беларусістаў, зараз займаецца ўпарадкаваньнем інфармацыі пра беларусаў у сьвеце.

Sto lat, пане Адаме!..

Тэгі: