it cz lt rb
ua fr pl en
se by
Oct 04

gryb

казка з хэпі-эндам

пайшоў глеб паўлавіч у грыбы. назьбіраў вядро з горкай.
аднак толькі, глеб паўлавіч у грыбах ну ні храна не разьбіраецца!
вырашыў глеб паўлавіч засмажыць іх усе і зьесьці. але нешта заторкаўся, не дайшлі рукі.
назаўтра прачнуўся, стаў займацца прыбіваньнем вагонкі, сьвідраваньнем сьценаў -- не да грыбоў.
на трэці дзень глеб паўлавіч сказаў: усё, грыбы, сьцеражыцеся, я вас зьем!
аднак тут на лецішча прыехала суседка -- жана пятроўна. і сказала: глеб паўлавіч, пень ты этакі, давая я табе перабяру твае паганкі. і выкінула жана пятроўна палову так нялёгка знойдзеных грыбоў. а адзін грыбок паказала глебу паўлавічу і сказала: зьеў бы яго -- засталася б твая вагонка недабітая.

усё скончылася добра, глеб паўлавіч з асалодай паеў грыбочкаў са сьмятанай. а гэты, маленькі, вырашыў пакінуць як успамін пра нязьдзейсьненае самагубства ў асабліва вычварнай форме.

the end

Тэгі:

Oct 02

001

пахадзіў сёньня гадзінку па лесе, падыхаў хвоямі, паглядзеў на зёлкі-ёлкі. божачкі, як там прыгожа!.. галоўнае -- надзявацца цяплей. і браць з сабой фоцік.

Чытаць далей »

Тэгі: ,

Oct 02

нагадай,
пад што мы кансьпіраваліся?
я, здаецца,
пад будынак Ліцэю
а ты – пад ліцэістку
адно ў адным
хаваліся,
шукаючы панацэю
нагадай,
як вынайшлі мэтад
давесьці бацькоў да
вар’яцтва
ты, здаецца, тады
зразумела,
што галоўнае –
не баяцца
нагадай,
як ляжалі ў жыце
за трыста крокаў
ад “лініі сталіна”
прызнайся, ты тады ўжо ведала,
што паедзеш адна ў італію?
і ці гэта цябе ўтрымае,
калі ўсё-ўсё-ўсё
нагадаю?..

Тэгі:

Sep 30

машины не ставить

Тэгі:

Sep 30

знайшоў некалі ў нэце...

n-mapa

СПАМПАВАЦЬ У ВЯЛІКІМ ПАМЕРЫ (вельмі сьмешна!)

Тэгі:

Sep 30

пакуль мы тут з вамі сядзім, нашыя паўднёвыя суседзі такія вось плакацікі робяць 🙂

хто перакладзе?..

moskalskyigaz

Sep 30

+IMG_8332

Ужо пісаў некалі пра касьцёл у Новым Сьвержані (што пад Стоўпцамі), аднак вельмі люблю гэты храм і вяртаюся туды.

Ён збудаваны ў 1588-1600 гадах на фундацыю Мікалая Крыштафа Радзівіла Сіроткі.

Тут, у Новым Сьвержані, знаходзілася таксама парцалянавая мануфактура Радзівілаў. Тут былі выраблены бюсты для архіва ў Нясьвіскім замку, які цяпер адноўлены. У Сьвержані нарадзіўся і прэзыдэнт Ізраілю Залман Шазар.

У 1818 годзе моцны вецер сарваў дах, была пашкоджаная і вежа. У выніку гэтага вежу зрабілі ніжэйшай -- для бясьпекі. Першасная яе форма невядомая.

У 1935 годзе парафія налічвала 1705 вернікаў.

У 1864 годзе маскалі зачынілі касьцёл. У 1901 ён быў зноў перададзены вернікам.

У 1911-12 гадах тут служыў ксёдз-паэт Андрэй Зязюля.

Неаднойчы касьцёл быў пашкоджаны. У 1706 Новы Сьвержань спалілі швэды. У 1812 тут быў бой расейскага і францускага войскаў. У 1915 вёску акупавалі нямецкія жаўнеры. Пашкодзілі касьцёл і ў часе Другой сусьветнай.

У 1950 камунісцкія выблядкі зрабілі ў храме навозасховішча...

У 1989 сьвятыню аддалі вернікам, яна была адноўленая.
Чытаць далей »

Тэгі:

Sep 29

З Кіева прыйшлі пераклады, якія сьпяшаюся выкласьці -- мо, каму цікава будзе. Мне ў цэлым спадабалася, некаторыя месцы -- вельмі. Для магчымасьці параўнаньня прыводжу ўсё парамі.

давай на тры хвіліны
будзем
чорным зернейкам кавы
ты – левай паловай
я правай
а думаць будзем
абодва
насуперак тэарэмам
і зробім
кубак кавы лагоднай
нашым гарэмам
а далей –
малеч зярнятак
знойдзем у капусьце
і хрэн да сябе
кавамолку
падпусьцім


* * *

ану ж на три хвилини
станьмо
зернятком чорної кави
ти – половинка ліва
я – права
а думатимем обоє
усупереч теоремам
і зробим
чашку кави смачної
нашим гаремом
а тоді –
трохи зернинок
знайдемо у капусті
і дзуськи до себе
кавомолку
підпустим

З білоруської переклав Володислав Журба

Чытаць далей »

Тэгі:

Sep 29

Прашу распаўсюдзіць гэты зварот як мага шырэй!

Напярэдадні перапісу насельніцтва група культурных і грамадзкіх дзеячоў Беларусі заклікала беларусаў назваць роднай мовай беларускую.
Зварот ініцыяваны ў рамках нацыянальнай культурніцкай кампаніі "Будзьма беларусамі!" і падпісаны 51 культурным і грамадзкім дзеячом Беларусі.

Назаві беларускую мову роднай!

Шаноўныя сябры!

Праз некалькі дзён у нашай краіне пройдзе чарговы перапіс насельніцтва, адным з пунктаў якога будзе пытаньне пра Вашую родную мову. Мы ведаем, што большасьць з Вас шануюць беларускую мову і падтрымліваюць пашырэньне яе ужываньня ў грамадзкім жыцьці.

Беларуская мова – гэта неад’емная частка нашай культуры і гарантыя нашай будучыні як унікальнага эўрапейскага народу. Вынікамі перапісу насельніцтва мы здольныя засьведчыць самі сабе і усяму сьвету, што мы з’яўляемся паўнавартаснай нацыяй, годнай цікавасьці і павагі з боку іншых нацый сьвету.

Адказ "беларуская" на пытаньні перапісчыкаў аб роднай мове і мове штодзённага ужытку мае ня толькі сымбалічнае, але і практычнае значэньне. Ад колькасьці людзей, якія ў адказах назавуць беларускую мову, будзе залежаць далейшая палітыка дзяржавы. Адказам "беларуская" вы станоўча паўплываеце на яе.

Будзем жа памятаць пра гэта, адказваючы на пытаньні перапісчыкаў! Падтрымаем наш нацыянальны скарб – мову нашых продкаў, якая нас усіх аб’ядноўвае і робіць унікальнымі.

Будзьма з мовай!

Чытаць далей »

Тэгі:

Sep 29

001

разьбіраў фотачкі з вандровак і знайшоў цэлую фотасэсыю з Палангі. з маім фоцікам на шпацыры асыставаў мне паэт Віталь Рыжкоў.

захацелася зноўку прайсціся па калена ў вадзе...

Чытаць далей »

Тэгі: ,