it cz lt rb
ua fr pl en
se by
Feb 13

Сябры, трывога! Вы ж усе ведаеце прадпрыемства "Мінская спадчына", якое сьвята ахоўвае нашыя помнікі гісторыі і культуры, супрацоўнікі якога ночы ня сьпяць, думаючы пра нашую даўніну, а кожны дом яны рэстаўруюць удумліва і далікатна, дбаючы пра выканаьне ўсіх законаў.

Дык вось, таварышы, завёўся чэрв! Нейкі Глеб Лабадзёнак дазволіў сабе ачарніць гэтых сьветлых і парадачных людзей, надрукаваўшы гнустную стацеячку-паклёп у газэце "Звязда".

Але "Мінская спадчына" ня сьпіць у шапку, ня бойцеся! Гэтаму негадзяю Лабадзёнку будзе дадзены годны адказ! На першым этапе кіроўцы бульдозэраў з "Мінскай спадчыны" гатовыя задаволіцца абвяржэньнем у газэце. І нават самі склалі для яго тэкст.

Дык вось, гэты Лабадзёнак панапісваў, што помнік архітэктуры ХІХ стагодзьзя нельга грохаць экскаватарам. Больш за тое -- і эта вазмуціцельна! -- Лабадзёнак піша, што "Мінская спадчына" павінна была выконваць рашэнне Рэспубліканскай навукова-мэтадычнай Рады аб разборцы будынка ўручную (якая нагласьць!). Аказваецца, таварышы, "Мінская спадчына" ўжо адкалупала ад будынка патрэбную колькасьць цаглін, каб "прыдаць" навабуду "аўтэнтычнасьці".

А ўвогуле тая цэгла, што накалупалі, пойдзе на "прыданьне аўтэнтычнасці", а астатняя, як высьветлілася, годная толькі на "шчабёначны матэрыял"...

Падлічыўшы колькасьць арфаграфічных памылак у дакумэнце за подпісам Міхаіла Жыха і знайшоўшы там некалькі лягічных нестыковак, я падумаў, што ўсё ня так дрэнна. Альбо Міхаіл Жых не да канца рубіць што да чаго, альбо ягоныя юрысты проста яго разводзяць.

А ўвогуле, сябры, пабачыце таго Лабадзёнка -- перадайце, што нельга гнаць на самых вялікіх змагароў за нашую спадчыну -- Міхаілы Жыха і кумпанію.

PS Тэлефанаваў Лабадзёнак. Пытаўся, ці мае ён права цяпер называць Міхаіла Жыха Міхаілам Чмыхам ці Міхаілам Пыхам. Што сказаць яму, ня знаю...

Тэгі: ,

Feb 13

Марыйка Мартысевіч узяла, паводле яе словаў,  найлепшае інтэрвію ў Паўла Латушкі.
Чытаць ТУТ

Тэгі:

Feb 12

пра менскі канцэрт сусьветнавядомага піяніста Адама Маковіча я пісаў ВОСЬ ТУТ

праз пэўны час пасьля гэтага пост пракамэнціў пан Wojtek Okulicz. ён сказаў, што гугліў Маковіча у нэце -- і выйшаў на мой блог. прагледзеў фота, відэа, аўдыё -- спадабалася. папрасіў перакласьці пост на польскую, каб паказаць Маэстра (абодва жывуць у Таронце).
назаўтра я атрымаў ліст ад пані Жоанны Маковіч -- жонкі вялікага піяніста. яна выказвала падзяку за цёплы пост і прасіла паведаміць хатні адрас, каб выслаць на знак удзячнасьці дыск спадара Адама.
Чытаць далей »

Тэгі:

Feb 12

Раман П. зь Менску ахвяраваў на ўнікальнае выданьне "Ладзьдзі Роспачы" 50 тысяч рублёў.

дзякуй!

на цяперашні момант сабрана 2 мільёны 480 тысяч рублёў (+/- у залежнасьці ад курса даляра).

трэба каля 3 мільёнаў 480 тысяч (+/- у залежнасьці ад курса даляра).

не хапае роўна мільёна!

праца над выданьнем працягваецца. калі ўсё складзецца спрыяльна, кніга выйдзе да канца сакавіка. так што яшчэ месяц на ахвяраваньні ёсьць.

нагадваю, што ахвяраваньні магчымыя ў два варыянты: альбо вы, па сутнасьці, робіць перадплату за пэўную колькасьць асобнікаў альбо ахвяруеце -- і ахвяра ідзе на зьніжэньне сабекошту кнігі.

падрабязьней пра выданьне і магчымасьць далучыцца
ТУТ

Тэгі:

Feb 12

"Белсат" зрабіў сюжэт у навінах пра руйнаваньне экскаватарам дому ХІХ стагодзьдзя па Рэвалюцыйнай 24а. Відэа сюжэту можна пабачыць ТУТ (выпуск "Аб'ектыва" за 11 лютага, пачынаючы з 12:35)

падрабязьней пра ўсю валтузьню ТУТ і ТУТ
стэнаграма сюжэта:
Чытаць далей »

Тэгі:

Feb 12

цяжка ўявіць, але гэтыя чароўныя вітражы аўтарства Вікенція Ральцэвіча на віцебскім вакзале зьнішчаныя... для таго, каб замяніць іх на убогія звычайныя шклопакеты.

скажыце, людзі, мне аднаму здаецца, што зрабіць такое маглі толькі поўныя дэбілы?..

і гэта самае страшнае, калі зьнішчаецца матэрыяльная спадчына, матэрыяльная прыгажосьць, матэрыяльная гісторыя і культура. бо шыльды на дамах мы памяняем, Геніюш рэабілітуем, Барадуліна ў падручнікі вернем. а зруйнаваныя дамы і зьнішчаныя творы мастацтва ўжо ня вернеш.

думаючы пра гэта, мне часта прыгадваецца анекдот

-- Алё, это прачечная?
-- Хуячечная! Это Министерство культуры!

Чытаць далей »

Feb 11

Не чакаючы нейкіх дзеяняў, я сам зазваніў у Генпракуратуру. У канцылярыі адказалі, што ніякай заявы ад Жыха ці "Мінскай спадчыны" не паступала. Паўгадзіны мы размаўлялі з пракурорам, які менавіта займаецца пытаннямі помнікаў архітэктуры. Мне паведамілі, што чыталі мой артыкул -- і самі накіравалі запыт у Міністэрства культуры з просьбай даць адпаведныя матэрыялы. Таксама мяне папрасілі даць усе матэрыялы, што ёсьць у мяне на руках -- уключна зь відэа і фотафіксацыяй моманту руйнаваньня будынка, усімі дакумэнтамі, якія пацьвяржаюць незаконнасьць дзеяньняў "Мінскай спадчыны". Што і будзе зроблена.

Таксама ў Генпракуратуры мне паведамілі, што 17 лютага па пытаньню Рэвалюцыйнай 24а зьбярэцца Рэспубліканская навукова-мэтадычная Рада. Ад зьвестак, якія па выніках Рады паступяць у пракуратуру, будзе залежаць далейшае разьвіцьцё падзеяў. Зрэшты, тут мы і пабачым, ці будзе Міністэрства выгароджваць "Мінскую спадчыну" -- і адразу стане зразумела, хто ў чым зацікаўлены.

У сваім матэрыяле, які выклікаў такую ярасьць спадара Жыха, я кожнае слова магу пацьвердзіць дакумэнтальна. Так што мы яшчэ паваюем.

Feb 10

“Пастар­нак — сьмецьце, ён не заслугоўвае ні званьня савецкага пісьменьніка, ні званьня грамадзяніна, а наша літаратура пойдзе далей пад кіраўніцтвам нашай Камуністычнай партыі”

Пятрусь Броўка, 1958 год, на паседжаньні Саюзу пісьменьнікаў БССР з нагоды асуджэньня Пастарнака за атрыманьне Нобелеўскай прэміі.

Як казалі ў нас ў двары, калі я быў малы, "хто как абзываецца, тот так і называецца"...

Feb 10

прыемная вестка: фільм Андрэя Кудзіненкі, забаронены да паказу яшчэ ў 2004 годзе, дазволілі. першы "чэсны" паказ -- 15 лютага ў "Піянеры".
ня буду пераказваць сюжэт.

хто бачыў, пойдзе яшчэ раз, хто ня бачыў -- адкрыйце для сябе гэты фільм, іншую праўду пра вайну і партызанаў.
падрабязнасьці ТУТ

PS хто жыве ня ў Менску, магу бясплатна даслаць фільм на дыску. лістуйце labadzenka@gmail.com

Тэгі:

Feb 10

Пра гэта паведаміў сам галоўны інжынер "Менскай спадчыны" Міхаіл Жых у размове з журналістамі. Ніякіх пацьвержаньняў пакуль няма. Адбылося гэта пасьля артыкула пра руйнаваньне экскаватарам будынка ХІХ стагодзьдзя па вуліцы Рэвалюцыйнай 24а ў Менску (тэкст артыкула гл.ТУТ )

маё сьнежаньскае інтэрвію зь Міхаілам Жыхам можна пачытаць
ТУТ
камэнтар Антона Астаповіча можна пабачыць
ТУТ

матэрыял з Еўрарадыё

“Мінская спадчына” паскардзілася ў пракуратуру на “Звязду” і Астаповіча

18:13 10.02.10 Віталь Ругайн

Прадпрыемства “Мінская спадчына” падало заяву ў пракуратуру на газету “Звязда” і Таварыства аховы помнікаў гісторыі і культуры, якое ўзначальвае Антон Астаповіч. Нагодай стаў матэрыял у дзяржаўнай газеце пра знос старога будынку на вуліцы Рэвалюцыйнай, паведаміў Еўрарадыё галоўны інжынер “Мінскай спадчыны” Міхаіл Жых.

Міхаіл Жых: “Уся інфармацыя, якая была размешчана ў газеце "Звязда", гэта поўная выдумка. Сёння я зрабіў афіцыйную заяву ў пракуратуру за паклёп на прадпрыемства і Міністэрства культуры. На газету і канкрэтных аўтараў. Сёння сустракаліся ў генеральнай пракуратуры. Пойдзе даручэнне ў раённую пракуратуру па месцы размяшчэння гэтых юрыдычных асобаў — Таварыства аховы помнікаў, якое давала інфармацыю, і газеты "Звязда".

Карэспандэнт газеты “Звязда”, аўтар матэрыяла, які не спадабаўся "Мінскай спадчыне", Глеб Лабадзенка распавёў Еўрарадыё, што ні газета, ні Таварыства аховы пакуль нічога афіцыйна не атрымоўвалі.

Глеб Лабадзенка: “У пачатку снежня, калі экскаватарам зруйнавалі палову будынка, я рабіў інтэрв'ю з Міхаілам Жыхам, і ён сказаў, што пра гэта не ведаў і будаўнікі самі падагналі экскаватар і знеслі паў-будынка. У дакументах, якія ёсць у мяне на руках, засведчана, што ўсе суб'екты — “Мінская спадчына” як заказчык, навуковы кіраўнік аб'екта — нясуць адказнасць за ўсё, што адбываецца з гэтым аб'ектам. У дадзенай сітуацыі я не ведаю, як будзе выкручана, хто канкрэтна аддаў загад. Можа быць, высветліцца, што экскаватаршчык асабіста вырашыў зруйнаваць будынак. Але я хачу сказаць, што ўсе словы, прыведзеныя ў артыкуле, пацверджаныя дакументальна. Таму я зараз схільны лічыць гэту заяву, магчыма, блефам”.

Тэгі: