it cz lt rb
ua fr pl en
se by
May 19

у апытаньні, разьмешчаным у правым слупочку на гэтай старонцы, узялі ўдзел ужо 145 чалавек.
такім чынам, зь іх з рознае нагоды галасавалі 32 асобы каля 22%), не галасавалі — 113 (каля 78%).

мяркую, блог наведваюць збольшага адукаваныя і прасунутыя людзі, таму пра рэпрэзэнтатыўнасьць казаць не выпадае. але лічба яскравая.

Тэгі:

May 19

«Хлопчыку прыкладам разбілі ўсю галоўку»
Успаміны Канстанціна Гайдука (запісаў Алесь Кудрыцкі)

перадрукавана з “Нашай Нівы”

І партызанскі гвалт, і здзекі нацыстаў. Успаміны Канстанціна Гайдука, які падлеткам працаваў у партызанскім шпіталі пад Бегам’ем: нязручныя для афіцыёзу, неацэнныя для нашчадкаў.
Усё меней застаецца людзей, якія бачылі апошнюю вайну на свае вочы. Але дзіўная рэч: і такім людзям у сучаснай Беларусі, здараецца, не даюць слова.
У рэдакцыю «НН» звярнуўся Канстанцін Гайдук, 79 гадовы жыхар Бягомля. Падлеткам ён працаваў у партызанскім лясным шпіталі. Пабачыў столькі, што хапіла б на захапляльную кнігу. Але дзяржаўныя выданні, у якія спадар Гайдук дасылаў свае ўспаміны, адмовіліся даць яму слова: надта ўжо нязручная яго ваенная праўда. Справа ў тым, што Канстанцін Гайдук не толькі памятае пакуты мясцовых жыхароў і гераічныя справы абаронцаў, але не забыўся і на тое, як некаторыя дзеячы, выбіўшыся ў партызанскія камандзіры, чынілі гвалт над няўгоднымі ім людзьмі, зводзілі асабістыя рахункі.
Канстанцін Гайдук сведчыць не толькі ад свайго імя.
Чытаць далей »

Тэгі:

May 19

Канцэрт “Рытмы і рыфмы”, пра які я пісаў раней, адбудзецца 20 траўня ў 19.00, але ў іншым месцы – у музеі Янкі Купалы (вул. Я. Купалы, 4). Уваход вольны! Усе, хто купляў квіткі, атрымаюць грошы назад.

May 18

Менск, вуліца Ангарская

Тэгі:

May 17

серада, 19 траўня, 17.30, “Кніжны салон” (Калініна, 5, метро “Парк Чалюскінцаў”)

Рыгор Барудулін прэзэнтуе свае новыя кнігі, якія выйшлі за апошнія паўгады

таксама ўдзельнічаюць: Генадзь Бураўкін, Алесь Камоцкі, Кася Камоцкая і Віктар Корзун (прэзэнтуюць фільм “Эпоха Барадуліна”), Міхась Скобла.

Уваход вольны!

Тэгі:

May 13

4000 візытовак. прыемна… вельмі прыемна…

May 12

у гадзіну ночы да мяне на падваконьне зваліўся майскі жук. ужо цёпла, і апроч форткі, я адчыняю ўначы і вакно, каб працавалася лепш. і вось ён грохнуўся. расправіў крылы, склаў. пасьля зваліўся на падлогу.  та-акі прыгожы! я злавіў яго, пасадзіў на жоўты аркуш паперы і наладзіў жуку фотасесію. жывёлка апынулася неспакойнай, але колькі разоў ён удала застываў перад аб’еквывам… Чытаць далей »

Тэгі:

May 11

на адноўленай Магілёўскай ратушы ўсталяваная вэб-камэра, якая абнаўляецца кожныя 10 сэкундаў. я зайшоў паглядзець — а там муха сядзіць. пасьпеў захаваць карцінку да наступнага абнаўленьня. дзялюся 😉

Тэгі:

May 11

абвестка з сайту “Твой стыль”

23 траўня
13.30- 16.00 Майстар-клас


Практычная журналістыка: як ужываць парады класічных міжнародных падручнікаў у нашых умовах

Удзельнікі даведаюцца пра асаблівасці напісання артыкулаў: будову матэрыялу, этапы падрыхтоўчай працы, праца з людзьмі, комплекс “загаловак-лід”, нюансы тэхнікі рэпартажу.

Вядучы – Глеб Лабадзенка. Спецыяльны карэспандэнт газеты “Звязда”. Друкаваўся больш чым у 40 беларускіх і замежных выданнях.

Чатыры гады працаваў у “Комсомольской правде” в Беларуси”.

Тройчы атрымліваў прэмію БАЖ “Вольнае слова “За найлепшы інфармацыйны матэрыял (2008- 2-е месца, 2009 — 1-е месца, 2010 год — 3-е месца), быў намінаваны на Нацыянальную прэмію “Залатая літара” як найлепшы рэпарцёр году (2007).

Тэгі:

May 11

10 траўня 2010, Менск, кінатэатр “Перамога”
Чытаць далей »

Тэгі: