it cz lt rb
ua fr pl en
se by
Sep 10


зьезьдзіў у Фігерас, у Тэатр-музэй Далі. пра сам тэатр-музэй — крыху пазьней, а пакуль — адная дэталя: магіла Далі.
такую пліту можна пабачыць у крыпце, у адной з экспазіцыйных заляў проста на сьцяне раптам бачыш намагільную пліту.
а зверху магіла Сальвадора Далі выглядае так: Чытаць далей »

Тэгі: ,

Sep 09

Я жыў на вуліцы Максіма Танка. Адразу я думаў, што “Максім Танк”— назва знакавай ваеннай машыны. Насамрэч, як падказала “Вікіпедыя”, гэта псеўданім беларускага паэта і перакладчыка.

Цікавы аповед ангельскага выкладчыка, які некалькі месяцаў жыў у Менску.

Як з замежнікаў у Беларусі “здзіраюць шкуру”

Тамаш ГРЫБОЎСКІ , Тут і цяпер

З экранаў беларускіх тэлеканалаў перыядычна даносіцца, што ў нас пабудавалі “лепшую ў Еўропе хакейную арэну” або “самую сучасную малочную ферму”, “Беларускую эканамічную мадэль” і згадваць няма чаго — байка ва ўсіх на языку. Аднак за межамі Сінявокай пра ўсё гэта не ведаюць. Тым больш цікава паслухаць, што пра нас думаюць замежнікі. “Тут і цяпер” друкуе ўрыўкі з блогу брытанскага спецыяліста па кар’ерным росце Кола Дэвіса (Cole Davis), які выкладаў і жыў у Мінску цягам некалькіх месяцаў. Чытаць далей »

Sep 08


Падарожжа ў Барселону пачалося для мяне ў Ашмянах. У аўтобус “Мінск-Каўнас” забегла рота цётачак-кантрабандыстак, якія пачалі ліхаманкава распіхваць па шчылінах аўтобуса гарэлку і цыгарэты. Рэшту яны напрамілы Бог прасілі ўзяць астатніх пасажыраў (у дазволеных маштабах). Я такія рэчы не вельмі люблю, таму, калі дайшлі да мяне, зрабіў сур’ёзны выраз твару і адказаў: “Даруйце, мне нельга, я ў міліцыі раблю”. Дзядзечка з дыяганальнага сядзення, які літасціва згадзіўся перавезці праз мяжу пляшку гарэлкі і пару пачкаў папіросаў, павярнуўся і з пагардай спытаў: “А што, калі ў міліцыі, дык не чалавек?!” Я зразумеў, што Барселона блізка. Чытаць далей »

Тэгі: ,

Sep 06


я выйшаў з мэтро і аслупянеў. стаяў так і глядзеў на гэты храм цэлую гадзіну. ён пачаў будавацца ў 1882 годзе і ня будзе дабудаваны ніколі. гэта — частка генія Антонія Гаудзі. папярэдняя дата сканчэньня будаўніцтва — 2030 год. на цяперашні час, паводле маіх прыкідак, збудаваная недзе траціна. сам Гаудзі загінуў у 1926 годзе. ён адыйшоў на некаторыю адлегласьць — агледзець храм здалёк, прыкінуць, што ды як — і яго раздушыў трамвай. народ не адразу зразумеў, што гэты стары ў лахманах — вялікі майстар (апошні час архітэктар жыў у майстэрні і не асабліва надзяляў увагі свайму зьнешняму выгляду). толькі ў шпіталі, калі стары памёр — усе зразумелі, хто гэта памёр.
сёньня плошча перад саборам называеццма Плошча Гаудзі, бульвар-праспэкт, які бярэ тут пачатак — таксама.
прыбяры з гэтага гораду Гаудзі — і апроч мора, сюды нічога не прывабіць. і каталонцы справядліва моляцца на свайго генія.
Чытаць далей »

Тэгі: ,

Sep 05


мора тут зараз градусаў 27 калі ня болей, вельмі чыстае. кошты — у крамах прымальныя, у розных барах-кавянях кусаюцца. піва — як кыніца 1 прыкладна, піць немагчыма.
горад шыкоўны, утульны, людзі дабразычлівыя. сюды варта ехаць!
Чытаць далей »

Тэгі:

Sep 05

сяджу ўначы ў аэрапорце ў Коўні (Каўнас) — і тут завальваецца цэлы натоўп заўзятараў з Шатландыі,з дудою ды ў кілтах (яны там гулялі зь літоўцамі). як было ня сфоткацца з адным такім? а ён, высьветлілася, быў у Менску (калі нашыя гулялі з іхнымі) і ведае пра Беларусь. падарыў яму “Алёнку” )))

Тэгі:

Sep 02

1433 год — першая згадка. верагодна, касьцёл збудаваны яшчэ раней. з таго часу дайшоў толькі асноўны аб’ём храма, вежа-званіца прыбудаваная ў ХІХ ст.
гэты касьцёл — самы стары (з перабудаваных) у Беларусі.
самы стары зь неперабудаваных — Ішкалдзь (да 1472 г.)

хто забыўся астатняе — матэрыял Самыя старыя будынкі Беларусі
Чытаць далей »

Sep 02

гэта — фрагмэнт абсалютна рэальнай шыльды, якую можна пабачыць на кожным помніку архітэктуры. у даце не памылка — там сапраўды значыцца ІХ (9) стагодзьдзе.
адзінае, што я зрабіў — замазаў назву вёскі.
дык хто адгадае, дзе гэта? 😉

ps а мы тут спрачаемся, што старэйшае — Спаса-Эўфрасіньнеўская царква ў Полацку ці Дабравешчанская ў Віцебску. во дзе рацыя!.. 😉

Тэгі:

Sep 02


Чытаць далей »

Тэгі:

Sep 02


тут, і яшчэ ў двух лагерах увесну 1940 года камуністы забілі больш за 21 тысячу нявінаватых польскіх і беларускіх афіцэраў і мірных жыхароў.
вечная памяць забітым, вечны праклён камуністам-забойцам.

ps між іншым, правільны націск кАтынь.

Тэгі: