it cz lt rb
ua fr pl en
se by
Dec 12

чытач Блогу Аляксандар Зімніцкі даслаў цікавы водгук на маю рэпліку пра беларускамоўныя правы: "Добры дзень ад сталага чытача. Захацеў падзяліцца сваім дасвядчэннем атрымання "вадзіцельскага пасведчання"... Атрымаў яго яшчэ ў 2002 годзе, але ўжо было яно напісана па-беларуску... Я тады зусім быў школьнікам...11 клас... Здалі іспыты і паехалі ў Ліду...там нас зафоткалі, а праз гадзінку прынеслі ўжо пасведчанне... Па-гэтаму такая паслуга атрымалася для ўсіх ад ДАІ...а калі прачытаў Ваш блог, то нават здівіўся, што мода быць інакш..."
Чытаць далей »

Тэгі:

Dec 12

Ліст ад чытачкі Блогу Ганны Прохаравай (на фота).

"Дарагія суродзічы,
у сувязі з выбарамі, якія маюць адбыцца ў нядзелю 19 снежня, звяртаюся да кожнага з Вас з просьбай дый прапановай,.
Гледзячы на сённяшні стан падрыхтоўкі беларускіх улад да выбараў, цяжка спадзявацца на тое,
што пры падліку галасоў будуць лічыцца з выбарам кожнага з нас.
Таму, на маю думку, сэнс гэтых выбараў не ў тым, каб прыйсці і прагаласаваць за кандыдата на пасаду прэзідэнта
(як было агучана, гэтая пасада не збіраецца вызваляцца для новых постаццяў) і нават не ў тым,
каб на іх увогуле не хадзіць, тым самым ствараючы бліскучыя ўмовы для фальсіфікацыі.
Сэнс гэтых выбараў, на маю думку, атрымаць нам, хто хоча па-сапраўднаму скарыстацца сваім правам выбару, атрымаць доказ, што нашыя
меркаванні і пазіцыі нікога не хвалююць і што сённяшняе кіраўніцтва не лічыць за патрэбнае імі хвалявацца.
Таму прапаноўваю варыянт абірання кандыдата на пасаду прэзідэнта, які апісаў у Народнай Воле сп. Гарри ПОГОНЯЙЛО
http://www.nv-online.info/by/130/300/24266/«Фига-в-кармане»-или-Как-я-буду-голосовать.htm (сэнс у тым, каб адарваць палову бюлетэні на якім будуць стаяць подпісу членаў выбарчай камісіі і пакінуць гэтую палову ў сябе, другую ж палову апусціць у скрыню для галасавання, робячы гэтак свой бюлетэнь несапраўдным).

у час, калі будуць агучваць вынікі (запланаваныя 70% галасоў за Лукашэнка) мы зможам паглядзець, куды падзеліся бюлетэні, якія павінны былі лічыцца несапраўднымі, колькасць іх павінна быць агучана. калі мы ўбачым, што несапраўдных бюлетэняў мусіць быць болей у пратаколе, тады можна казаць аб фальсіфікацыі. Чым болей у нас будзе доказаў, тым большую вагу будуць мець нашыя заявы аб правядзенні фальсіфікаваных выбараў, і будуць падставы выходзіць на плошчу і патрабаваць новых выбараў. патрэбныя рэальныя доказы, на словах цяжка нешта даказаць.
Ганна
З павагай да ўсіх, хто мяркуе іначай."

Dec 11

На гэта мяне падбіў калега і сябар Яўген Валошын. Высьветлілася, нічога складанага. Замяніць правы можна абсалютна зь любой прычыны і нават безь яе. Нават калі вам не падабаецца ўласны фэйс альбо вы адгадавалі бараду і хочаце быць у правах таксама барадатым.
У нашым выпадку мы з Валошыным хацелі быць беларускамоўнанапісанымі. Дзеля гэтага трэба спачатку аплаціць у Беларусбанку 2 квітанцыі (агулам нешта каля 21 тысячы, у кожным банку гэта ведаюць, рэквізіты можна даведацца і ў сваім ДАІ) за зьмену правоў. Пасьля мы прыйшлі ў галаўны офіс слуг народа на Дзяржынскага, 3. У акенка №211 падалі дакумэнты: правы, талон, пашпарт, меддаведка і квітанцыі. Пасьля нас сфоткалі. Вуаля -- праз 1,5 гадзіны беларускамоўныя правы ў нас у руках!..
Самае цікавае, цётачка нават не запыталася, навошта нам гэта (Валошын ужо падрыхтаваўся чытаць лекцыю пра Канстытуцыю і Закон аб мовах).
Прыходзьце ў свае ДАІ. 20 тысяч -- драбяза. І сабе прыемна, і даішнікаў павесяліце!..

P.S. Знойдзеце памылачкі?.. )))))))

Чытаць далей »

Тэгі: ,

Dec 11

Канцэрт 16 снежня на вершы класікаў беларускай літаратуры збіраюцца наведаць Рыгор Барадулін, Генадзь Бураўкін і Васіль Сёмуха.

«Белая яблыня грому» – праграма Лявона Вольскага на вершы беларускіх класікаў: Чачот, Міцкевіч, Багушэвіч, Багдановіч, Купала, Колас, Броўка, Танк, Куляшоў, Геніюш, Панчанка, Барадулін. Прэм’ера праграмы адбылася ў сакавіку ў Купалаўскім тэатры пры поўным аншлагу.

– Нас тады папракалі, што была абраная такая маленькая зала, – кажа Лявон Вольскі. – Але камерны тэатр – выдатнае месца для такіх імпрэзаў!.. Цяпер, калі мы вырашылі прадставіць публіцы пашыраную версію канцэрта супалі 2 рэчы – Купалаўскі тэатр зачыніўся на рэстаўрацыю, і зала мусіла быць ужо большая. Таму 16 снежня “Белая яблыня грому” будзе прадстаўленая ў канцэртнай зале «Мінск»!

Тыя, хто быў на прэм’еры – смела могуць замаўляць квіткі зноў. Па-першае, дадаліся новыя спевы: на вершы Уладзіміра Караткевіча і Анатоля Сыса. Па-другое, на канцэрце Лявон заспявае шмат новых песень, якія не чулі яшчэ нават самыя адданыя фанаты.

– Пакуль што мы трымаем гэта ў сакрэце, каб зрабіць большы сюрпрыз!.. – усміхаецца Вольскі.

Дарэчы, з дванаццаці паэтаў, на чые вершы напісаная «Белая яблына грому», цяпер жыве толькі адзін – народны паэт Беларусі Рыгор Барадулін, на чый верш была створаная заглаўная песня праграмы. Таму Вольскі проста не мог не запрасіць Дзядзьку Рыгора на канцэрт.

– Мы запрашалі Рыгора Іванавіча яшчэ на першы канцэрт у сакавіку, але тады ён толькі выйшаў з лякарні і прысутнічаць не змог, – кажа Лявон Вольскі. – Гэтым разам, спадзяюся, у класіка атрымаецца.

Апроч Барадуліна, Вольскі вырашыў запрасіць на канцэрт яшчэ двух класікаў сучаснай беларускай літаратуры – паэта Генадзя Бураўкіна (сярод іншага, аўтара славутай «Калыханкі») і перакладчыка Васіля Сёмуху («Біблія», «Фаўст» і г.д.). Перадача запрашэнняў адбылася ва ўрачыстай абстаноўцы і атрымалася вельмі сімвалічнай.

– Я ўдзельнічаў у прэзентацыі першага непадцэнзурнага твора Уладзіміра Караткевіча «Ладдзя Роспачы», – распавядае Лявон Вольскі. – Там жа былі шаноўныя Рыгор Барадулін, Генадзь Бураўкін і Васіль Сёмуха. І ўсё выйшла сімвалічна, амаль як у Дантэ: сама «Белая яблыня грому» створаная на вершы класікаў, і падчас імпрэзы ў памяць класіка Караткевіча я запрасіў на канцэрт жывых класікаў!..

Лявон Вольскі запрашае на канцэрт і Вас – у атачэнні класікаў, напярэдадні Калядаў атрымаць зарад класічнага беларускага пазітыву!

«Белая яблыня грому»
16 снежня (чацвер) а 19-й гадзіне
КЗ «Мінск»

Квіткі (017) 2801510, (029) 6555596
www.soundline.by

Тэгі:

Dec 10

І што робіць у Лідскім замку "Юрий Миколаевич Радзивил"?..

Да "Дажынак" Лідскі замак ажыў. Другая вежа, якую не маглі дабудаваць дзесяцігоддзямі, нарэшце скончаная. Перарабілі і драўляныя галерэі на сценах — цяпер па іх хадзіць не страшна. На адной са сцен пераклалі верх, няякасна зроблены ў савецкі час. Што, праўда, зрабілі з гэтай жа таннай цэглы, якая яўна не пратрымаецца 700 гадоў... Я сабе на камін на лецішчы такую не рызыкнуў браць, узяў даражэйшую.

Я прайшоў у старую вежу (адбудаваная яшчэ пры камуністах). Многіх экспанатаў там няма, бо ў двары ідзе будоўля, па заканчэнні якой будзе стварацца новая экспазіцыя. Але і сярод таго, што пабачыў, знайшоў цікавостку. Чытаць далей »

Dec 06


Воранаўскі раён, 4 км ад мяжы зь Літвой.
Пётр Нонхарт быў галоўным архітэктарам Вільні, а гэты дамочак збудаваў "як лецішча". так Гайцюнішкі і засталіся адзіным у Беларусі домам-крэпасьцю. Таўшчыня сьценаў каля 1,5 мэтра. Цяпер тут, як водзіцца, месьціцца вар'ятня. Што, у прынцыпе, вельмі добра, бо калі б тут ня месьцілася нічога, дому даўно настаў бы канец.
Што цікава, на КПП ахоўніца вельмі прыязна ставіцца да турыстаў, як і персанал вар'ятні. Вас запішуць у спецыяльны сшытачак, а потым нават паводзяць крыху па самім доме. Праўда, у палаты экскурсіі ня водзяць.
На дзьвярах мяне сустрэла шыльда пра выбары-дурыбары. І тут галасуюць. Напэўна, тут самыя шчырыя ягоныя выбаршчыкі.
Чытаць далей »

Тэгі: ,

Dec 06

прэзэнтацыя адбылася ў "Кніжным салоне" пры падтрымцы агульнанацыянальнай кампаніі "Будзьма беларусамі!". быў аншлаг, кнігарня зьмясьціла ня ўсіх ахвотных. раскупілі ўсе да адной кнігі, якія мы падрыхтавалі да прэзэнтацыі. цяпер друкуецца невялікі дадатковы наклад.

хто яшчэ ня мае -- сьпяшайцеся напісаць мне на labadzenka@gmail.com
Чытаць далей »

Тэгі:

Dec 06


відэа Васіля Сямашкі, БЕЛАПАН

Тэгі: ,

Dec 04

4 сьнежня (гэтая субота)

"Кніжны салон" (Калініна, 5, мэтро "Парк Чалюскінцаў")

13.00


У прэзэнтацыі абяцалі ўзяць удзел Рыгор Барадулін, Васіль Сёмуха, Генадзь Бураўкін, Уладзімір Арлоў, Сяргей Панізьнік і Вы.

Засьпявае Лявон Вольскі і гурт "Rahis".

Прэзэнтацыя адбудзецца ў межах агульнанацыянальнай кампаніі "Будзьма беларусамі!"

Набыць кнігу можна будзе ў "Кніжным салоне" альбо кнігарні "Акадэмкніга".
Замовіць кнігу поштаю можна ўжо зараз па адрасе labadzenka@gmail.com


Гэтае выданьне "Ладдзі" стала першым непадцэнзурным творам Уладзіміра Караткевіча. Адна за другой былі выяўленыя 296 цэнзарска-рэдактарскія праўкі на 23 старонках рукапісу (у беларускім і рускім варыянтах). У тэксьце таксама графічна паказана, як дасканала і ўважліва аўтар працаваў над словам – і што ад гэтага пакідалі рэдактары.

Кніга фармату А4, мае 150 старонак.

* Дызайн Аляксея Кульбіцкага

* Прадмова Рыгора Барадуліна
* Факсыміле рукапісу
* Чарнавыя накіды
* Пераклад на рускую мову Васіля Сёмухі (факсыміле машынапісу з рукапіснымі праўкамі Караткевіча)
* Аналіз усіх правак + камэнтары Глеба Лабадзенкі
* 55 ілюстрацый, 27 зь якіх (у тым ліку невядомыя здымкі Караткевіча) друкуюцца ўпершыню
* Пасьлямова Васіля Сёмухі

Тэгі:

Dec 04

У 1977 годзе Аляксандр Грышкевіч прыехаў у Мінск з Маладзечна — паступаць у мастацкае вучылішча. Хлопец настолькі баяўся, што аўтобус "завязе яго не туды", што пайшоў ад вакзала пехам ажно да цяперашняй вуліцы Сурганава, дзе месцілася вучылішча. Праходзячы каля Нацбанка, Грышкевіч і падумаць не мог, што праз 33 гады будзе сядзець на паддашку суседняга будынка ў сваёй майстэрні і распавядаць спецыяльнаму карэспандэнту "Звязды" Глебу ЛАБАДЗЕНКУ пра свае "маладзечанскія" мары.

— Дарэчы, я паступіў з другога разу — першы раз атрымаў двойку па кампазіцыі, а потым ужо закінуў вучобу, заняўся толькі маляваннем — мара была стаць мастаком.

— А да гэтага вы дзе навучаліся? Ці вось так — ад Бога?

— Ад Бога толькі мара была. Астатняе — ад маіх выдатных настаўнікаў. Цяпер я разумею, як мне пашанцавала!.. У Маладзечанскай студыі выяўленчага і дэкаратыўна-прыкладнога мастацтва мяне вучылі такія бліскучыя майстры, як Кастусь Іванавіч Харашэвіч, Ядзвіга Іосіфаўна Радзялоўская, Юрый Паўлавіч Герасіменка... Я вельмі ўдзячны ім за гэта. На доме, дзе жыў Юрый Паўлавіч, варта было б павесіць мемарыяльную дошку — ён аформіў вельмі шмат кніг, якія выходзілі агромністымі накладамі!.. Ядзвіга Іосіфаўна таксама заслугоўвае помніка ці мемарыяльнай дошкі! А Кастусь Іванавіч, дзякаваць Богу, яшчэ жыве! Гэта ўнікальны, выбітны мастак — беларускі Пірасмані! Ён атрымаў адукацыю толькі ў вучылішчы, але дасягнуў вельмі высокага ўзроўню!..

— Гэтая Маладзечанская студыя вядзе даўнюю гісторыю?

— Студыі ўжо 55 год. Я прыйшоў туды, калі мне было гадоў 13. Да гэтага часу маляваў дома як умеў, як мог. Потым дазнаўся пра студыю, пайшоў туды вучыцца. Першым маім настаўнікам быў якраз Харашэвіч. Чытаць далей »

Тэгі: