it cz lt rb
ua fr pl en
se by
Sep 29

Прашу распаўсюдзіць гэты зварот як мага шырэй!

Напярэдадні перапісу насельніцтва група культурных і грамадзкіх дзеячоў Беларусі заклікала беларусаў назваць роднай мовай беларускую.
Зварот ініцыяваны ў рамках нацыянальнай культурніцкай кампаніі “Будзьма беларусамі!” і падпісаны 51 культурным і грамадзкім дзеячом Беларусі.

Назаві беларускую мову роднай!

Шаноўныя сябры!

Праз некалькі дзён у нашай краіне пройдзе чарговы перапіс насельніцтва, адным з пунктаў якога будзе пытаньне пра Вашую родную мову. Мы ведаем, што большасьць з Вас шануюць беларускую мову і падтрымліваюць пашырэньне яе ужываньня ў грамадзкім жыцьці.

Беларуская мова – гэта неад’емная частка нашай культуры і гарантыя нашай будучыні як унікальнага эўрапейскага народу. Вынікамі перапісу насельніцтва мы здольныя засьведчыць самі сабе і усяму сьвету, што мы з’яўляемся паўнавартаснай нацыяй, годнай цікавасьці і павагі з боку іншых нацый сьвету.

Адказ “беларуская” на пытаньні перапісчыкаў аб роднай мове і мове штодзённага ужытку мае ня толькі сымбалічнае, але і практычнае значэньне. Ад колькасьці людзей, якія ў адказах назавуць беларускую мову, будзе залежаць далейшая палітыка дзяржавы. Адказам “беларуская” вы станоўча паўплываеце на яе.

Будзем жа памятаць пра гэта, адказваючы на пытаньні перапісчыкаў! Падтрымаем наш нацыянальны скарб – мову нашых продкаў, якая нас усіх аб’ядноўвае і робіць унікальнымі.

Будзьма з мовай!

Радзім Гарэцкі, акадэмік НАН Беларусі, грамадзкі дзяяч
Рыгор Барадулін, Народны паэт Беларусі
Ніл Гілевіч, Народны паэт Беларусі
Генадзь Бураўкін, паэт, лаўрэат Дзяржаўнай прэміі
Анатоль Грыцкевіч, прафэсар, доктар гістарычных навук
Уладзімір Арлоў, пісьменьнік
Алена Макоўская, кіраўнік МГА “Згуртаваньне беларусаў сьвету “Бацькаўшчына”
Ніна Шыдлоўская, старшыня Рады МГА “ЗБС “Бацькаўшчына”
Алесь Пашкевіч, старшыня ГА “Саюз беларускіх пісьменьнікаў”
Андрэй Хадановіч, старшыня ГА “Беларускі ПЭН-цэнтар”
Алег Трусаў, старшыня ГА “Таварыства беларускай мовы імя Ф.Скарыны”
Антон Астаповіч, старшыня ГА “Беларускае добраахвотнае таварыства аховы помнікаў гісторыі і культуры”
Зьміцер Рагачоў, старшыня МГА “Гісторыка”
Андрэй Дынько, шэф-рэдактар газэты «Наша Ніва»
Андрэй Скурко, галоўны рэдактар газэты “Наша Ніва”
Валеры Булгакаў, рэдактар часопісу “Arche”
Барыс Пятровіч, рэдактар літаратурнага часопісу “Дзеяслоў”
Артур Клінаў, рэдактар культурнага альманаху “pARTISAN”
Віталь Супрановіч, кіраўнік “БМА group”
Аляксей Марачкін, кіраўнік творчай суполкі “Пагоня” пры Беларускім саюзе мастакоў
Міхал Мілашэўскі, кіраўнік Незалежнай тэлестудыі “Брэнтстар”
Віталь Броўка, прад’юсэр, арт-дырэктар
Сяргей Будкін, каардынатар музычнага парталу «Тузін гітоў»
Зьміцер Вайцюшкевіч, сьпявак, кампазытар
Алесь Камоцкі, сьпявак, паэт
Кася Камоцкая, сьпявачка
Віктар Шалкевіч, сьпявак, актор
Зьміцер Бартосік, сьпявак, пісьменьнік, журналіст
Тацьцяна Белоногая, сьпявачка
Руся, сьпявачка, “Рок-князёўна 2006”
Сьвятлана Зелянкоўская, актрыса
Юры Цыбін, прадзюсар, паэт
Міхал Анемпадыстаў, дызайнэр, паэт
Зьміцер Падбярэзскі, музычны крытык
Глеб Лабадзенка, паэт, журналіст
Ігар Лялькоў, гісторык
Юры Жыгамонт, актор, тэлевядучы
Севярын Квяткоўскі, літаратар
Лявон Вольскі, лідэр гурту “NRM”
Ян Маўзэр, лідэр гурту “tav. Mauzer”
Піт Паўлаў, лідэр гурту “GARADZKIJA”
Алекс Дэвід, лідэр гурту “Atlantica”
Слава Корань, лідэр гурту “Ulis”
Аляксандар Ракавец і гурт “IQ-48”
Ігар Варашкевіч, лідэр гурту “Крама”
Алег Хаменка і гурт “Палац”
Сьвятлана Бень, лідэр гурту “Серебряная Свадьба”
Андрусь Такінданг і гурт “Recha”
Ганна Хітрык і гурт “Дети Детей”
Зьміцер Басік, лідэр гурту “VICIOUS CRUSADE”
Зміцер Сасноўскі, лідэр гурту “Стары Ольса”

Тэгі:


2 Responses to “Назаві беларускую мову роднай!”

  1. 1. astrynczanka Says:

    хочацца верыць, што нашая дзяржава сапраўды зменіць палітыку ў дачыненні да беларускай мовы, нягледзячы на вынікі перапісу.

    распаўсюджанне закліку пачалося…

  2. 2. astrynczanka Says:

    ніжэй прывожу некалькі меркаванняў маіх сяброў, знаёмых адносна дадзенага закліку:

    Алеся: “Я канешне назаву мову роднай, але ў мяне ёсць пытанне сэнсу – ну прагучыць потым, што беларусы назвалі сваю бел. мову роднай, і што? ці будзе гэта праўдай? ці адлюстроўвае гэта рэальную сітуацыю? або паўсюль прагучыць, што беларусы гавораць у хаце па-беларуску, дык і няма ж праблемы! чаго за яе змагацца?”

    Валеры: “насамрэч заклік не зусім карэктна сфармуляваны. важна, каб прагучаў як мага большы адсотак за беларускую мову менавіта як мову штодзённага карыстаньня. а ня роднасьць яе (з апошнім праблем і бяз заклікаў ня будзе, прадракаю). ад таго, які адсотак грамадзянаў беларусі афіцыйна ўдому размаўляе па-беларуску, залежыць і тое, якімі прапорцыямі і фактамі будуць апэраваць як абаронцы. гэтак і ворагі беларускай мовы. чым большы адсотак, тым лепшыя пазыцыі ў абаронцаў мовы: маўляў, нас 56% удому размаўляе па-беларуску, а ў горадні аніводнай беларускамоўнай школкі ці садку няма!
    зрэшты, заўвагі Алесі цалкам слушныя. перабольшаныя лічбы няўхільна вядуць да скажэньня рэальнага дыягназу грамадзтву. а таксама даюць магчымасьць заплюшчыць вочы на рэальны стан беларускай мовы ў краіне: маўляў, няма аніякае небясьпекі для яе – усе і так па-беларуску ўдому размаўляюць!”

Leave a Reply