 |
калі адзін чалавек сказаў мне, што беларуская мова не пасуе да паўсюднага ўжытку, бо яна бедная (у параўнаньні з расейскай), я прывёў два прыклады. хто адгадае, якія гэта словы? Тэгі: загадкі
У букіністычнай краме парадаваў сябе новай кніжкай — А.И. Купринъ, полное собраніе сочиненій, томъ 1 книга2, Безплатное приложеніе къ “НИВЕ”, 1912 год Гэтыя старыя, дарэвалюцыйныя кнігі маюць нейкую сваю сілу і шарм — ня важна, Купрын гэта ці Дастаеўскі. Я чытаю іх вельмі асьцярожна — і ўяўляю, як 100 гадоў таму гэтая кніга ўспрымалася як навінка, перадавалася з рук у рукі, магла паўплываць на чыйсьці лёс ці сьвядомасьць. Я думаю, як праз 100 гадоў гэтак сама будуць купляць у букіністычнай краме кнігі сёньняшнія.
Сёньня спаўняецца 75 гадоў Станіславу Шушкевічу. Ня будзем у гэты сьвяточны дзень узгадваць усе ягоныя заслугі — добрыя і розныя. Згадаем толькі, што гэты беларус падставіў свой подпіс пад дакумэнтам аб развале самай страшнай імпэрыі ХХ стагодзьдзя. Здароўя Вам, Станіслаў Станіслававіч!.. Тэгі: сьвяты
Сябры! Рыхтуецца да друку ўнікальнае выданьне — факсыміле “Ладзьдзі Роспачы” Ўладзімера Караткевіча. Выданьне ўнікальнае з усіх бакоў. Па-першае, арыгінал “Ладзьдзі” зьмяшчае ўсяго 23 старонкі, а почырк Караткевіча настолькі разборлівы і ўборысты, што твор можна без праблем прачытаць проста з рукапісу. Па-другое, у рукапісы можна дакладна прасачыць і прааналізаваць працу Караткевіча са словам: падбор сынонімаў, перастаноўка словаў месцамі, выкрэсьліваньне цэлых абзацаў… У друкаваным тэксьце будуць дзеля зручнасьці пазначаныя ўсе моманты, дзе Уладзімер Караткевіч рабіў праўкі. І кожны з вас зможа адкрыць для сябе Караткевіча наноў, зазірнуць на пісьменьніцкую “кухню”. Калегі! Калі хто мае жаданьне і магчымасьць ахвяраваць на будучае выданьне, гэта можна зрабіць наступнымі спосабамі. 2. Вы ахвяруеце грошы — і атрымліваеце ў падарунак сымбалічны асобнік (-кі) з аўтографамі стваральнікаў кнігі. А вашыя грошы ідуць на паніжэньне сабекошту выданьня. Дапусьцім, на 100 асобнікаў трэба 1 мільён рублёў. Пры гэтым сабекошт асобніка складзе 10 тысяч. Вы ахвяравалі 100 тысяч — гэта дазволіць зьнізіць сабекошт на тысячу (1.000.000-100.000=900.000/100=9000)– і зрабіць выданьне больш дасяжным. У любым разе, усе мецэнаты (па іхным жаданьні) будуць згаданыя ў кнізе. Ахвотным ахвяраваць можна пісаць на мэйл labadzenka@gmail.com, стукацца ў аську 431580025 ці скайп labadzenka Тэгі: Караткевіч
Марыя Браніцкая (з Сапегаў) з дачкой Марыяй Ружай “Бішэт” Браніцкай. Каля 1863 году (у гэтым годзе Бішэт нарадзілася) Марыя Браніцкая з Сапегаў была жонкай Уладыслава Браніцкага з маёнтка Белая Царква (Украіна), а Бішэт (сямейная мянушка Марыі Ружы) выйшла замуж за Ежы Радзівіла. У іх было шасьцёра дзяцей — тры дачкі (Тэрэса, Ружа і Эльжбета) і тры сына (Караль, Леон і Альбрэхт).
Знайшоў у нэце старое інтэрвію (травень 2009, друкавалася ў “Народнай Волі”) Алеся Пашкевіча з Уладзімерам Някляевым. Вельмі люблю і паважаю Някляева — як літаратара, грамадзяніна, чалавека і мужыка. Сам неаднойчы рабіў інтэрвію з Уладзімерам Пракопавічам. І кожны раз зьдзіўляўся, наколькі мне блізкае і зразумелае шмат з таго, што ён кажа. І, магчыма, ня толькі таму, што мы нарадзіліся ў адзін дзень з розьніцаў роўна ў 40 гадоў.
«Лекары» і пацыенты Дзесяць гадоў таму ў “Народнай Волі” быў надрукаваны артыкул Уладзіміра Някляева “Антыподы і эфіопы” — першая ягоная публікацыя пасля ад’езду за мяжу. Уладзімір НЯКЛЯЕЎ, тагачасны старшыня Саюза беларускіх пісьменнікаў, распавядаў пра тое, што змусіла яго да эміграцыі. Сённяшняе ягонае інтэрв’ю цяперашняму старшыні СБП Алесю ПАШКЕВІЧУ вяртае нашых чытачоў да падзей, якія, на жаль, не страцілі актуальнасці. Субяседнікі ўздымаюць найвострую тэму — як уплывае “дзейнасць” некаторых інтрыганаў з атачэння ўлады на маральны стан нашага грамадства. Тэгі: Беларусы
гэты прыкол распавялі мне самі гарадзенцы — на ўзроўні гарадзкога міфу. збудаваў архітэктар домік, а вокны ў пад’езьдзе вырашыў зрабіць цікавым такім чынам — розных памераў, у пэўным парадку. прыехала камісыя правяраць. ажно нехта і кажа раптам: людцы, а тут жа свастыка! знайсьці дамочак нескладана — калі стаць тварам да Фарнага касьцёлу — і прайсьці ўздоўж плота турмы (былых калегіюмаў езуітаў) — то цераз дарогу ў двары. а якія гарадзкія міфы ведаеце вы? Тэгі: Беларусы, падарожжы, прыколы
знайшоў такую фотку зь вільні — і захацелася паказаць яе ўсім нашым чыноўнікам і “рэстаўратарам”, якія ўздыхаюць, паціскаюць плячыма і кажуць: “нічаво зьдзелаць нільзя, аварыйнае састаянія…”
буду чытаць вершы на адкрыцьці выставы мастачкі Алены Пятроўскай у фальварку “Добрыя Мысьлі” (ст.м. Інстытут культуры, вул. Магілёўская, 12). выстава “Пясок і мора” прысьвечаная плэнэру ў Паланзе ў верасьні 2009. я там, калі памятаеце, Справа я, зьлева Алена Пятроўская. Паланга, верасень 2009 Тэгі: раю
горад сьніць, і выбачацца: маўляў, так што, дружа, і пакідаць на
|
