it cz lt rb
ua fr pl en
se by
Oct 27

Карыстальнік Сьцяпан даслаў трывожны сыгнал: раскопкі ў Гародні праводзяць экскаватарам, руйнуюць старыя дамы!
Зьбіраюся ў хуткім часе туды пісаць матэрыял пра гэта.
Дасылайце свае навіны!

Ніжэй — артыкулы з “Вечернего Гродно”, якія даслаў Сьцяпан.

Археологические раскопки в центре города начал экскаватор

27.10.2010 10:47 Надежда ЗАВИНОВСКАЯ Общество

Археологи стали изучать котлован, вырытый строителями на пустыре напротив синагоги по улице Большая Троицкая. Уже в ноябре здесь планировали начать строительство здания с офисами и магазинами.
Группа ученых из ГрГУ имени Янки Купалы вышла на раскоп 25 октября и тут же привлекла внимание общественности. Накануне именно они разрешили поработать на этом месте экскаватору, который вырыл яму глубиной около четырех метров и площадью почти триста квадратных метров. Другие историки и краеведы считают, что вся земля здесь – ценные культурные слои и работу экскаватора нужно было остановить, так как они на месте стройки до сих пор находят предметы XVI века, ездят  на «Синьку», карьер за КСМ, куда был вывезен ценный грунт, надеясь найти наверняка утерянные из-за неосторожной работы археологов предметы более раннего Гродно. Чытаць далей »

Тэгі:

Oct 26

Калісьці я набыў кніжачку “Белоруссія на почтовых открытках” у букіністычным адзьделе кнігарні выключна з-за гэтай фоткі. Уявіце — вакзал у Воршы выглядаў як замак! Я стаў высьвятляць, калі ж ён быў разбураны. Апынулася — ён ня быў разбураны. Падонкі-камуністы проста “касметычна” адрэстаўравалі яго!.. (гл фотку ніжэй). Чытаць далей »

Тэгі:

Oct 26

У 2002 годзе паэтка Валянціна Аксак, якая працуе на “Радыё Свабода” папрасіла мяне перадаць Сяргею Грахоўскаму кнігу “Верш на свабоду”, дзе быў і ягоны верш. паэту на той час было 89 гадоў. Спадарыня Валянціна сказала, што для мяне гэта будзе добрая нагода пазнаёміцца зь ім асабіста.

Я прынёс кнігу. Ён пачаў распытваць, што ды як. Тады я вучыўся ў Беларускім гуманітарным Ліцэі імя Якуба Коласа. Спадар Сяргей шмат распытваў пра навучаньне, бо многіх зь Ліцэя ведаў асабіста.

Потым ён пачаў нешта шукаць на паліцы. Дастаў дзьве аднолькавыя кніжачкі.

— Гэта мая першая кніга, — сказаў Сяргей Грахоўскі. — У мяне захавалася 2 экзэмпляры, адзін я хачу падараваць табе. Чытаць далей »

Тэгі: ,

Oct 26


Як Вы маглі заўважыць, у калонцы зьлева ўверсе зьявіўся новы банэр “Дашлі сваю навіну!”.
Усе дасланыя Вамі навіны будуць зьмешчаныя на гэтым Блогу. Самае цікавае пойдзе ў распрацоўку для “Звязды”.

Дасылайце навіны, цікавыя здымкі, паведамленьні — хай пра іх даведаецца больш людзей!

Тэгі:

Oct 25

Гэты плякат я сфоткаў у рэдакцыі шведскай газэты Sydsvenskan. Ідэя класная — на гуглмэп яны знайшлі будынкі, аб’екты, дарожныя разьвязкі свайго горада, якія блізка нагадваюць літары альфабэту. Пагадзіцеся — арыгінальна! Як бачым, у Мальмё няма усяго некалькіх літар. А ў Менску? ))))

А ў Даніі са скаргамі чытачоў у газеце разбіраецца грамадскі амбудсмен. Некаторыя асаблівасці польскай, шведскай і дацкай прэсы

Давялося пабываць на вельмі цікавым навучальным курсе для журналістаў – тыдзень у Варшаве, тыдзень у Капенгагене. Арганізоўвала курс Амбасада Польшчы ў Мінску, фінансаванне адбывалася праз МЗС Польшчы і МЗС Даніі. На курс былі запрошаны 15 журналістаў беларускіх дзяржаўных і недзяржаўных медыяў. Здавалася б, журналісцкі семінар – чаго дурыць гэтым галаву шаноўнаму чытачу, якому і так ёсць чым заняцца? Аднак некалькі дэталяў, думаю, могуць падацца цікавымі кожнаму. Бо ў нас такога пакуль няма.

Польшча: галаграмы і віртуальная студыя

На польскім тэлебачанні TVN24 нам паказалі рэчы, якія раней кожны бачыў хіба што ў фільме “Зорныя войны”.

Спачатку – віртуальную студыю. Гэта – невялічкі пакой, цалкам зялёны – падлога, столь, сцены. Яго здымаюць тры камеры – дзве статычныя і адная на аператарскім кране. Працаўнікі ставяць стол, крэслы. Вы сядаеце – і пачынаеце размаўляць. У цалкам зялёным, пустым пакоі. А на экране тэлевізара гледачы бачаць, як вы сядзіце ў шыкоўнай студыі, з дарагімі дызайнерскімі дэкарацыямі!.. Чытаць далей »

Тэгі: ,

Oct 25


Колькасьць пытаньняў, якія задалі — паводле афіцыйных зьвестак — надзіва мізэрная — каля 3000 пытаньняў. Гэта крайне мала, улічваючы, што гэтай акцыяй затрахалі ахапілі ўсе школы краіны. Плюс — калі ўлічыць, што брсм хваліцца, што ў іх больш за 500 тысяч членаў. Атрымліваецца, пытаньне задаў толькі кожны 166-ы?

Я думаю, і гэта — хлусьня. Паезьдзіўшы па краіне (якраз калі праходзіла гэная акцыя), я спецыяльна заглядаў зь ліхтарыкам на мабільніку ў кожную скрыначку. Пус-та-та! Дзеці баяліся пісаць, “мала лі што”. Выглядае, што і гэтыя 3000 (калі яны, зразумела, ёсьць) пісаліся пад дыктоўку настаўнікаў. Потым адабралі тых, хто вучыцца толькі на 9 і 10, тшчацельна адрэпеціравалі — і пусьцілі да яго.

На сайце бэрэсээма вісяць цікавыя дыяграмкі, зь якіх вынікае, што амаль палову ўсіх пытаньняў задалі школьнікі і студэнты з Віцебскай вобласьці.

Oct 25


Мінгарвыканкам дазволіў шэсце і мітынг на Дзяды. Традыцыйнае жалобнае шэсце ў Курапаты пройдзе ў нядзелю, 31 кастрычніка. Акцыю ладзіць Кансерватыўна-хрысціянская партыя БНФ.
Збор удзельнікаў шэсця і мітынгу запланаваны на 10:30 на пляцоўцы каля гадзіньнікавага заводу (станцыя метро «Парк Чалюскінцаў»).

Шэсце пачнецца аб 11-й гадзіне і пройдзе праспектам Незалежнасці, вуліцамі Каліноўскага, Сядых, Гамарніка, Мірашнічэнкі.

Пачатак мітынгу ў Курапатах заплянаваны на 14:30.

інфармацыя: Радыя Свабода

Тэгі:

Oct 25

Яны збераглі для нас Беларусь!
Шаноўныя сябры!

Запрашаем Вас на прэзентацыю дыска “Постаці”, які змяшчае інтэрв’ю з выдатнымі  асобамі Гарадзеншчыны і Берасцейшчыны.

Дыск адрасаваны ўсім, хто цікавіцца культурай і гісторыяй свайго рэгіёну, краіны, захаваннем нацыянальнай спадчыны беларускага народа.

Першыя 50 наведвальнікаў атрымаюць дыск у падарунак!

Пачатак: 28 кастрычніка, а 18 гадзіне, па адрасе г. Гродна, вул. Замкавая, 20 (Новы замак, канферэнцзала бібліятэкі імя Я.Карскага, 2-гі паверх).

Уваход вольны.

За дадатковай інфармацыяй звяртацца па тэлефонах +375295874390 (Інга), +375296528672 (Юлія).

Тэгі:

Oct 24


Выступалі аднойчы зь Яўгенам Валошыным на “Атланце”. Знайшоў фоткі — падумаў, мо каму цікава будзе (мне было цікава).
Што мяне сапраўды зьдзівіла — гэта сучасная мадэрновая вытворчасьць (кажу бяз скепсісу). Я думаў, усе нашыя заводы знаходзяцца па ўзроўню ў гадах 1970-х. Аказваецца, не — тут усё абноўлена, выглядае цывільна. Чытаць далей »

Тэгі:

Oct 22

глядзець ТУТ

я ў шоку. вось дзе рэкляма Беларусі!
сайт belarus.by нэрвова паліць у тамбуры!..

аўтар патлумачыў там у камэнтах, як ён гэта рабіў.
калі будзеце глядзець, памятайце, што гэта зроблена ФОЦІКАМ!

Тэгі: