it cz lt rb
ua fr pl en
se by
Mar 19

Кастуся павезьлі ў госьці да Кузі. Кузя — гэта шасьцігадовы кот, зусім зьдзічэлы, бо даўно ня бачыў падобных сабе, тлусты як сьвіньня. Пабачыўшя Кастуся, пачынае шыпець і паказваць зубы.


Кастусь выходзіць на рынг. Разьмінаецца.

Нападае першым.

Нешта гаворыць нос у нос ворагу.

Вораг трусьліва ўцякае і хаваецца пад фатэль.

Кастусь сьвяткуе перамогу.

Аднак, як сапраўдны баец, спрабуе выманіць жалкага труса са сховішча. Заходзіць справа…

…зьлева…

…і нават зьверху.

Аднак трусьлівы цюфяк хаваецца і ні за што не выходзіць.

Перамога!

Тэгі:


7 Responses to “бітва тытанаў: Кастусь vs Кузя”

  1. 1. Палова маладой сям'і Says:

    Як відавочца падзеяў сьведчу: выкладзеныя факты перакручаныя, а фоткі інтэрпрэтаваныя хлусьліва!!! (хоць я й уладальніца Кастуся, але ж справядлівасьць і праўда – сьвятое! + Кузю я люблю ня менш за малога)

    1) Кузя ня тлусты, як сьвіньня, а сыты, прыгожы дарослы кот з бліскучаю шорсткаю! А вось у Кастуся з-за дыеты, на якую яго зьнянацку пасадзіў Глеб Лабадзенка, хутка будзе анарэксія.

    2) Каты зусім не зьбіраліся біцца. Тое, што выяўлена на фотках, насамрэч адбывалася наступным чынам: Кастусь, які мае характар дыплямата, увесь час стараўся атрымаць прызнаньне дзікаватага Кузі й лез да яго сябраваць і зьлева, і справа, і зьверху. Кузя ж, як гаспадар, асабліва не імкнецца наладжваць сяброўскія стасункі з нейкім прыезжым малакасмокам, таму адказвае на ягоныя заляцаньні шыпеньнем і ігнараваньнем. Але ў нейкі момант Кастусь проста ўнаглыю падбёг і пацалаваў Кузю ў нос, пасьля чаго ўсе прысутныя маглі любавацца, як каты даволі доўга абнюхваліся. Аднак пасьля Кузя асэнсаваў, на якую прыступку ён апусьціўся, і сыйшоў ад Кастуся пад фатэль.

    3) а вось Глеб Лабадзенка ўвесь час спрабаваў стравіць катоў паміж сабою, перашкаджаючы іх мірнаму знаёмству.

    Дарэчы, Глеб, калі ты ўжо гаворыш пра “бітву тытанаў”, дык а дзе фотка, дзе Кузя даў лапаю па носе Кастусю, калі той ўжо зусім дастаў яго са сваімі прыставаньнямі?!

  2. 2. Uladzimer Says:

    Дзякуй за ДВЕ версіі цікавай гісторыі!!!

  3. 3. Мiкалай С. Says:

    а мне нагадаўся анекдот:
    3 каты спрачаюцца – хто з iх гультаявацей.
    Першы кажа: “Калi перад маiм носам будзе стаяць мiска з ежай, я нават i
    не паварухнуся”.
    другi кажа: “Калi ў доме адбудзецца пажар, мне лень будзе ўцякаць”
    А трэцi кажа: “Некалькi дзён таму наступiў сабе на яйца, два днi стаяў – цярпеў – лень было сыходзiць” 🙂
    Здаецца Кузе проста лень рухацца.

  4. 4. Jana Says:

    і ўсё-ткі, шаноўная маладая сям’я, адкуль такая … звычка называць жывёл чалавечымі імёнамі?…

  5. 5. nasta Says:

    …ды яшчэ якімі імёнамі.

  6. 6. Палова маладой сям'і Says:

    а чаму не? каты ж ня проста нейкія жывёлкі, яны ўжо становяцца сапраўднымі чальцамі сям’і, як меншы брат ці сястра, напрыклад (іх таксама ўсе любяць ціскаць і карміць прысмакамі:)

    Многія людзі не заслугоўваюць свах імёнаў, бо паводзяць сябе зусім не па-людзку, а вось гэтыя “браты меншыя” не давалі падставаў сумнявацца ў іх прыстойнасьці й годнасьці:)

  7. 7. цыля Says:

    Мікалаю:
    Шаноўны Мікола, якія яйцы? Гэтыя жорсткія гаспадары даўно адкрэмзалі ў катоў гэтыя вызначальныя атрыбуты, і цяпер бедным жывёлкам ні памарцаваць, ні ў анекдот трапіць…

Leave a Reply