it cz lt rb
ua fr pl en
se by
Aug 25

5 сакавіка 1940 года народны камісар унутраных спраў СССР Лаўрэнцій Берыя напісаў Сталіну сакрэтную запіску, на якой пазней паставяць пазнакі "за" і подпісы таварыш Кагановіч, таварыш Калінін, таварышы Молатаў, Варашылаў і Мікаян. У запісцы, калі коратка, была канкрэтная прапанова: расстраляць каля 25 тысяч польскіх афіцэраў і іншых грамадзян, якія знаходзяцца ў лагерах для ваеннапалонных. Прапанова была ўхваленая, а значная частка яе была выкананая ў Катыні — лесе пад Смаленскам.

Увесь час пасля гэтых падзей Катынская трагедыя выкарыстоўвалася як інструмент прапаганды. Яшчэ ў часе вайны камуністы сцвярджалі, што ў Катыні расстрэльвалі фашысты. А фашысты на акупаваных тэрыторыях, наадварот, распаўсюджвалі інфармацыю пра савецкае злачынства. Цяпер, калі адкрыліся многія архівы, дакладна вядома: Катынскае злачынства здзейснілі бальшавікі. Прэзідэнт Расіі Ельцын у свой час публічна папрасіў прабачэння ў польскага народа... Чытаць далей »

Тэгі:

Aug 25

Прайшло ўжо чатыры месяцы, а сюды штодня працягваюць ісці людзі. Месца катастрофы лёгка знайсці, едучы ў Смаленск. Па-першае — па сігнальных агнях сумнавядомага ваеннага аэрапорта. Па-другое — па вянках, кветках і знічках, якія вісяць на дрэвах каля самай дарожнай паласы.
Нават не разбіраючыся ў тонкасцях авіяцыі, можна зрабіць выснову пра ўзровень смаленскага "ваеннага" аэрапорта. Пры самай дарозе — жоўтыя сігнальныя агні. З трох гараць толькі два. Нездарма кажуць, што адразу пасля трагедыі супрацоўнікі аэрапорта кінуліся ўкручваць лямпачкі... Я не ведаю, на чым павінны мацавацца сігнальныя агні ў аэрапорце, але тут яны абы-як прыкручаныя дротам да счарнелых ад часу калоў. Другі шэраг агнёў вісіць на старым плоце — я пасаромеўся б мець такі ў сябе на лецішчы.

Чытаць далей »

Тэгі:

Aug 10

Тэгі:

Aug 08

ПАСЛУХАЙЦЕ ЭКСКЛЮЗЫЎНЫЯ КАВАЛКІ НОВЫХ ПЕСЕНЬ! (запісваў цішком у студыі 😉 )

Раз-два-тры -- усе за стол!

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.

Азалаціцца

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.

Вядомы спявак хоча ў песні "Раз-два-тры — усе за стол!" адрадзіць беларускую вясельную традыцыю

У Мінску сканчаецца запіс новага максі-сінгла гурта "Крамбамбуля" з вясёлай назвай "Раз-два-тры — усе за стол!".

— І не проста вясёлай, а вясельнай! — папраўляе мяне лідар гурта Лявон Вольскі. — Гэта мне запомнілася такая традыцыя, калі на вяселлі госці гублялі ўвагу, разыходзіліся па кутах, папаліць, паразмаўляць... І тады тамада на пару з гарманістам зацягвалі нараспеў: "Раз-два-тры — усе за стол! Раз-два-тры — усе за стол! Маладыя запрашаюць усіх за стол!" І тады ўсе цягнуліся назад, пачыналі ўздымаць келіхі за здароўе маладых. Шкада, што гэта традыцыя неяк знікае, сціраецца. У ёй нічога такога асаблівага, але яна здорава мабілізавала гасцей, была як рухавічок на вяселлі! Чытаць далей »

Тэгі: ,

Aug 04

“Чаму вучань атрымлівае на іспыце 8 балаў з 10, а на тэставанні 15 са 100?..”

Нашыя публікацыі ад 31 ліпеня і 4 жніўня выклікалі шырокую рэакцыю чытачоў. І гэта зразумела, бо адукацыя – практычна як вайна – так ці інакш закранула кожную беларускую сям’ю. Самы трапны каментар пакінуў інтэрнэт-карыстальнік tereg: “Працуючыя людзі кажуць усё як ёсць, але спытай у чыноўніка – дык усё ў ажуры і шакаладзе”.

Вялікае абурэнне выклікала інфармацыя пра сярэдні заробак настаўнікаў у 885 тысяч. Карыстальніца Mambo#5 з Магілёва піша: “Што датычна аплаты працы, то ў мяне – 11 гадоў стажу, 2 стаўкі, класнае кіраўніцтва, платныя гурткі, 1 катэгорыя. За ўсё гэта – 750 тысяч у адной са школ Магілёва. Што датычна папераў – шаноўныя чыноўнікі, адкрыйце нарэшце вочы! Становішча проста катастрафічнае, гэта ж маразм, цяпер галоўнае – не навучыць, а паболей усялякай лухты запісаць, страхавацца-перастарахавацца!..”

Мяне вельмі ўразіў ніжэй прыведзtны ліст, які прыйшоў да мяне на электронную пошту ўчора ўвечары. Прыводзім яго без скаротаў. Чытаць далей »

Тэгі:

Aug 03

Чаму вучань атрымлівае на іспыце ў школе 8-9 балаў з 10, а праз тыдзень на тэсце — 12-15 балаў са 100?..

(працяг. пачатак ТУТ )

КАМЕНТАР МІНІСТЭРСТВА АДУКАЦЫІ

Залішняя пісаніна настаўнікаў — гэта перастрахоўка на месцах

Каб атрымаць кампетэнтны каментар Міністэрства адукацыі, мы яшчэ да публікацыі пераслалі туды змешчаныя тут каментары настаўнікаў, дацэнта, вучня... Пасля гэтага на пытанні "Звязды" адказала Валянціна МАЕЎСКАЯ, намесніца начальніка Упраўлення агульнай сярэдняй адукацыі Міністэрства адукацыі Беларусі.

— Валянціна Леанідаўна, многія нашы эксперты кажуць, што выпускныя іспыты ў цяперашняй форме варта ўвогуле адмяніць...

— Школьныя іспыты патрэбныя нашай сучаснай школе, бо яны выхоўваюць пачуццё адказнасці, што вельмі важна ў педагагічным разуменні. І калі яны нават патрабуюць намаганняў, марнавання сілы і энергіі, хвалявання, у гэтым неабходна бачыць і цудоўную падрыхтоўку да жыцця. Бо жыццё ж не будзе ўсланае ружамі, будуць розныя цяжкасці. Чытаць далей »

Тэгі:

Aug 03

тэлефонная размова з кансультантам Упраўлення вышэйшай і сярэдняй спецыяльнай адукацыі

-- Марыя Рэнуальдаўна, дзень добры, вас турбуе “Звязда”!

-- А адкуль у “Звязды”, цікава, мой мабільны тэлефон?!

-- Ну, вас ужо дзве гадзіны няма на працоўным месцы, давялося даведацца…

-- Гэта вы так думаеце, што мяне няма. А ў мяне праца заключаецца не толькі ў тым, каб сядзець на працоўным месцы. У цяперашні час я знаходжуся на “гарачай лініі”. Слухаю вас.

-- Хачу ўзяць у вас афіцыйны каментар да артыкула, які ідзе ў газету…

-- З карэспандэнтамі, якіх я не ведаю, па тэлефоне не размаўляю. Яны прыходзяць да мяне ў кабінет, паказваюць пасведчанне, я пераконваюся, што такі карэспандэнт працуе ў “Звяздзе” – і адказваю на пытанні, якія ў маёй кампетэнцыі.

-- А такая форма, як кароткі каментар па тэлефоне, у вас не практыкуецца?

-- А адкуль я ведаю, што вы – карэспандэнт газеты “Звязда”?

-- А адкуль я ведаю, што вы – чыноўнік міністэрства адукацыі?

-- Не, прабачце, клаі вы ведаеце, што я чыноўнік – значыць вам нехта даў мой нумар. Я ж да вас не тэлефаную ў газету “Звязда” і не кажу, што я такая і такая, супрацоўнік міністэрства адукацыі.

-- Марыя Рэнуальдаўна, я ўсё ж задам пытанне па вашай кампетэнцыі. Чаму ў педуніверсітэт такія нізкія прахадныя балы – 150-160 з 400? Каго мы бярэм у будучыя настаўнікі?

-- А ў нас што, у правілах прыёма ёсць нейкія абмежаванні па прахадных балах? Калі будуць такія абмежаванні ўведезныя – тады мы можам з вамі пра нешта размаўляць.

-- А вы лічыце, што правільна ў будучыя настаўнікі браць людзей з такімі нізкімі ведамі?

-- А хто вам сказаў, што ў іх нізкія веды?

-- Бо яны атрымліваюць за тэсты 15, 20, 30 балаў…

-- Ну, яны ж ацэньваюцца ў параўнанні з усімі, хто здае тэсты. І 15 балаў па матэматыцы на цэнтралізаваным тэставанні – ніяк нельга параўноўваць з адзнакай, атрыманай у школе.

-- Але паглядзіце вынікі тэставання: па фізіцы 73% вынікаў – ніжэйшыя за 20 балаў, па матэматыцы – 62,5%! Вы не лічыце гэта катастрофай па згаданых прадметах?

-- Не, ну дык я за школу не адказваю. Гэтае пытанне задавайце ўпраўленню агульнай і сярэдняй адукацыі.

-- Але ж гэта – людзі, якія пастапуюць ва ўніверсітэты, з такімі крайне нізкімі баламі!

-- Дык што нам, зачыніць усе ўнівесітэты?! Ці што вы прапануеце? Так, прыходзьце да мяне ў кабінет са сваім пасведчаннем – тады з вамі будзем гутарыць!

Тэгі:

Jul 30

Яўген Барысавіч ЛІВЯНТ — аўтарытэтны рэпетытар, які легальна працуе з 2001 года, выкладчык матэматыкі і фізікі, рыхтуе штогод каля сотні вучняў. Да таго ж ён — тэлезорка: некалькі разоў яго запрашалі ў якасці эксперта на тэлешоу "Выбар". На размову са спадаром Яўгенам натхнілі вынікі цэнтралізаванага тэставання па фізіцы (73 % абітурыентаў атрымалі менш за 20 балаў) і матэматыцы (62,5 % абітурыентаў атрымалі менш за 20 балаў). Катастрофа школьнай адукацыі? Дрэннае выкладанне? Дрэнныя вучні? І гэта, і не толькі гэта, мяркуе Яўген ЛІВЯНТ.

"Я павінен быць удзячны Міністэрству адукацыі: з кожным годам у нас, рэпетытараў, усё больш працы"

— Спадар Яўген, якія школьнікі сёння звяртаюцца да вас як да рэпетытара?

— Як правіла, узровень ведаў у большасці сучасных школьнікаў вельмі нізкі. І з кожным годам ён робіцца ўсё ніжэйшы. Я павінен быць удзячны Міністэрству адукацыі: з кожным годам у нас, рэпетытараў, усё больш працы! У Мінску засталося літаральна 5-6 школ, дзе больш-менш прыстойны ўзровень ведаў па матэматыцы. Што датычна фізікі, то практычна ні ў аднаго вучня ніякіх ведаў па фізіцы няма. Калі прыходзіць вучань займацца да мяне матэматыкай, я стараюся выявіць яго пачатковы ўзровень, каб было ад чаго адштурхоўвацца. Калі ж прыходзіць вучань займацца фізікай, я ні пра што яго не пытаюся, бо ведаю, што ён нічога не ведае. І вельмі рэдка моцна здзіўляюся, калі вучань усё ж нешта ведае. Сёлета з некалькіх дзясяткаў маіх вучняў па фізіцы нешта ведаў адзін. Чытаць далей »

Тэгі:

Jul 29

Сяргей Плыткевіч — аўтарытэтны чалавек у сферы турызму, ягонае выдавецтва "Рыфтур" стварае найвялікшую колькасць краязнаўчай літаратуры ў краіне: паштоўкі, праваднікі, фотаальбомы... Спадар Плыткевіч пачаў займацца гэтай тэматыкай у далёкім 1994 годзе, калі і мы яшчэ мала ездзілі, і да нас практычна ніхто. Што змянілася за гэты час? Чым усё-ткі прывабіць турыстаў у Беларусь? Чаму перад домам павінны расці кветкі, а не бульба з цыбуляй? Пра гэта "Звязда" распытала Сяргея Плыткевіча.

"Турызм адкрывае людзям вочы"

— Спадар Сяргей, як вы самі акрэсліце той кірунак, у якім працуеце?

— Іх некалькі. Па-першае, гэта газета "Турызм і адпачынак", з якой мы пачыналі. Там распавядаецца пра турызм у свеце і нашай краіне — прычым з кожным годам у нас усе больш і больш менавіта пра Беларусь. Па-другое, выдавецтва "Рыфтур", якое выдае краязнаўчую літаратуру і фотаальбомы таксама на 99% пра Беларусь. І часопісы, якія перажываюць не лепшыя часы, — "Фотамагія" і "Дзікая прырода". Яны таксама пра Беларусь, але рознай тэматыкі.

— Калі вы пачыналі, тэма турызму, асабліва ўнутранага, была як выпаленае поле. Як вам хапіла імпэту ўзяцца за распрацоўку гэтай тэматыкі?

— Калі мы пачыналі рабіць газету, якраз пачыналіся паездкі нашых грамадзян за мяжу — гэта было нешта новае, цікавае. Пайшла цэлая хваля людзей, якія атрымалі магчымасць некуды паехаць. Было шмат уражанняў, адкрываліся новыя краіны. І нам гэта было цікава. Але пазней, калі народ ужо паездзіў па розных краінах і вярнуўся, то сталі па-іншаму глядзець на сваю краіну. Турызм адкрывае вочы людзям. Яны тады параўноўваюць: а чаму мы жывём так, а не гэтак? А чаму там прыгожа, а ў нас не надта? А можа, нам таксама можна зрабіць прыгожа? Напрыклад, у пачатку 1990-х гадоў многія атрымалі дачы — і давай адразу хату з усіх бакоў абсаджваць бульбай ды агародамі. А пасля раптам высветлілася, што перад хатай могуць быць не бульба-капуста, а прыгожыя кветкі, альпійскія горкі, міні-азёрцы. Паціху мы паварочваемся да Еўропы, да ўсяго свету. Чытаць далей »

Тэгі:

Jul 28

Доблесны беларускі міліцыянт, якому дазволена ўсё -- нават наставіць пісталет і забіць чалавека

Яўген ВАЛОШЫН, "Звязда"

Навіна пра забойства 22-гадовай Ніны Карасёвай з вёскі Новыя Журавічы ўзрушыла ўсю краіну. Дзяўчыну застрэліў не бандыт ці маньяк, а ўчастковы міліцыянер, дэпутат, бацька дваіх дзяцей.

Матэрыялы ў беларускай прэсе, якія выйшлі адразу пасля трагедыі, пакінулі шмат пытанняў. У народзе з'явіліся плёткі — "забіў з-за рэўнасці", "стрэліў выпадкова", "на курок націснула жонка міліцыянера" і гэтак далей. Што ж насамрэч здарылася ў мястэчку Доўск Рагачоўскага раёна страшнай купальскай ноччу? За якую правіну міліцыянер здзейсніў такі жорсткі ўчынак? Гэтыя акалічнасці ад непасрэдных сведкаў высвятляў журналіст "Звязды" Яўген ВАЛОШЫН.

"Справу ўчастковага Клімянка" называюць "асабліва важнай", следствам займаецца Гомельская абласная пракуратура.

Збольшага краіна ведае пра сухія і малавытлумачальныя акалічнасці трагедыі. У аўторак шостага ліпеня ўчастковы міліцыянер Рагачоўскага РАУС стрэліў у 22-гадовую дзяўчыну. Ад стрэлу ва ўпор ахвяра атрымала "ачаговую траўму галаўнога мозга, адкрыты пералом звода чэрапа". Было зроблена некалькі цяжкіх аперацый. У пятніцу 16 ліпеня дзяўчына памерла... Чытаць далей »

Тэгі: