Блог Глеба Лабадзенкі

тры падказкі:

1. гэта ня я
2. гэты чалавек жыў у канцы ХІХ -- першай палове ХХ ст.
2. я і сам ніколі б не здагадаўся

16 сьнежня я загадаў загадку (пабачыць можна ТУТ)

паколькі ніхто не адгадаў, даю правільныя адказы:

беларускае слова, якое перакладаецца ТРЫМА расейскімі:
шуфлядка -- "выдвижной ящик стола"

беларускае слова, якое перакладаецца ПЯЦЬЦЮ расейскімі:
мянташка -- "плоский брусок для заточки косы"

калі адзін чалавек сказаў мне, што беларуская мова не пасуе да паўсюднага ўжытку, бо яна бедная (у параўнаньні з расейскай), я прывёў два прыклады.
першае беларускае слова -- якое перакладаецца трыма расейскімі, другое -- пяцьцю.

хто адгадае, якія гэта словы?

Прызнацца шчыра, і ўявіць ня мог, што ў Баранавіцкім раёне, у вёсцы Падлясейкі народ езьдзіць на "Ягуарах"! Калі ж першы шок прайшоў, пасьпяшаўся зрабіць фатаздымачкі. Разгадка -- пад катам...
Чытаць далей »

Злачынства зьдзейсьнілася 26 траўня 1989 года

Год таму журфак БДУ пераехаў у шыкоўны новы корпус на Кальварыйскую. Але да гэтага немаведама колькі год будучых журналістаў рыхтавалі ў будынку па вуліцы Маскоўская,15. Асабіста я адвучыўся там тры з паловай гады. Будынак быў стары, цесны для такога вялікага факультэта, але ў ім прысутнічала нейкая своеасаблівая студэнцкая аўра, аўра здачаў, пераздачаў, вучобы й каханьня. А яшчэ там ніколі не працаваў ліфт. Дакладней, ніхто не памятаў, каб ён некалі працаваў увогуле. Праз гэта на кожным Дні першакурсьніка не абыходзілася бяз жарта на тэму журфакаўскага ліфта. Чаму ж ён не працуе насамрэч, ніхто ня ведаў. Я асабіста думаў, што не ўключаюць, каб нікому не было крыўдна -- бо людзей вельмі шмат, і ўсё адно на тым ліфце не праедзешся асабліва. А можа, проста зламаўся калісьці, а рамантаваць -- не рамантавалі.

Але некалькі дзён таму, праглядаючы навіны ў інтэрнэце, я выпадкова зачапіўся за адзін радок. Навіна датычылася 70-гадовых дзядоў, якія некага забілі дваццаць год таму, а некага зараз -- іх злавілі і далі па 25 год турмы.

Дык вось, у навіне паведамлялася, што "Во втором убийстве 26 мая 1989 года обвинялся один Насибуллин. В Минске в филиале БГУ по улице Московская в лифтовой кабине он застрелил из обреза малокалиберной винтовки молодого мужчину - слушателя курсов повышения квалификации с целью хищения находившихся при нем денежных средств".

Вельмі верагодна, што "філіял БДУ на Маскоўскай" -- і ёсьць наш журфак.

Калі так, дык я даведаўся, чаму ліфт ніколі не працаваў -- пасьля такой бяды яго, напэўна, вырашылі не запускаць болей.

Бачыце гэты вялізны і мажны камень з надпісам? Прачыталі надпіс? А цяпер знайдзіце на фота тую самую тую

Фота зроблена каля Фарнага касьцёла ў Наваградку.

амэрыканскі пілёт Чэслі Саленбэргер, былы вайсковы лётчык, зьдзейсьніў цуд: пасадзіў агромністы аэробус А320 на ваду пасярод Ню-Ёрка, проста ў Гудзонскі праліў.

для арыентацыі: даўжыня аэробуса А320 складае 36,4 мэтра, размах крылаў 25,9. Саленбергер выйшаў у салон і папярэдзіў пасажыраў: "Рыхтуйцеся, пасадка будзе цяжкай". і зьдзейсьніў цуд. нягледзячы на тое, што шырыня гудзена ў гэтым мейсцы 600 мэтраў, для пасадкі у Чэслі была даволі вузкая паласа вады, бо ў гэтым мейсцы стаяць гандлёвыя суды. наўкол -- хмарачосы Манхэтана.

празь некалькі хвілін пасьля вылету з аэрапорта у маторы патрапілі птушкі, і самалёт пачаў губляць кіраванасьць. але, як кажа жанчына, што назірала экстранную пасадку з акна хмарачоса, усё выглядала не як хаатычная пасадка, а як плянамернае сяданьне на ўзьлётную паласу. неверагодна, але ў выніку аварыі ніхто са 155 пасажыраў не загінуў. уяўляеце, каб у нас пасадзілі так самалёт на Сьвіслачы?..

раблю падказку: адзін зь іх -- цяперашні прэзідэнт Шымон Пэрэс. нарадзіўся 84 гады таму ў вёсцы Вішнева Валожынскага раёна. (дарэчы, у гэтай жа вёсцы нарадзілася і жонка Янкі Купалы Цёця Уладзя)

гэта, сябры, унікальны здымак. ён зроблены 15 чэрвеня 1934 года, у дзень выпуска чарговага класа Вішнеўскай польскай школкі.

а гэта -- яшчэ больш унікальны здымак, таксама 1934 года. на ім сфатаграфаваліся разам выпускінікі польскай і жыдоўскай школы. вельмі верагодна, што сярод дзетак ёсьць і сам Пэрэс. у той час -- Сёма Перскі. менавіта ў 1934 годзе сям'я Пэрэсаў ад'едзе са станцыі Багданаў (вакзал захаваўся), каб праз 70 год Сёма стаў прэзідэнтам Ізраілю

чакаю вашых варыянтаў на загадку

за правільны адказ лічыцца ня проста назваць імёны, але і дакладныя пункты нараджэньня