it cz lt rb
ua fr pl en
se by
Sep 26


гэты здымак я зрабіў сёньня ў мэтро Капэнгагена, седзячы на тым месцы, дзе ў нас звычайна сядзіць машыніст.
тут машыніста няма -- усё аўтаматычнае. адчуваньне ці то амэрыкансакіх горак, ці то сюррэалізму...
Чытаць далей »

Тэгі: ,

Sep 26


усе мы чулі пра аўтамабілі, якія працуюць на электрычнасьці. але ў Беларусі і суседніх краінах мне такое пакуль не сустракалася. і вось днямі ў Бэрліне -- пабачыў. стаіць сабе такі кар ля кавярні, а са слупа да яго дрот цягнецца. пагугліўшы, высьветліў, што гэта амэрыканец Tesla roadster -- першы сэрыйны электракар (беларусам гэтая фірма знаёмая пакуль што па вытворчасьці, напрыклад, высокавольтнага дроту для аўто). максымальная хуткасьць 200 км/г. хуткасьць 100 км/г дасягае за 3,9 (!!) сэкунды. зарада батарэі хапае на 320 км нават пры шпаркай язьдзе (так кажуць вытворцы, але на практыцы тэстдрайв паказаў 90 (((( ). цалкам на зарад машыны трэба 16 гадзін. у машыне ўсталяваныя 6000 акумулятараў ад ноўтбука, якія разам важаць 500 кг.
кошт машыны -- ад 109 тысяч даляраў
падрабязьней пра гэтую машынку я пачытаў ТУТ (там ёсьць і вельмі цікавае відэа, дзе машыну ганьбяць на чым сьвет стаіць). а ніжэй -- яшчэ пару фота.
Чытаць далей »

Тэгі:

Sep 26

праз тры гадзіны я сяду ў самалёт, каб выйсьці зь яго ў Капэнгагене.
цікава параўнаць.

Тэгі:

Sep 23


быў сёньня на польскім канале TVN 24. віртуальная студыя -- гэта тое, што адразу цяжка кладзецца ў галаве, бо раней такое бачыў толькі ў "Зорных войнах". людзі сядзяць і гамоняць у цалкам зялёным пакоі, без аніякіх дэкарацыяў -- а гледачы на экране бачаць іх у шыкоўнай студыі з сучаснымі дэкарацыямі. гэта добра відаць на прыведзеным здымку. на маніторы -- што відаць на ТВ, зьлева -- як ёсьць насамрэч.
у тваёй краіне, якую аднойчы не павялі за цывілізаваным сьветам, пра гэта можна толькі марыць.
яшчэ колькі фотак Чытаць далей »

Тэгі:

Sep 23


У славутай келлі Еўфрасінні Полацкай у Полацку, калі добра прыгледзецца, можна пабачыць на сценках сапраўднае графіці XVII стагоддзя – так у свой час пазабавіліся навучэнцы Полацкага езуіцкага калегіюма. Кшталту “Тут быў Вася” тысяча шэсцьсот нейкага там года. Калі я прыехаў у Барселону, мне страшна зачасалася надрапаць дзе-небудзь нешта падобнае – так доўга я марыў патрапіць сюды. Падумаўшы, я выбраў газетную старонку.

Дзве парады перад тым, як вы пойдзеце есці паэлью

Вы ведаеце, што такое паэлья? Калі не, то захочаце даведацца ў першы ж вечар у Барселоне. Будзьце асцярожныя па дзвюх прычынах. Чытаць далей »

Тэгі: , ,

Sep 14

Некалі сучаснікі сказалі пра французскага паэта Стэфана Малармэ: "Перакладаць яго з французскай? Ды вы спачатку перакладзіце з ягонай мовы на французскую!" Пра тое, як перакласці мастацтва Сальвадора Далі на газетную мову, я думаю, гледзячы за акно электрычкі, якая імчыць мяне з хуткасцю 150 кіламетраў за гадзіну з Барселоны ў родны горад Далі — Фігерас.

"У шэсць гадоў я хацеў стаць кухаркай,
у сем — Напалеонам
"

Сальвадор Далі нарадзіўся ў Фігерасе ў 1904 годзе. З дзяцінства хлопчык адрозніваўся ад астатніх. Пазней мастак пачне свой літаратурны дзённік "Маё таемнае жыццё" згадкай: "У шэсць гадоў я хацеў стаць кухаркай, у сем — Напалеонам". Свае іншыя ўспаміны Далі назаве проста — "Дзённік генія". Чытаць далей »

Тэгі: , ,

Sep 10


Паводле легенды, менавіта 7 чэрвеня 1926 года ў Барселоне быў пушчаны першы трамвай. Ярка-чырвоны вагон паехаў па рэйках на здзіву і забаву паспалітаму люду. У гэты ж дзень на скрыжаванні Гран Вія і Байлен пад трамвай патрапіў невядомы стары жабрак. Небараку завезлі ў новую лякарню Святога Крыжа, дзе ён і памёр неўзабаве, не прыходзячы ў прытомнасць. Старога ўжо збіраліся пахаваць у агульнай магіле, як раптам адная жанчына ўскрыкнула: “Госпадзі, дык гэта ж Антоніа Гаудзі!”

Сёння асоба архітэктара Антоніа Гаудзі і ягоныя творы прыцягваюць у Барселону каля 20 мільёнаў турыстаў штогод. Чытаць далей »

Тэгі: , ,

Sep 10


зьезьдзіў у Фігерас, у Тэатр-музэй Далі. пра сам тэатр-музэй -- крыху пазьней, а пакуль -- адная дэталя: магіла Далі.
такую пліту можна пабачыць у крыпце, у адной з экспазіцыйных заляў проста на сьцяне раптам бачыш намагільную пліту.
а зверху магіла Сальвадора Далі выглядае так: Чытаць далей »

Тэгі: ,

Sep 08


Падарожжа ў Барселону пачалося для мяне ў Ашмянах. У аўтобус “Мінск-Каўнас” забегла рота цётачак-кантрабандыстак, якія пачалі ліхаманкава распіхваць па шчылінах аўтобуса гарэлку і цыгарэты. Рэшту яны напрамілы Бог прасілі ўзяць астатніх пасажыраў (у дазволеных маштабах). Я такія рэчы не вельмі люблю, таму, калі дайшлі да мяне, зрабіў сур’ёзны выраз твару і адказаў: “Даруйце, мне нельга, я ў міліцыі раблю”. Дзядзечка з дыяганальнага сядзення, які літасціва згадзіўся перавезці праз мяжу пляшку гарэлкі і пару пачкаў папіросаў, павярнуўся і з пагардай спытаў: “А што, калі ў міліцыі, дык не чалавек?!” Я зразумеў, што Барселона блізка. Чытаць далей »

Тэгі: ,

Sep 06


я выйшаў з мэтро і аслупянеў. стаяў так і глядзеў на гэты храм цэлую гадзіну. ён пачаў будавацца ў 1882 годзе і ня будзе дабудаваны ніколі. гэта -- частка генія Антонія Гаудзі. папярэдняя дата сканчэньня будаўніцтва -- 2030 год. на цяперашні час, паводле маіх прыкідак, збудаваная недзе траціна. сам Гаудзі загінуў у 1926 годзе. ён адыйшоў на некаторыю адлегласьць -- агледзець храм здалёк, прыкінуць, што ды як -- і яго раздушыў трамвай. народ не адразу зразумеў, што гэты стары ў лахманах -- вялікі майстар (апошні час архітэктар жыў у майстэрні і не асабліва надзяляў увагі свайму зьнешняму выгляду). толькі ў шпіталі, калі стары памёр -- усе зразумелі, хто гэта памёр.
сёньня плошча перад саборам называеццма Плошча Гаудзі, бульвар-праспэкт, які бярэ тут пачатак -- таксама.
прыбяры з гэтага гораду Гаудзі -- і апроч мора, сюды нічога не прывабіць. і каталонцы справядліва моляцца на свайго генія.
Чытаць далей »

Тэгі: ,