it cz lt rb
ua fr pl en
se by
Jan 20

Аляксандр Д. зь Менску ахвяраваў 200 тысяч

Віталь С. зь Менску ахвяраваў 100$

дзякуй!
------
падрабязьней пра выданьне і магчымасьць ахвяраваць ТУТ

Тэгі:

Jan 19

дзякуй!

падрабязьней пра выданьне і магчымасьць ахвяраваць ТУТ

Тэгі:

Jan 16

унікальны артэфакт: першая старонка друкапісу "Ладзьдзі Роспачы" ў перакладзе на расейскую мову Васіля Сёмухі. менавіта ў гэтым варыянтце "Ладзьдзя" і была ўпершыню надрукаваная ў часопісе "Нёман" у 1968 годзе. праўкі зробленыя рукою Ўладзімера Караткевіча

сябры! працягваецца збор сродкаў на гэтае ўнікальнае выданьне! у ім твор будзе прыведзены ажно ў трох варыянтах: рукапіс Караткевіча (факсіміле), гэты вось пераклад Сёмухі (таксама факсіміле) і акадэмічны тэкст са збору твораў, дзе будуць пазначаныя ўсе цэнзарскія праўкі і варыяцыі самога Караткевіча.

за гэтыя дні ахвяравалі:

Мікалай С. зь Берасьця -- 540 тысяч
Ірына З. з Жодзіна -- 20 тысяч
Варвара Ч. з Салігорску -- 50 тысяч

дзякуй! збор сродкаў працягваецца, падрабязнасьці ТУТ
Чытаць далей »

Тэгі:

Jan 16

даведацца падрабязнасьці і ахвяраваць на выданьне "Ладзьдзі Роспачы" можна ТУТ

ГЛЕБ ЛАБАДЗЕНКА: “ГЕРВАСІЯ ВЫЛІВАХУ КАРАТКЕВІЧ НЯ ВЫДУМАЎ”

інтэрвію Валянціне Аксак (Радыё Свабода)

У 2010-м будзе адзначацца 80-годзьдзе Ўладзімера Караткевіча. Да гэтай даты паэт і журналіст Глеб Лабадзенка зьініцыяваў факсымільнае выданьне аднаго з самых загадкавых твораў легендарнага пісьменьніка – аповесьці “Ладзьдзя Роспачы”. Гэта будзе народнае выданьне. Праз інтэрнэт-старонку Labadzenka.by кожны чытач можа замовіць сабе пэўную колькасьць асобнікаў кніжкі і гэткім чынам паспрыяць хутчэйшаму яе зьяўленьню на сьвет. Пра рукапіс “Ладзьдзі Роспачы”, таямніцы аповесьці і ганарыстых рагачоўцаў з Глебам Лабадзенкам гутарыць Валянціна Аксак.

Валянціна Аксак: “Спадар Глеб, чаму з сотняў твораў Уладзімера Караткевіча для факсымільнага выданьня вы выбралі менавіта аповесьць “Ладзьдзя Роспачы”?

Глеб Лабадзенка: “Гэта яна выбрала нас, бо тут сышлося проста адно да аднаго. Спачатку патэлефанаваў Рыгор Барадулін і сказаў, што ён знайшоў у сваім архіве рукапіс “Ладзьдзі Роспачы”. Гэтая аповесьць была прысьвечана Рыгору Барадуліну, і таму арыгінал рукапісу з усімі праўкамі, якія ўносіў аўтар, ён падараваў яму. Дзядзька Рыгор праз усе гэтыя гады памятаў пра падарунак, але ў сваім пакоі, які нагадвае дом-музэй, знайсьці яго доўга ня мог. Але як толькі рукапіс патрапіўся яму на вочы, ён патэлефанаваў і папрасіў зрабіць некалькі копіяў, каб перадаць іх у літаратурныя музэі. Калі я пабачыў гэты рукапіс, то сеў і за некалькі гадзінаў прачытаў яго. Дваццаць тры старонкі ўборыстага і выразнага почырку не складалі ніякай цяжкасьці для чытаньня. Я не зразумеў адразу толькі пару словаў у ім. Таму ідэя выдаць гэты рукапіс факсымільна прадыктавана найперш невялікім аб’ёмам твора”.
Чытаць далей »

Тэгі:

Jan 13

Усе творы Ўладзімера Караткевіча, як і іншых пісьменьнікаў, што працавалі за савецкім часам, кранула рука цэнзара. І часам кранула істотна. Рана ці позна гэтыя творы, асабліва знакавыя і важныя, трэба будзе перадрукоўваць нанова -- без гэтых правак, месцамі абсалютна ідыёцкіх і недарэчных, парою проста "ідэалягічна вывераных" у духу часу.

Працую зараз з рукапісам "Ладзьдзі Роспачы", рыхтуючы яго для ўнікальнага выданьня (прачытаць пра яго і ахвяраваць можна ТУТ ). Правак ха-апае!

Вось толькі некалькі зь іх.
Чытаць далей »

Тэгі: , ,

Dec 25

дзякуй Iрыне i Кiрылу Голуб з Магілёва! (ЖЖ спадара Кірыла можна паглядзець ТУТ)

падрабязна пра ўнікальнае выданьне можна пачытаць ТУТ

Ахвотным ахвяраваць можна пісаць на мэйл labadzenka@gmail.com, стукацца ў аську 431580025 ці скайп labadzenka

Тэгі:

Dec 20

+ ДАДАЎСЯ АРТЫКУЛ СА "ЗВЯЗДЫ"

ragachou1

Я вельмі рады, што ўдалося давесьці гэтую справу да канца -- сёньня помнік бабулі Ўладзімера Караткевіча Людміле Барысевіч быў адкрыты. Помнік выйшаў сапраўды ладны, дыхтоўны і шляхетны. Хачу падзякаваць усім, хто паспрыяў такому хуткаму вырашэньню пытаньня і яшчэ раз згадаць усіх ахвярадаўцаў:

* супрацоўнікі Радыё Свабода (Сяргей Навумчык, Сяргей Шупа, Аляксандар Лукашук, Аляксей Знаткевіч, Сяргей Абламейка, Юрась Бушлякоў)
* Уладзімер Арлоў
* Віталь Саболька
* Таша
* Ніка
* Алекс
* astrynczanka з сябрамі

Я шчыра жадаю, каб адкрыцьцё гэтага помніка сталася першым, але далёка не апошнім крокам па ўшанаваньні памяці нашага вялікага пісьменьніка ў родным і знакавым для яго Рагачове.

Чытаць далей »

Тэгі:

Dec 18

заўтра зранку едзем адкрываць помнік на магіле бабулі Караткевіча. у машыне яшчэ ёсьць месца.

зьвязвайцеся labadzenka@gmail.com

Тэгі:

Dec 15

laddzia2

Сябры!

Рыхтуецца да друку ўнікальнае выданьне -- факсыміле "Ладзьдзі Роспачы" Ўладзімера Караткевіча.
Кніга фармату А4 будзе ўключаць у сябе:
* поўную факсымільную копію рукапісу "Ладзьдзі Роспачы" Уладзімера Караткевіча,
* друкаваны тэкст навэлы,
* арыгінал друкапісу перакладу "Ладзьдзі" на расейскую мову Васіля Сёмухі (з рукапіснымі праўкамі Ўладзімера Караткевіча,
* некаторыя фрагмэнты іншых рукапісаў Караткевіча -- у якасьці прыклада Караткевіча-рэдактара,
* прадмову Рыгора Барадуліна (гэты твор Караткевіч прысьвяціў менавіта Барадуліну і падарыў Дзядзьку Рыгору арыгінал рукапісу),
* тэксталягічны аналіз усіх рэдактарскіх і цэнзарскіх правак, выкананы самым аўтарытэтным дасьледчыкам творчасьці Караткевіча Анатолем Вераб'ём
* унікальныя здымкі Уладзіміра Караткевіча і Рыгора Барадуліна (друкуюцца ўпершыню).
----------- агулам - каля 120 старонак!!!

Выданьне ўнікальнае з усіх бакоў. Па-першае, арыгінал "Ладзьдзі" зьмяшчае ўсяго 23 старонкі, а почырк Караткевіча настолькі разборлівы і ўборысты, што твор можна без праблем прачытаць проста з рукапісу. Па-другое, у рукапісы можна дакладна прасачыць і прааналізаваць працу Караткевіча са словам: падбор сынонімаў, перастаноўка словаў месцамі, выкрэсьліваньне цэлых абзацаў... У друкаваным тэксьце будуць дзеля зручнасьці пазначаныя ўсе моманты, дзе Уладзімер Караткевіч рабіў праўкі. І кожны з вас зможа адкрыць для сябе Караткевіча наноў, зазірнуць на пісьменьніцкую "кухню".

Калегі! Калі хто мае жаданьне і магчымасьць ахвяраваць на будучае выданьне, гэта можна зрабіць наступнымі спосабамі.

1. Вы ахвяруеце пэўную суму грошай -- і пасьля выхаду кнігі атрымліваеце адпаведную колькасьць асобнікаў (сума дзеліцца на сабекошт асобніка).
(ФАКТЫЧНА -- ВЫ ВЫКУПЛЯЕЦЕ ЧАСТКУ НАКЛАДУ ПЕРАДПЛАТАЙ)

2. Вы ахвяруеце грошы -- і атрымліваеце ў падарунак сымбалічны асобнік (-кі) з аўтографамі стваральнікаў кнігі. А вашыя грошы ідуць на паніжэньне сабекошту выданьня.
(ФАКТЫЧНА -- ВЫ РОБІЦЕ ДОБРУЮ СПРАВУ, А КНІГІ АТРЫМЛІВАЕЦЕ ЯК БОНУС)

Дапусьцім, на 100 асобнікаў трэба 1 мільён рублёў. Пры гэтым сабекошт асобніка складзе 10 тысяч. Вы ахвяравалі 100 тысяч -- гэта дазволіць зьнізіць сабекошт на тысячу (1.000.000-100.000=900.000/100=9000)-- і зрабіць выданьне больш дасяжным.

У любым разе, усе мецэнаты (па іхным жаданьні) будуць згаданыя ў кнізе.

Ахвотным ахвяраваць можна пісаць на мэйл labadzenka@gmail.com, стукацца ў аську 431580025 ці скайп labadzenka

Тэгі:

Dec 01

121-1

Прыемны здымак прыйшоў з Рагачова -- дырэктар музэю спадар Андрэй Чарняўскі даслаў выяву гатовага помніка на магілу бабулі Караткевіча.

Атрымалася, мне здаецца. максымальна добра з таго, што магло. Шкада, што яны тэхнічна ня здолелі выканаць на помніку аўтограф Караткевіча. Але -- як ёсьць.

Агромністая заслуга ў тым, што ўсё выйшла так прыгожа -- спадар Андрэя Чарняўскага, які літаральна хадзіў у гэтую пахавальную кантору як на працу і ціснуў на іх, каб усё па-нашаму зрабілі. А яшчэ спадару Андрэю належыць геніяльная ідэя -- выявіць на помніку замест традыцыйных ружачак каласкі. Што казаць -- рагачовец!..

У бліжэйшым часе помнік будзе ўсталяваны, а пасьля на ягонае ўрачыстае адкрыцьцё ў Рагачоў запрашаюцца ўсе ахвотныя! Ці ноймем аўтобусік, ці паедзем транспартам -- выйдзе ў кожным разе каля 25-30 тысяч на чалавека.

Ахвотныя  -- запісвайцеся праз маё мыла gleb@labadzenka.by

Ня ведаю, як вам, а мне помнікі вельмі падабаецца! Гара з плеч!

І -- яшчэ раз нізкі паклон усім, хто ахвяраваў, што дало мажлівасьць зрабіць усё так хутка!

Тэгі: