it cz lt rb
ua fr pl en
se by
Mar 29

я клявіятурай
пальцы чухаў
вяртаючы ў словы
мяккі знак,
а ў мяне на стале
памірала муха
і цешылася, што на дварэ
вясна

дзе ж ты зімавала
гаротнай плачкай?
дзе крылы хавала
ад маразоў?
ці сонца вясновае
ў сьне пабачыла
і крылы выструменіла
лязом

ці ты адчувала,
што сонца будзе
што проста чакае
пад сьнегам трава
што бедныя мухі
і бедныя людзі
баяцца аднога –
зімаваць

ня бойцеся:
доўга ня прыйдзецца
слухаць
ганяць небараку
з вакна да сьцяны
калі на стале
памірае муха
і радуецца,
што дажыла
да вясны

Тэгі: