it cz lt rb
ua fr pl en
se by
Apr 25

14 чэрвеня
Майдан Незалежнасьці

zshhd.jpg

Пол МакКартні выступіць на Майдане

Сэр Пол МакКартні выступіць ва ўкраінскай сталіцы зь вялікім канцэртам на Майдане Незалежнасьці. Пра гэта паведаміў сёньня фонд Віктара Пінчука, па запрашэньні якога легендарны ўдзельнік The Beatles будзе сьпяваць у Кіеве.

Канцэрт адбудзецца 14 чэрвеня. Уваход будзе вольны. МакКартні нібы прыняў запрашэньне ўкраінскага алігарха Пінчука, зяця экс-прэзыдэнта Леаніда Кучмы, не з‑за грошай.

Спадар Пінчук сьцьвярджае, што вырашальным аргумэнтам у доўгіх перамовах стаў той факт, што пры бальшавіках The Beatles былі адзіным глытком свабоды для мільёнаў людзей на ўсёй прасторы СССР.

«Ідэалёгія й дух The Beatles паспрыялі разьвіцьцю дэмакратычных памкненьняў значнае часткі савецкага насельніцтва, якія, у рэшце рэшт, прывялі да мірнага распаду СССР і незалежнасьці былых савецкіх рэспублікаў», — гаворыцца ў сумеснай заяве Фонду Віктара Пінчука й Пола МакКартні.

Магчыма, з гэтай прычыны мерапрыемства пакуль называецца Independence Concert — Канцэрт Незалежнасьці.

«Трымаймася разам пад рытм рок‑н‑рола», кажа сэр Пол, камэнтуючы свой меркаваны прыезд, запрашаючы на канцэрт усіх жадаючых. Гэта будзе «вялікі вечар, і я маю надзею пабачыць там вас усіх», — кажа ён.

Акрамя канцэрту, Фонд Віктара Пінчука прадставіць 40 карцінаў Мак‑Картні ў PinchukArtCentre, які зьяўляецца найбуйным цэнтрам мастацтва ва Ўсходняй Эўропе. Гэта будзе першая выстава МакКартні ў нашым рэгіёне.

Нагадаем — у мінулым годзе на Майдане Незалежнасьці выступаў сэр Элтан Джон. Сэр Элтан быў у Кіеве ў межах акцыі супраць СНІД, і запусьціў шэраг адпаведных праектаў ва Ўкраіне разам са спадаром Пінчуком і ягонай жонкай Аленай Франчук.

Антон Тарас, "Наша Ніва"

Тэгі: