it cz lt rb
ua fr pl en
se by
Jul 18

buslakou-fota

сябры! шчыра запрашаю вас прыйсьці на прэзэнтацыю кнігі Юрася Бушлякова (1973-2013)

Юрася ня стала ў чэрвені. чатыры гады ён змагаўся з самай падступнай у сьвеце хваробай... да апошніх дзён даводзіў да ладу гэтую кнігу, якая стане настольнай у кожнага беларускамоўнага чалавека.
культура мовы і маўленьня Юрася Бушлякова -- эталон для кожнага беларуса.

я шчасьлівы, што пазнаёміўся з Юрасём 12 гадоў таму, калі ён выкладаў у нас у Коласаўскім Ліцэі "Гісторыю і культуру беларускай мовы". пазьней Юрась Бушлякоў рэдагаваў мае "Pager-вершы", даводзіў да ладу непадцэнзурнае выданьне "Ладдзі Роспачы". "дзіцячая заМова" прысьвечаная яму, як любімаму настаўніку. кожную літару ў гэтай кнізе таксама вычытаў Юрась -- ужо цяжка хворы, літаральна за паўгоду да адыходу ў вечнасьць.

каб зразумець, які гэта быў сьветлы, шчыры, вытанчаны і шляхетны чалавек, прапаную паглядзець хоць бы некаторыя відэаролікі зь ім:

кранальная падборка відэа ад Макса Шчура

Беларуская дыктоўка 2 лютага 2013 году

19 выпускаў праграмы "Моўнік" на Белсаце

«Жывая мова» Юрася Бушлякова — калекцыя практычных эсэ пра тое, як гаварыць па-беларуску правільна і прыгожа. Цягам сваёй рэдактарскай працы на Радыё Свабода аўтар выяўляў складаныя, спрэчныя ці памылковыя моманты ў жывой мове, аналізаваў іх і даваў парады, якія склалі цыкль радыёперадачаў і леглі ў аснову кнігі.

buslakou-vokladkaГэтую кнігу Юрась дапісваў і ўдасканальваў да апошніх дзён жыцьця. Яна ўбачыла сьвет да саракавін з дня ягонай заўчаснай сьмерці.

Прэзэнтацыя кнігі адбудзецца 23 ліпеня а 18-й гадзіне ў памяшканьні сядзібы БНФ, Менск, вуліца Чарнышэўскага, 3.

Усе прысутныя атрымаюць кнігу Юрася Бушлякова «Жывая мова» з адбіткам пячаткі-экслібрыса, зробленым рукой ягонай маці.

перадрук абвесткі -- з Радыё Свабода

Тэгі:

Jul 17

pat1
Чытаць далей »

Тэгі:

Jul 17

у межах імпрэзы кнігарняй "Акадэмкніга" будзе арганізаваны продаж кніг па гісторыі ВКЛ

vkl-afisha

 

Вялікі канцэрт

«Дзень культуры народаў Вялікага Княства Літоўскага»

у рамках выставы

«Партрэты уладароў і магнатаў Вялікага Княства Літоўскага»

 

24 ліпеня з 18.00 да 23.00 ва ўнутраным дворыку музея зноў аб’яднаюцца чатыры краіны, чатыры культуры, чатыры мовы, чатыры гісторыі.

Народы Беларусі, Украіны, Польшчы і Літвы звязвае агульная гісторыя – гісторыя Вялікага Княства Літоўскага. У сучасным свеце важна захоўваць агульныя культурныя традыцыі і сувязі гэтых краін. На мерапрыемстве мы паспрабуем перадаць атмасферу той эпохі і пазнаёмімся з сучаснай музычнай культурай краін Беларусі, Украіны, Польшчы і Літвы.

 

У дворыку музея Вас чакае Вялікі канцэрт з выступленнем гуртоў:

• «ПАЛАЦ» (Беларусь) пры падтрымцы кампаніі “Будзьма беларусамі!”
Чытаць далей »

Тэгі:

Jul 17

сам ніколі ў жыцьці не карыстаўся прадукцыяй эпл, але для аматараў рэклямую.

прэс-рэліз атрыманы ад кампаніі "Будзьма беларусамі!"

 
2

Даступная для спампоўвання ў APP STORE першая беларуская азбука для платформы IOS. Дадатак быў створаны супольна камандамі грамадскай культурніцкай кампаніі “Будзьма беларусамі!” і выдавецтва Kinderfox пад кіраўніцтвам аўтара ідэі Андрэя Залатара. Буквар “Родная азбука” з’яўляецца першай беларускай азбукай для IPAD, ён адаптаваны для ўсіх гаджэтаў лінейкі IPAD.

3

Каментуе каардынатар кампаніі “Будзьма беларусамі!” і кіраўнік МГА “ЗБС “Бацькаўшчына” Алена Макоўская: “Беларуская мова, як любая іншая сучасная мова, увесь час мае адказваць на выклікі індустрыяльнага грамадства, быць сучаснай не толькі на паперы і ў гучных закліках. Менавіта таму для рэалізацыі такога праекта быў выбраны самы трэндавы дэвайс. Пытанне адукацыі на роднай мове стаіць у Беларусі востра, але яшчэ вастрэйшае яно для сем'яў беларускіх эмігрантаў. Цяпер жыхары метраполіі і дыяспар атрымалі добры дапаможнік для навучання сваіх дзетак, змест якога адпавядае памкненням бацькоў, а форма — патрэбам дзяцей”.
Чытаць далей »

Тэгі:

Jul 17

сумесны праект Budzma.org і Labadzenka.by

Кніга Глеба Лабадзенкі “дзіцячая заМова” выйшла ў канцы студзеня 2013 года – і здабыла вялікую папулярнасць (і атрымала “спецнамінацыю” ў сёлетняй прэміі “Дэбют” імя М.Багдановіча). Ужо разыйшлося больш за 1400 кніг. Кніга ўвабрала ў сябе 112 вясёлых малюнкаў пра складанасці і цікавосткі беларускай мовы. На старонках кнігі забаўныя персанажы – хлопчык і дзяўчынка – у няспынным дыялогу высвятляюць усе гэтыя акалічнасці. Простасць малюнкаў паказвае: так можа намаляваць кожны з вас!
Як прызнаецца Глеб, на гэтых 112 малюнках ідэі не скончыліся – проста варта было паставіць кропку і выдаць кнігу. Цяпер працяг “дзіцячай заМовы” будзе выходзіць на сайце budzma.org: штотыдзень па новым малюнку. У каментарах, калі ласка, пакідайце свае “заМовы”: якія моўныя цікавосткі варта намаляваць яшчэ?

Будзьма з моваю!

015 shvager

нагадваю, што калі некаму патрэбная кніга поштаю, замаўляйце на Prastora.by!

у Менску кнігу можна таксама набыць па наступных адрасах:

  • “Кніжны салон” (Калініна, 5, працуе штодня да 19.00, нядзеля выходны) . гарадзкі нумар 385-60-89
  • "Акадэмкніга" (працуе да 20.00, субота да 18.00, нядзеля выходны). тэлефон 292-00-52
  • На Сядзібе БНФ (Чарнышэўскага, 3).
  • На Сядзібе ТБМ (Румянцава, 13).
  • кнігарня ЛогвінаЎ (Незалежнасьці, 37а).
  • на сайце imbryk.by
  • У мастацкай "Галерэі" (КЗ Менск, Кастрычніцкая, 5)

таксама прапаную паглядзець магніты "дзіцячая заМова"

і набор паштовак "Самыя старыя будынкі Беларусі"

паглядзець старонкі з кніжкі можна ТУТ

пачытаць пра кніжку ТУТ, ТУТ і ТУТ

Тэгі:

Jul 16

turyn1

turyn2

Тэгі:

Jul 16

knizhachka1

гэты год выкладаў журналістыку ў Маладэчне, ў школцы пры "Рэгіянальнай газэце".
і вось на выпускным атрымаў прыз ад ўдзячных навучэнак. аказваецца, яны натавалі мае выслоўі па працы, а потым аформілі вось так і падарылі. 😉

001

Чытаць далей »

Тэгі:

Jul 15

Сяргей Панізьнік адгукнуўся вершамі на наш матэрыял пра пошукі Цмока на Глыбоччыне!

перадрук з Cmok.budzma.org

paniznik

Сяргей Панізьнік
МІЖ ДЗІСНОЙ І ДРУЯЙ ЦМОК ВАНДРУЕ
Венікі  вязала  Жаба,
Дровы сек вусаты Цмок.
Лезлі  ў лазню Чорт і Баба,
Жар каціўся на палок.
Каменку Чарцяка лапаў:
--Пад-даць духу! Стыне лапа!
…І –“Дзе столь?”, “Дзе паталок?”
Паляцелі  Чорт і Баба
У чаротавы ставок.
А там качкі качку-лазню
Навялі, што збег і Цмок…
Толькі ў Чорта жар не гасне:
На калок падняў палок.
Цмоку ж, прыткаму  гарэзе,
Спадабаўся Буралом:
У пячоры ён хвастом
Вам кіўне: --А вось мой дом!
Хто  (на злом) ткне ў дом  вяслом,--
Не пазнае Цмока ў стрэсе.
Так націсне на дзясну,--
Скокніце  аж  за Дзісну
Да Драздовіча пры лесе.
Ці ачнецеся   ля Друі.
Бацька Цмока там вандруе
(і  грызе акраец  хлеба –
Дар ад Лабадзенкі Глеба).
Не латгал  і  не  карэл,--
Першы  Цмокус  ВКЛ !
26.05./12.07.2013

Чытаць далей »

Тэгі:

Jul 15

lift
даслала чытачка з Маладэчна Кацярына Рысік

Тэгі:

Jul 15

bulbash-hleb
даслаў чытач Алесь Калесьнікаў

Тэгі: