it cz lt rb
ua fr pl en
se by
Jul 17

у межах імпрэзы кнігарняй "Акадэмкніга" будзе арганізаваны продаж кніг па гісторыі ВКЛ

vkl-afisha

 

Вялікі канцэрт

«Дзень культуры народаў Вялікага Княства Літоўскага»

у рамках выставы

«Партрэты уладароў і магнатаў Вялікага Княства Літоўскага»

 

24 ліпеня з 18.00 да 23.00 ва ўнутраным дворыку музея зноў аб’яднаюцца чатыры краіны, чатыры культуры, чатыры мовы, чатыры гісторыі.

Народы Беларусі, Украіны, Польшчы і Літвы звязвае агульная гісторыя – гісторыя Вялікага Княства Літоўскага. У сучасным свеце важна захоўваць агульныя культурныя традыцыі і сувязі гэтых краін. На мерапрыемстве мы паспрабуем перадаць атмасферу той эпохі і пазнаёмімся з сучаснай музычнай культурай краін Беларусі, Украіны, Польшчы і Літвы.

 

У дворыку музея Вас чакае Вялікі канцэрт з выступленнем гуртоў:

• «ПАЛАЦ» (Беларусь) пры падтрымцы кампаніі “Будзьма беларусамі!”
Чытаць далей »

Тэгі:

Jul 17

сам ніколі ў жыцьці не карыстаўся прадукцыяй эпл, але для аматараў рэклямую.

прэс-рэліз атрыманы ад кампаніі "Будзьма беларусамі!"

 
2

Даступная для спампоўвання ў APP STORE першая беларуская азбука для платформы IOS. Дадатак быў створаны супольна камандамі грамадскай культурніцкай кампаніі “Будзьма беларусамі!” і выдавецтва Kinderfox пад кіраўніцтвам аўтара ідэі Андрэя Залатара. Буквар “Родная азбука” з’яўляецца першай беларускай азбукай для IPAD, ён адаптаваны для ўсіх гаджэтаў лінейкі IPAD.

3

Каментуе каардынатар кампаніі “Будзьма беларусамі!” і кіраўнік МГА “ЗБС “Бацькаўшчына” Алена Макоўская: “Беларуская мова, як любая іншая сучасная мова, увесь час мае адказваць на выклікі індустрыяльнага грамадства, быць сучаснай не толькі на паперы і ў гучных закліках. Менавіта таму для рэалізацыі такога праекта быў выбраны самы трэндавы дэвайс. Пытанне адукацыі на роднай мове стаіць у Беларусі востра, але яшчэ вастрэйшае яно для сем'яў беларускіх эмігрантаў. Цяпер жыхары метраполіі і дыяспар атрымалі добры дапаможнік для навучання сваіх дзетак, змест якога адпавядае памкненням бацькоў, а форма — патрэбам дзяцей”.
Чытаць далей »

Тэгі:

Jul 17

сумесны праект Budzma.org і Labadzenka.by

Кніга Глеба Лабадзенкі “дзіцячая заМова” выйшла ў канцы студзеня 2013 года – і здабыла вялікую папулярнасць (і атрымала “спецнамінацыю” ў сёлетняй прэміі “Дэбют” імя М.Багдановіча). Ужо разыйшлося больш за 1400 кніг. Кніга ўвабрала ў сябе 112 вясёлых малюнкаў пра складанасці і цікавосткі беларускай мовы. На старонках кнігі забаўныя персанажы – хлопчык і дзяўчынка – у няспынным дыялогу высвятляюць усе гэтыя акалічнасці. Простасць малюнкаў паказвае: так можа намаляваць кожны з вас!
Як прызнаецца Глеб, на гэтых 112 малюнках ідэі не скончыліся – проста варта было паставіць кропку і выдаць кнігу. Цяпер працяг “дзіцячай заМовы” будзе выходзіць на сайце budzma.org: штотыдзень па новым малюнку. У каментарах, калі ласка, пакідайце свае “заМовы”: якія моўныя цікавосткі варта намаляваць яшчэ?

Будзьма з моваю!

015 shvager

нагадваю, што калі некаму патрэбная кніга поштаю, замаўляйце на Prastora.by!

у Менску кнігу можна таксама набыць па наступных адрасах:

  • “Кніжны салон” (Калініна, 5, працуе штодня да 19.00, нядзеля выходны) . гарадзкі нумар 385-60-89
  • "Акадэмкніга" (працуе да 20.00, субота да 18.00, нядзеля выходны). тэлефон 292-00-52
  • На Сядзібе БНФ (Чарнышэўскага, 3).
  • На Сядзібе ТБМ (Румянцава, 13).
  • кнігарня ЛогвінаЎ (Незалежнасьці, 37а).
  • на сайце imbryk.by
  • У мастацкай "Галерэі" (КЗ Менск, Кастрычніцкая, 5)

таксама прапаную паглядзець магніты "дзіцячая заМова"

і набор паштовак "Самыя старыя будынкі Беларусі"

паглядзець старонкі з кніжкі можна ТУТ

пачытаць пра кніжку ТУТ, ТУТ і ТУТ

Тэгі:

Jul 16

turyn1

turyn2

Тэгі:

Jul 16

knizhachka1

гэты год выкладаў журналістыку ў Маладэчне, ў школцы пры "Рэгіянальнай газэце".
і вось на выпускным атрымаў прыз ад ўдзячных навучэнак. аказваецца, яны натавалі мае выслоўі па працы, а потым аформілі вось так і падарылі. 😉

001

Чытаць далей »

Тэгі:

Jul 15

Сяргей Панізьнік адгукнуўся вершамі на наш матэрыял пра пошукі Цмока на Глыбоччыне!

перадрук з Cmok.budzma.org

paniznik

Сяргей Панізьнік
МІЖ ДЗІСНОЙ І ДРУЯЙ ЦМОК ВАНДРУЕ
Венікі  вязала  Жаба,
Дровы сек вусаты Цмок.
Лезлі  ў лазню Чорт і Баба,
Жар каціўся на палок.
Каменку Чарцяка лапаў:
--Пад-даць духу! Стыне лапа!
…І –“Дзе столь?”, “Дзе паталок?”
Паляцелі  Чорт і Баба
У чаротавы ставок.
А там качкі качку-лазню
Навялі, што збег і Цмок…
Толькі ў Чорта жар не гасне:
На калок падняў палок.
Цмоку ж, прыткаму  гарэзе,
Спадабаўся Буралом:
У пячоры ён хвастом
Вам кіўне: --А вось мой дом!
Хто  (на злом) ткне ў дом  вяслом,--
Не пазнае Цмока ў стрэсе.
Так націсне на дзясну,--
Скокніце  аж  за Дзісну
Да Драздовіча пры лесе.
Ці ачнецеся   ля Друі.
Бацька Цмока там вандруе
(і  грызе акраец  хлеба –
Дар ад Лабадзенкі Глеба).
Не латгал  і  не  карэл,--
Першы  Цмокус  ВКЛ !
26.05./12.07.2013

Чытаць далей »

Тэгі:

Jul 15

lift
даслала чытачка з Маладэчна Кацярына Рысік

Тэгі:

Jul 15

bulbash-hleb
даслаў чытач Алесь Калесьнікаў

Тэгі:

Jul 15

піша чытачка з Маладэчна Аляксандра Парахня:

Добры дзень, Глеб!

Заўважыла новую тэму на вашым блогу пра пятаткі з "Пагоняй". Вырашыла пакапацца ў сваіх паперах. Знайшла цікавую рэч.

1 верасня 1998 года мне выдалі грамату ў школе, на якой пячатка з сучасным гербам.

13 снежня 1998 года - грамату за перамогу ў спартыўных спаборніцтвах з "Пагоняй".

Спачатку я не вельмі зразумела, што да чаго. Пасля прыгледзелася - у грамаце з "Пагоняй" выпраўлены дата і год. Мусіць, у спартыўнай школы не хапала грамат, яны знайшлі старыя, прапячатаныя "Пагоняй", ім пасавала слова "декабрь", якое не трэба было выпраўляць. Выправілі лічбы і ўручылі грамату.
Карацей, я уладальніца ўнікальнага дакумента - афіцыйнай паперы 1998 года з пячаткай "Пагоні"!)))

Усе здымкі далучаю да паведамлення. Спадзяюся, на іх усё добра відаць.

Аляксандра

pahonia4
Чытаць далей »

Тэгі:

Jul 15

цалкам матэрыял можна пабачыць ТУТ

 

Возера Гінькава: адзіная ў Беларусі пячора!

Ад Празарокаў едзем да вёскі Сахновічы. Па схеме глыбоцкага краязнаўцы Уладзіміра Скрабатуна стараемся знайсці жаданую цікавостку.

Tarantino.by-2013-Cmok-3-Braslavi-1677

Tarantino.by-2013-Cmok-3-Braslavi-1692

Tarantino.by-2013-Cmok-3-Braslavi-1709

Аднак дарога, якая вяла да пячоры яшчэ колькі гадоў таму, безнадзейна разараная. Зрэшты, для “лэндровера” такая крыўдная драбяза перашкодай быць не можа.

Tarantino.by-2013-Cmok-3-Braslavi-1745

Вельмі хутка апынаемся на высокім абрывістым беразе, парослым дрэвамі.

Tarantino.by-2013-Cmok-3-Braslavi-1751

Бур’ян — вышэйшы за машыну. Далей толькі пехам.

Tarantino.by-2013-Cmok-3-Braslavi-1761

Tarantino.by-2013-Cmok-3-Braslavi-1774

Камары і авадні задаюць нам патрэбную хуткасць пошукаў пячоры.

Па абрыве асцярожна спускаемся на бераг возера, прыхапіўшы ўвесь неабходны рыштунак.

Tarantino.by-2013-Cmok-3-Braslavi-1794

Даходзім да яра, пра які казаў спадар Скрабатун.

Tarantino.by-2013-Cmok-3-Braslavi-1805

Раздзяляемся: частка ідзе верхам, частка нізам. Бо пячора, паводле апісання, мусіць быць пасярэдзіне схілу.

— Сюды! Сюды! — крычыць Кастусь Шыталь, нібыта Цмок вырашыў патачыць аб яго кіпцюры.

Tarantino.by-2013-Cmok-3-Braslavi-2010

Спяшаем на крыкі дарагога краязнаўцы і бачым напраўду нешта падобнае да пячоры: на схіле на паверхню выйшлі акамянелыя пароды, у якіх ёсць заглыбленне. Але ліхтары высвечваюць непрацяглую нару, куды можа ўбіцца хіба што ў меру дакормленае цмачанятка. Гэта яўна яшчэ не нашая пячора, бо ў нашай чалавек дакладна можа трапіць усярэдзіну.

Tarantino.by-2013-Cmok-3-Braslavi-2025

Рушым па схіле далей, пакуль нарэшце не знаходзім. Яна, дакладна яна! На крутым схіле — акамянеласці, падобныя да першых. Але адтуліна сведчыць: кладзіся на пуза і паўзі.

Tarantino.by-2013-Cmok-3-Braslavi-2042

Прызнацца шчыра, хвілін пяць мы як страусы зазіралі ў гэтую дзіру і збіралі думкі да кучы. Але ж не дарма ехалі 250 кіламетраў!

Пераапранаюся, узбройваюся каскай з ліхтаром і вялікім ручным ліхтаром у дадатак. Кладуся на жывот, паварочваю галаву набок, выдыхаю і пачынаю паціху паўзці. У такім становішчы трэба прапаўзці па пяску метры 2-3 (людзям, якія пакутуюць на клаўстрафобію, гэтае практыкаванне настойліва не раю!), пакуль не з’явіцца магчымасць падняць галаву і агледзецца.

Tarantino.by-2013-Cmok-3-Braslavi-1839

Убачанае ўражвае: “сталактыты” і “сталагміты” з пясчаніку, камяні і каменьчыкі, якія патанаюць у іх, як арэхі ў шакаладзе…

Tarantino.by-2013-Cmok-3-Braslavi-1849

Адзін з пясчанікавых наростаў на доле мае акруглую форму і жыва ўяўляецца нам скамянелым яйкам Цмока!

Раптам ліхтар выхоплівае з цемры некалькі чарапоў і костак невялікіх жывёл памерам з лісу.

Tarantino.by-2013-Cmok-3-Braslavi-1871

— Хлопцы, ды я тут не першы! — крычу калегам на волю.

На дапамогу спяшае наш бравы фатограф Аляксандр Ждановіч, падбадзёрваючы мяне:

— Папрасі Цмока не есці цябе вельмі хутка, хачу зрабіць пару кадраў!..

Tarantino.by-2013-Cmok-3-Braslavi-1922

Трапіўшы да мяне, Аляксандр выгукае:

— Нічога сабе! Вось ужо не думаў, што пабачу ў Беларусі сапраўдную пячору!

 

Паколькі нашая пячора не мае афіцыйнай назвы, тут жа ўрачыста пастанаўляем назваць яе Цмокавай.

Tarantino.by-2013-Cmok-3-Braslavi-1960

Tarantino.by-2013-Cmok-3-Braslavi-1976

Следам за фатографам у пячору запаўзае Андрэй Дыбоўскі. Мы абсалютна вольна сядзім там утрох. Памеры пячоры такія, што і яшчэ некалькі чалавек свабодна селі б побач. Стаць не станеш, а калі сядзіш, то над галавой яшчэ застаецца сантыметраў 40-50. Апроч асноўнага грота, дзе мы сядзім, у бакі адыходзіць некалькі хадоў, куды можна паўзком пралезці на два-тры метры далей, а потым яны бязлітасна звужаюцца…

— Прапаную нашую шыльду “Тут жыве беларускі Цмок!” пакінуць не на ўваходзе ў пячору, а непасрэдна тут, для самых смелых! — раіць Андрэй Дыбоўскі.

Tarantino.by-2013-Cmok-3-Braslavi-1858

Прыслухоўваемся да талковай думкі і пакідаем шыльду разам з нашым чырвоным Цмокам. Хто з чытачоў першым дашле здымкі сябе і шыльды з Цмачынай пячоры?

P.S. Нашым паслядоўнікам падказваем найпрасцейшую дарогу да пячоры. Перад вёскай Сахновічы (калі ехаць з Празарокаў) трэба збочыць па звілістай дарозе налева да возера Гінькава. Даехаць да пляжа з альтанкаю і далей ісці па сцежцы ў лесе берагам возера далей ад пляжа. Праз некалькі сотняў метраў пяройдзеце згаданы раней яр. Трэба ісці па ніжняй сцежцы далей і яшчэ праз сотню-другую будзе круты пад’ём уверх да пячоры. Беларускі Цмок зычыць поспехаў шукальнікам прыгодаў!

Tarantino.by-2013-Cmok-3-Braslavi-1926

Тэгі: ,