it cz lt rb
ua fr pl en
se by
Nov 07

labadzenka-250nЗаслужанная артыстка Беларусі, 28-гадовая магілёўка Алена Міхайлаўна Ляпохіна (псеўданім Алена Ланская), зьняла кліп у спальні Радзівілаў у Нясьвіскім замку. Кажуць, нібыта былі нават аткравенныя сцэны.

Тае бяды — скажаце вы. Не зважай сабе ды ідзі міма! Ня нравіцца — не сматры! Што ты зьвягаеш, як стары пень?

Ня ведаю, як вас, а мяне заўжды бянтэжыць эклектыка. Гіпсавая ляпніна на столі ў гарадзкіх кватэрах. Мармуровы ціпа антычны порцік на шкляным будынку ФМА БДУ насупраць вакзала. Чалавек у трэніках з лампасамі ў тэатры.

Калі б кліп у Нясьвіскім замку зьняў мой любімы беларускі артыст Аляксандар Саладуха — тут бы не было пытанняў. Паглядзелі б трэшнячок — і супакоіліся. Але ж Алена Міхайлаўна хіба на поўным сур’ёзе прымерыла на сябе княскія інтэр’еры.

lanskaja1 -- fota kp.by

 фота: kp.by

Я разумею, што дзяржаўным музэям трэба зарабляць грошы любымі спосабамі. Ці малпаў турыстам паказваць, ці клоўнаў наймаць, ці з Валачковай княгіню ляпіць… Грошы ня маюць межаў прыстойнасьці і густу.

Тым больш, на маю суб’ектыўную думку, Алена Міхайлаўна Ляпохіна цудоўна адпавядае ў цэлым узроўню аднаўлення і арганізацыі музейнай экспазіцыі ў замку. У нас у вёсцы пра такое кажуць: нарадна. Напрыклад: “Купіла спарціўны касьцюм. Такі нарадны!”.

Так, музэі павінны зарабляць грошы. Але Нясьвіскі замак — сімвал. Сімвал таго, што Беларусь — гэта ня толькі мужык з каўтуном у валасах на ганку гнілой хаты. А сімвал таго, што 100 гадоў таму па гэтай зямлі ездзілі “мэрсэдэсы”, у Нясьвіжы зьбіраўся ўвесь цьвет Эўропы. І гэта — таксама гісторыя нашай Беларусі.

Але вядома, як у нас прынята ставіцца да нацыянальных сімвалаў. Вядома зь іншага сімвала — зубра. Заплаціў сабе тры (ці дзесяць, ці колькі там?) тысяч эўра — і мачы сабе на здароўе гэты сімвал, яшчэ і рогі са шкурай забірай за даплату.

Днямі знаёмы эколаг тлумачыў мне пазыцыю іншага боку. Што ёсьць хворыя і “некандэнцыйныя” зубры, якіх і так давялося б страляць, дык чаму ж не зарабіць на гэтым? Аднак, зазначыў ён, у Расеі і Польшчы зуброў страляць катэгарычна забаронена — і яны проста фігеюць з нашага “бізнэсу”. Нечаканай была і іншая думка прыяцеля: зуброў у нас разьвялося столькі, што проста ня ведаюць, што зь імі рабіць. У Польшчы, прывозіў ён прыклад, праводзяць генетычныя досьледы, вывучаюць заканамернасьці. А ў нас во што — прадаюць заможным паляўнічым.

Як і ў выпадку зь Нясьвіжам, што тут запярэчыш — грошы ж трэба зарабляць!

Але сімвал, сімвал!..

Прыгадваецца гісторыя, як колькі год таму Мадонна хацела здымаць кліп у Празе, для чаго арандавала на тры дні Карлаў мост — каб цалкам перакрыць яго і паглыбіцца ў здымкі. Усё ўжо было дамоўлена, немалыя грошы пералічаныя, як тут пражане ўзняліся. Як так?! Нейкая Мадонна за грошы арандуе наш сімвал, наш нацыянальны гонар — дзеля здымак нейкага там кліпа?! І ўлады далі задні ход, скасавалі дамову са сьпявачкай. Таму што сімвал — і тут не папрэш.

Што да кліпаў у замку, дужа падобны выпадак адбыўся некалькі год таму ў Польшчы. У Небарове — дарэчы, паводле цікавага супадзеньня, гэта таксама палац Радзівілаў. Там мусілі здымаць нейкі кліп ці ролік, усё было дамоўлена і аплочана, прыехала здымачная група з Францыі. Здымалі сабе — і музейшчыкі іх асабліва не пільнавалі. Празь нейкі час у Міністэрства нехта ананімна прыслаў касету з фільмам — парнаграфія з удзелам геяў! У інтэр’ерах было вельмі лёгка пазнаць… палац у Небарове! Дырэктар музэя быў звольнены.

Кліп Алены Міхайлаўны пакуль яшчэ ня зроблены і ня выкладзены ў інтэрнэт. Але паралелі прымушаюць чакаць яго і гадаць, ці ў спальні Радзівілаў бяз геяў не абыйшлося таксама?

Тэгі:

Nov 06

вельмі аптымістычны адказ, які прыйшоў на зварот Зьмітра Курзы.
для публікацыі тут даслаў сам Зьміцер, дзякуй яму!

abltrans

Тэгі:

Nov 06

Паважаны Глеб Паўлавіч, пішу да вас з Барысава.

Наша места і так змаскалізаванае дашчэнту, а тут яшчэ зусім нядаўна прама на цэнтральнай плошчы, на вачох ва ўсяго горада адбылося нахабнае зьнішчэнне бадай апошняй беларускамоўнай шыльды галоўнага ўнівермага "Дом Гандлю" з заменай яе на расійскамоўны надпіс "Дом торговли". Палядзець фоты і пачытаць больш падрабязна можна ў артыкуле з barusau.by (змешчаны ніжэй).
Быць можа, вы маеце нейкую магчымасьць пашырыць інфармацыю пра гэтае скоцтва, то ўсе нармальныя барысаўчане былі бы вам вельмі ўдзячныя.
Загадзя дзякую.

Глеб Цыбулька, жыхар Барысава і сталы наведвальнік вашага блога.

Чытаць далей »

Тэгі:

Nov 05

tur1
разбураная землятрусам 3 траўня 1230 году.
выяўленая ў 1961 годзе.

зь вядомых -- гэта адзіная мураваная пабудова XII стагоддзя на поўдні нашай краіны. іншыя захаваліся значна вышэй па мапе: Полацак, Віцебск, Гародня... з наступнага, XIII стагоддзя на поўдні ёсць яшчэ Каменецкая вежа.

гадоў 7 таму падмуркі царквы ў Тураве накрылі ладным дахам, тут зроблены музей. кошт квітка 5 тысяч.

будзеце ў Тураве -- зайдзіце абавязкова!
Чытаць далей »

Тэгі:

Nov 05

rysik

Ня можа ўсьмешку ўтоіць заход.

Іржавее імжа сырая.

Як цяпельца халоднае,

Дагарае

На стале маім

Рыжы кот

Рысік…

Тэгі:

Nov 05

bar4
Ад Евы й Адама і сябра, і вораг.
І ў Дарвіна довад ня цалкам пусты.
Ад малпы пайшлі тыя ўсе,
У каторых
Дасюль не адпалі дубінак хвасты.

Тэгі: ,

Nov 05

сумесны праект Budzma.org і Labadzenka.by

Кніга Глеба Лабадзенкі “дзіцячая заМова” выйшла ў канцы студзеня 2013 года – і здабыла вялікую папулярнасць (і атрымала “спецнамінацыю” ў сёлетняй прэміі “Дэбют” імя М.Багдановіча, а таксама 2 месца на фестывалі ADNAK у намінацыі ДЫЗАЙН & ART DIRECTION, паднамінацыя Шматстаронкавыя выданні). Ужо разыйшлося больш за 1600 кніг. Кніга ўвабрала ў сябе 112 вясёлых малюнкаў пра складанасці і цікавосткі беларускай мовы. На старонках кнігі забаўныя персанажы – хлопчык і дзяўчынка – у няспынным дыялогу высвятляюць усе гэтыя акалічнасці. Простасць малюнкаў паказвае: так можа намаляваць кожны з вас!
Як прызнаецца Глеб, на гэтых 112 малюнках ідэі не скончыліся – проста варта было паставіць кропку і выдаць кнігу. Цяпер працяг “дзіцячай заМовы” будзе выходзіць на сайце budzma.org: штотыдзень па новым малюнку. У каментарах, калі ласка, пакідайце свае “заМовы”: якія моўныя цікавосткі варта намаляваць яшчэ?

Будзьма з моваю!

031areli

нагадваю, што калі некаму патрэбная кніга поштаю (можна і самому забраць на офісе), замаўляйце на Prastora.by!

у Менску кнігу можна таксама набыць па наступных адрасах:

  • “Кніжны салон” (Калініна, 5, працуе штодня да 19.00, нядзеля выходны) . гарадзкі нумар 385-60-89
  • "Акадэмкніга" (працуе да 20.00, субота да 18.00, нядзеля выходны). тэлефон 292-00-52
  • На Сядзібе БНФ (Чарнышэўскага, 3).
  • На Сядзібе ТБМ (Румянцава, 13).
  • кнігарня ЛогвінаЎ (Незалежнасьці, 37а).
  • на сайце imbryk.by
  • У мастацкай "Галерэі" (КЗ Менск, Кастрычніцкая, 5)

таксама прапаную паглядзець магніты "дзіцячая заМова"

і набор паштовак "Самыя старыя будынкі Беларусі"

паглядзець старонкі з кніжкі можна ТУТ

пачытаць пра кніжку ТУТ, ТУТ і ТУТ

Тэгі:

Nov 05

hurkou10
Віталь Гуркоў -- шматразовы чэмпіён сьвету па тайскім боксе, беларускамоўны чалавек, ўзор сапраўднага беларуса!
гэтыя здымкі Віталь зрабіў цягам сёньняшняга дня ў Менску і даслаў для публікацыі на блогу.
такое адчуваньне, што шыльды бачаць яго -- саамі робяцца беларускамоўнымі! )

дасылайце і вы прыклады беларускай мовы на таварах ці шыльдах на labadzenka@gmail.com !
цяперашнюю падборку па гэтай тэме можна паглядзець ТУТ
Чытаць далей »

Тэгі:

Nov 05

усе на tuzin.fm! беларускамоўная музыка фарэва!

tuzin

Тэгі: ,

Nov 04

адрас кнігарні: Менск, пр-т Незалежнасьці, 37а (мэтро Плошча Перамогі)

dz01 dz02 dz03 dz04 dz05

Тэгі: