it cz lt rb
ua fr pl en
se by
Nov 22

Неверагодная гісторыя кахання вядомага палітыка і прыгажуні Вольгі Шылак – у эксклюзіве Еўрарадыё.

Перадрук з Еўрарадыё

Тут было ўсё: спачатку яна адмовіла яму, потым Павел заявіў, што яны могуць быць сябрамі… Спатканні без кветак, прызнанне ў каханні пад вадой, першы пацалунак у спецкамендатуры… Самі закаханыя жартам завуць гэтую гісторыю "санта-барбарай"!..

“Вох!.. сапраўдная беларусачка!..”

… А пазнаёміў пару журналіст Кастусь Шыталь 5 гадоў таму. Вядомы апазіцыянер і былы палітвязень Павел Севярынец характарызуе яго як чалавека, які “здаў тэст па гісторыі Беларусі на 100 балаў са 100”. Павел у той час наймаў кватэру ў Мінску супольна з Шыталем. І Кастусь запрасіў дзвюх знаёмых першакурскніц дахаты на прагляд фільма Юрыя Хашчавацкага “Плошча”.

Павел Севярынец: “Калі я выйшаў са свайго пакоя і ўбачыў дзвюх дзяўчат, то паглядзеў на Волечку – і першае маё было такое: “Вох!.. сапраўдная беларусачка!..”
Чытаць далей »

Тэгі: ,

Nov 22

выступ на фэсьце Крэўскія камяні - 2005
відэа адсюль

Лілі Марлен

(Lili Marleen)

 

Перад казармай,

дзе ўначы ліхтар

ліў святло на твар мой

і табе на твар, —

зноў бы стаяць, без перамен,

пад ліхтаром, ля гэтых сцен,

з табой, Лілі Марлен.

 

Нашыя два цені

зліліся ў адзін.

Мроі-летуценні

й не стае гадзін.

Глядзі, хто прагне палкіх сцэн,

як мы ўдваіх ля гэтых сцен

стаім з Лілі Марлен.

 

Я пасля адбою

мчуся да цябе.

Хай мне свеціць трое

сутак на “губе”,

буду ўсю ноч, як верны цень,

ізноў стаяць ля гэтых сцен

з табой, Лілі Марлен.

 

Бачыў тваю постаць,

слухаў кожны крок,

ды каханне помсціць,

нават незнарок…

І хто цяпер, мяне ўзамен,

пад ліхтаром, ля гэтых сцен,

з маёй Лілі Марлен?

 

З цемрадзі і згубы,

з роспачы на дне

клічуць твае губы,

нібы ў сне, мяне.

Хай зноў мілосць кранецца вен,

і буду зноў ля гэтых сцен

з табой, Лілі Марлен.

 

узята адсюль

Тэгі: ,

Nov 22

torcik

Тэгі:

Nov 22

vkl

Тэгі:

Nov 21

"Я против эмблемы на белорусском языке. Это связано с историей, политикой.Наш главный геополитический и стратегический партнёр -это Россия. Она наша матушка-кормалица. Поэтому я за русский язык. Мне жалко Украину и Литву, что им навязывают их национальный язык. Слава богу, у нас не так. Наш руководитель мудро соблюдает этот баланс. И я не горжусь тем, что Беларусь независимая. Нас отделили от Великой страны. Что в этом хорошего? А все наши так называемые националисты пропагандируют белорусский язык, потому что им его навязали. Что касается эмблемы, если это зависит от меня, я буду настаивать, чтобы она была только на русском языке. Потому что она будет появляться на всех официальных документах. И мне переводчик с белорусского языка не нужен. Зачем самим себе создавать лишние барьеры! Если бы возник вопрос, между каким языком выбирать: белорусским или английским, я бы выбрал белорусский. Но если выбирать между русским, то я однозначно за него."

цытата адсюль

Тэгі:

Nov 21

Глеб Лабадзенка, для naviny.by

labadzenka-250nЗноўку натрапіў у інтэрнэце на абмеркаваньне “брэнду Менска”. Думаю, як і вам, гэта ўжо набіла добрую аскоміну. Думаю, як і вам, сінія мазаічныя лініі і “сынк мінск” выклікае нэрвовую ўсьмешку.

Аднак, назіраючы нястомныя пошукі Мінсельсавета ўвасобіць мой родны горад у брэндзе, не магу заставацца ў баку. Маю дзьве прапановы.

Першая. Прапаную брэндам Менска зрабіць аўтазак. Гэта будзе справядліва. Аўтазак у нас і на мітынгах, і на сьвятах, і нават на масавых коўзаньнях на каньках. Яго добра ведаюць жыхары і госьці сталіцы. Яго можна штодня з нагоды і без нагоды пабачыць на менскіх вуліцах.

Выгодаў – не зьлічыць! Ня трэба будзе раскашэльвацца на бігборды – ён сам памерам з бігборд, яшчэ і перасоўны. Ня трэба рэклямаваць – аўтазаку рэкляма без патрэбы! Ня трэба плаціць дызайнэрам, яшчэ і з самога Ландыну!

Аўтазак можна намаляваць на паштоўцы – і напісаць побач, як у нас любяць, у старынным сьцілі: “ПріветЪ ізЪ Мінска!”. Можна вырабіць як магніцік на лядоўню (кажуць, ужо нехта нават вырабіў). Можна зрабіць яго пазлам для турыстаў: зьбяры пазл – і пераначуй задарма на Акрэсьціна.

Можна нават здаць на мэталалом той трыццацігадовы чырвоны даблдэкер, які практычна пусты намотвае кругі па горадзе-героі. І вазіць рэдкіх дарагіх турыстаў у аўтазаку. Разам з ідэяй перарабіць Валадарку на гатэль – шык!
Думаю, будучыя хакейныя фанаты, якія панаедуць на Чэмпіянат-2014, ад такіх экскурсіяў у перапынках між матчамі будуць сікацца кіпнем!

Калі вы скажаце, што аўтазак – гэта жэстачайшэ, тады я маю другую прапанову.

Прапаную брэндам Менска зрабіць гасьцініцу “Кемпінскі”, што дабудоўваецца каля цырка.

Гэта – чуда, а не зданіе. У дзярэўні, гдзе вырасьлі нашыя чыноўнікі, такіх відавочна не было. Таму адмовіцца ад падобнай ідэі, верагодна, не было і думак. Пляваць, што для гэтага давялося ўшчэнт спаскудзіць праспект, панараму, дзіцячы парк і цэнтр горада ў цэлым.

Чуда яшчэ і таму, што яно ў праекце мела 4 паверхі, а на справе атрымалася 9. Во тэхналогіі пайшлі!

“Кемпінскі” – сімвал перамогі сьветлай будучыні над гнілым мінулым. Дзеля яго будовы зьнішчылі першую і адзіную захаваную ў Менску электрастанцыю – помнік архітэктуры ХІХ стагоддзя. Хачу пайменна нагадаць 4 чалавек, якія паставілі свае подпісы ў дакуменце пра яезьнішчэньне (маю копію): “мэр” Менска Мікалай Ладуцька (працуе), тагачасны галоўны архітэктар Віктар Нікіцін (звольнены), начальнік упраўленьня па “ахове” спадчыны Мінкульта Ігар Чарняўскі (працуе), тагачасны намесьнік міністра культуры Віктар Кураш (звольнены). Інвестары прымусілі, на вас націснулі? Герастратамі перад нашчадкамі застанецеся вы, хлопцы, а не інвестары.

…Гэтым летам я ўпершыню пабыў у Стамбуле. Уразіла адна дэталь. Непадалёк ад цэнтра горада цяпер ідзе маштабны разбор будынкаў уздоўж вуліцы. Гід патлумачыў: у 1980-х гадах было бязладдзе, чыноўнікі за хабар дазвалялі будаваць абы-што і абы-дзе. Цяпер усе тыя рашэньні адным махам прызнаныя незаконнымі, будынкі разьбіраюцца, гаспадароў высяляюць у стамбульскія шабаны. Гэта так, прывет з будучыні гаспадарам “Кемпінскага”.

Што да брэнду Менска, сябры, які варыянт падтрымліваеце?.. Аўтазак ці “Кемпінскі”? Нам трэба сьпяшацца, бо Чэмпіянат хутка, і бяз брэнду ніяк – што людзі падумаюць?!

Читать полностью:http://naviny.by/rubrics/opinion/2013/11/21/ic_articles_410_183717/

Тэгі:

Nov 21

kupala1919


СПАМПАВАЦЬ


СПАМПАВАЦЬ

пазычана з сайту "Архівы Беларусі"

а вось тут можна паслухаць ГОЛАС ЯКУБА КОЛАСА

Тэгі: ,

Nov 20

даслана "Будзьма беларусамі"

konk-bud

Пакуль працягваецца рэалізацыя праектаў-пераможцаў першага этапу конкурсу праектных ідэй для развіцця беларускай культуры, грамадская культурніцкая кампанія “Будзьма беларусамі!” абвяшчае старт прыёму заявак на другі этап.

Да ўдзелу ў конкурсе запрашаюцца ўсе, хто мае ідэю наконт таго, як палепшыць культурны фон свайго горада/рэгіёна.

Нагадваем, што паняцце “культура” разумеецца шырока: ад папулярызацыі традыцый і мастацкіх вынаходніцтваў да паляпшэння ладу і прасторы грамадскага жыцця ў шматлікіх штодзённых, побытавых абліччах.

Шукаюцца ідэі, якія:
Чытаць далей »

Тэгі:

Nov 20

handmade

HandMade -- Бег па канатах
Музыка Яўген Валошын
Аранжыроўка Андрэй Маркуц
Словы Глеб Лабадзенка, Яўген Валошын

СПАМПАВАЦЬ

20.11_hurkou_0

 

матэрыял Эўрарадыё пра песьню:

Гурт HandmadE разам з байцом Гурковым запісалі песню для "Еўрабачання"

Над беларускамоўным трэкам “Бег па канатах” працавалі амерыканскія гукарэжысёры, а майстарынг зрабіў лаўрэат “Грэмі”

Мінскі гурт HandmadE, які выдаў свой першы альбом у 2012-м годзе, распачаў працу над новай кружэлкай. Першы запісаны трэк называецца “Бег па канатах”. Яго спачатку планавалі запісаць і звесці ў Мінcку. Але ў выніку матэрыял перадалі ў GFI Studios (Антарыё, Нью-Ёрк).

Справа у тым, што за акіянам працуе беларус Вадзім Шыфрын, які арганізаваў працу з амерыканскага боку і ўсклаў на сябе абавязкі саўнд-прадзюсара.

Майстарынг “Бегу па канатах” выканаў Брэд Блэквуд ― двойчы лаўрэат “Грэмі”. Да яго звярталіся такія кліенты, як Maroon 5, Black Eyed PeasKoRn і многія іншыя.

Адзін з рэчытатыўных куплетаў у “Бегу па канатах” зачытаў знакаміты беларускі тайбаксёр Віталь Гуркоў.

“Такім чынам мы навялі мост паміж Беларуссю і ЗША, ― распавядае Андрэй Казлоўскі, мэнэджар гурта HandmadE. ― Мне здаецца, што песня атрымалася даволі арыгінальнай. У “Бегу па канатах” адлюстраваная беларуская культура і якаснае заходняе афармленне. Калі закруцілася з ЗША, мы думалі зрабіць песню англамоўнай. Але потым вырашылі не губляць ідэнтычнасці. Тым больш, што тэкст напісаў не абы хто, а паэт Глеб Лабадзенка. З “Бегам па канатах” мы плануем заявіцца на адбор для “Еўрабачання”. Калі журы і аўдыторыя нас зразумеюць, то ўжо гатовы канкрэтны план наконт таго, як дасягнуць поспеху”.

Музыку да “Бегу па канатах” напісаў саліст HandmadE Яўген Валошын, а аранжыроўку зрабіў гітарыст Андрэй Маркуц.

Тэгі: ,

Nov 19

сумесны праект Budzma.org і Labadzenka.by

Кніга Глеба Лабадзенкі “дзіцячая заМова” выйшла ў канцы студзеня 2013 года – і здабыла вялікую папулярнасць (і атрымала “спецнамінацыю” ў сёлетняй прэміі “Дэбют” імя М.Багдановіча, а таксама 2 месца на фестывалі ADNAK у намінацыі ДЫЗАЙН & ART DIRECTION, паднамінацыя Шматстаронкавыя выданні). Ужо разыйшлося больш за 1600 кніг. Кніга ўвабрала ў сябе 112 вясёлых малюнкаў пра складанасці і цікавосткі беларускай мовы. На старонках кнігі забаўныя персанажы – хлопчык і дзяўчынка – у няспынным дыялогу высвятляюць усе гэтыя акалічнасці. Простасць малюнкаў паказвае: так можа намаляваць кожны з вас!
Як прызнаецца Глеб, на гэтых 112 малюнках ідэі не скончыліся – проста варта было паставіць кропку і выдаць кнігу. Цяпер працяг “дзіцячай заМовы” будзе выходзіць на сайце budzma.org: штотыдзень па новым малюнку. У каментарах, калі ласка, пакідайце свае “заМовы”: якія моўныя цікавосткі варта намаляваць яшчэ?

Будзьма з моваю!

033-basetlia

нагадваю, што калі некаму патрэбная кніга поштаю (можна і самому забраць на офісе), замаўляйце на Prastora.by!

у Менску кнігу можна таксама набыць па наступных адрасах:

  • “Кніжны салон” (Калініна, 5, працуе штодня да 19.00, нядзеля выходны) . гарадзкі нумар 385-60-89
  • "Акадэмкніга" (працуе да 20.00, субота да 18.00, нядзеля выходны). тэлефон 292-00-52
  • На Сядзібе БНФ (Чарнышэўскага, 3).
  • На Сядзібе ТБМ (Румянцава, 13).
  • кнігарня ЛогвінаЎ (Незалежнасьці, 37а).
  • на сайце imbryk.by
  • У мастацкай "Галерэі" (КЗ Менск, Кастрычніцкая, 5)

таксама прапаную паглядзець магніты "дзіцячая заМова"

і набор паштовак "Самыя старыя будынкі Беларусі"

паглядзець старонкі з кніжкі можна ТУТ

пачытаць пра кніжку ТУТ, ТУТ і ТУТ

Тэгі: