it cz lt rb
ua fr pl en
se by
Oct 30

да дабрачыннай акцыі далучыліся 15 беларускіх гарадоў: Гародня, Берасьце, Віцебск, Магілёў, Маладэчна, Рэчыца, Полацак, Наваполацак, Слонім, Масты, Баранавічы, Салігорск, Сьветлагорск, Жлобін, Менск... сярод вядомых людзей, што ўжо замовілі кнігі, -- Андрэй Хадановіч, Андрэй Кім, Віталь Сіліцкі, Аляксандар Фядута, Ягор Шумскі, Тацяна Хома, Сьвятлана Длатоўская, Алесь Лагвінец, Алесь Зарэмбюк, Моладзь БНФ, творчыя каманды "Белсату", "Польскага радыё для замежжа", "Нашай Нівы", "Хартыі-97", праэкту "Будзьма", generation.by, "Эўрапейскага радыё для Беларусі", "Радыё Свабода" і яшчэ больш за 150 чалавек...
адгукнуліся беларусы з Польшчы, Літвы, Расеі, Швэцыі, Нямеччыны, Амэрыкі...
далучайцеся і вы!..

Тэгі:

Oct 29

нізкі паклон ад мяне і ад Рыгора Барадуліна усім, хто адгукнуўся!

ня маючы фізычнай магчымасьці адказаць падрабязна кожнаму, адказваю ўсім за раз.
сістэма дапамогі такая:
1. вы дасылаеце мне на мэйл замову (узор гл. у папярэднім запісы)
2. я іду ў шпіталь да Рыгора Барадуліна й падпісваю кнігі
3. сустракаемся, перадаю вам кнігі
4. адношу дзядзьку Рыгору грошы

кнігі панясу на подпіс у чацьвер ці пятніцу (каб не прымушаць яго падпісваць столькі кніг за раз). а калі паэт усё падпіша, дык прызначу агульную сустрэчу для ўсіх (напрыклад, у суботу ці нядзелю ля помніка Якубу Коласу а 19-й гадзіне), каб раздаць кнігі.

на гэты момант дапамога патрэбная зь перадаваньнем кніг у іншыя гарады. бо дасылаць накладзеным плацяжом сапраўды накладна -- пошта шмат забярэ сабе, а трэба, каб грошы ішлі Барадуліну, а не Белпошце.
патрэбна перадаць кнігі ў наступныя гарады: Полацак, Рэчыца, Жлобін, Маладэчна, Магілёў, Сьветлагорск, Салігорск, Берасьце, Гародню, Вільню...

сёньня я быў дома ў дзядзькі Рыгора, і ягоная жонка Валянціна Міхайлаўна перадала мне кнігі. Апроч "Дажыць да зялёнай травы", ёсьць колькі асобнікаў "Выбранага" з серыі "Беларускі кнігазбор".

цьвёрдая вокладка, 600 старонак.
пачатковы кошт 50 тысяч. калі хто ахвяруе больш -- вітаецца.
"а ў краме такая кніжка каштуе 20 тысяч!" -- скажаце вы
"у краме вы купляеце кніжкі, а тут -- падтрымлівацец Баруліна" -- адкажу я.

замаўляйце на той жа мэйл.

Тэгі:

Oct 27


Шаноўнае спадарства!
Кажу адразу: гэты пост -- не па просьбе Рыгора Барадуліна, а па рашэньні ягоных аднадумцаў і прыхільнікаў.
Зараз Дзядзька Рыгор у лякарні. Ягоны фінансавы стан цяжкі. Як чалавеку гранічна шчыраму, які жыве на пенсію і не атрымлівае гранты, чакаць дапамогі яму няма адкуль. Ды і пенсія ў Народнага паэта -- самая звычайная.
За кніжкі, якія часта выходзяць у Рыгора Барадуліна, замест ганарараў ён атрымлівае шматлікія аўтарскія асобнікі. Вось і было прынятае сумеснае рашэньне выставіць гэтыя кнігі на продаж.
УСЕ КНІГІ РЫГОР БАРАДУЛІН ПАДПІША ПЕРСАНАЛЬНА!
Пакуль тут -- адзін пункт. Будуць іншыя.

"Дажыць да зялёнай травы... Ліставанне і аўтографы Васіля Быкава і Рыгора Барадуліна (1960-2003)"
Укладаньне Сяргея Шапрана.
Мяккая вокладка, 259 старонак, багата рэдкіх фотаздымкаў, аўтографы вершаў і лістоў.

Пачатковы кошт -- 12 тысяч рублёў.
Калі хто мае магчымасьць, можаце ахвяраваць 20 тысяч рублёў і больш.
Замовы прымаюцца на электронную скрыню: labadzenka@gmail.com
У лісьце пазначыць: Ваш кантактны тэлефон, колькасьць асобнікаў, каму падпісваць, памер ахвяраваньня.
Патэлефаную пры першай магчымасьці.
УСЕ ГРОШЫ АД ПРОДАЖЫ КНІГ БУДУЦЬ ПЕРАДАДЗЕНЫЯ РЫГОРУ БАРАДУЛІНУ.

p.s. распаўсюд гэтай інфармацыі вітаецца
pps дзякуй за апэратыўную інфармацыйную падтрымку сайту www.generation.by!

Тэгі:

Oct 26

Калі я вучыўся ў Ліцэі, кожны год мы былі як Дзед Мароз (Сьвяты Мікола). Я хадзіў на паштамт і браў лісты ад дзетак з усяе Беларусі, якія яны пісалі Дзеду Марозу. Правакавала іх на гэта "Белпошта", але зь вельмі карысьлівай мэтай. Рэч у тым, што "Белпошта" прыдумала паслугу -- бацькі плоцяць грошы, і дзіцёнку прыходзіць ліст "ад Дзеда Мароза": паштоўка, асадка, нейкая там кніжачка. Але ж пісаць дзеці сталі тысячамі, і, зразумелая справа, што тыя, чые бацькі не замовілі гэтую паслугу, заставаліся ні з чым. Іхныя лісты так і валяліся недзе на паштамце.
За адзін Новы год нам удавалася адказаць недзе на тысячу лістоў, некаторым па-магчымасьці высылалі падарункі. Самым феерычным момантам было, калі я асабіста завёз піяніна ў вёску Крупкі пад Менскам. Дзяўчынка пісала, што яны пераехалі з Чарнобыльскай зоны, і яе не бяруць тут у музычную школу працягваць навучаньне, бо яна ня мае інструмэнту. Я напісаў артыкул у газэце "Вечерний Минск", знайшоўся чалавек, які аддаў піяніна, а таксама чалавек, які дарма дапамог яго завезьці (як зараз памятаю, ягот звалі Іван Сапега). Вы не ўяўляеце, колькі было радасьці ў дачкі (і зьдзіўленьня ў мамы:), калі пасьля "ліста да Дзеда Мароза" ў вёску прыехала піяніна!..
Я веру, што тая дзяўчынка стане вялікай піяністкай.
Хутка Новы год. Пераймайце эстафету.
Гэта мілая справа. Вось пацьвержаньне )))

ps вам "дзедушка мароз", дарэчы, нікога не нагадвае?.. 🙂

Тэгі:

Oct 26

зьвяртацца на мэйл ці пакідаць прапановы ў камэнтарах.
ps як варыянт магу разгледзець іншую камэру, дзе абавязкова ёсьць два парамэтры: аптычны зум ня меншы за 10х і наяўнасьць стабілізатара

Oct 26

ну што, народ, абскакалі нас чэхі? вось і думай цяпер -- хто з нас бульбашы 🙂
"Традыцыйныя чэскія чыпсы са смакам дранікаў"

Тэгі:

Oct 23

я меў адную ноч у аэрапорце "арлянда", што за 40 км ад стакгольма. у восем вечара мой самалёт прыляцеў з кальмара, а ў восем раніцы я мусіў адправіцца ў рыгу. большасьць калегаў адправіліся спаць у нумары, а я, вольга кляшчук і сяргей балай рванулі ў стакгольм. ад паловы на першую ночы да 4 раніцы я пасьпеў зрабіць 250 здымкаў. добра, што захапіў з сабой штатыў...

такое відовішча адкрываецца на ўзьбярэжжы ля мастацкага музэю

а такое -- ў адной са стакгольмскіх вулачак )))

зум-зум

адзін са шматлікіх мастоў

парлямант

калі я здымаў гэтую вулачку, падыйшлі двое ўшчэнт абкумараных хлапцоў. пытаюцца: што ты тут робіш? вось, кажу, маю транзыт у стакгольме і толькі адную ноч, каб пабачыць стары горад. хлапец ляпае мяне па плячы й кажа: хадзем пакурым з намі, інакш табе ня ўдасца пабачыць стары горад!..

каралеўскі палац. пытаемся ў вартаўніка са штыком, ці можна тут фоткаць. адказвае, што на здароўе. нахабнічаем і пытаемся, ці можна сфоткацца зь ім. адказвае, што так. і толькі падыходзім да яго, як той пачынае вішчэць: "не заходзьце за гэтую чорную лінію! гэта -- для маёй бясьпекі!" аказваецца. на зямлі намаляванае вялізнае чорнае кола, дзе можа быць толькі ён. во як.

працяг каралеўскага палацу

такі ракурс мне спадабаўся асабліва

музэй

опэра, дзе ўручаюць нобэлеўскую прэмію

і зноўку -- карабель. калі хто хоча, магу даслаць першы карабель (гарызантальны) на шпалеры для рабочага стала ў поўным памеры. пакідайце мэйлы ў камэнтах

Тэгі: ,

Oct 21

Тэгі: ,

Oct 20

першы здымак -- Сяргей Васільеў (с)
астатнія -- Арцём Лява (с)

Тэгі:

Oct 19

народ, беларускі народ!
калі ласка, галасуце штодня за песьню "Ніколі" ў гіт-парадзе "Тузін гітоў"
галасаваць трэба ТУТ

Тэгі: