it cz lt rb
ua fr pl en
se by
траўня 04

Як вядома, выйшаў новы "Белазар" -- кампутарны беларуска-расейскі і наадварот перакладчык. У сувязі з гэтым знаны дызайнэр Аляксей Кульбіцкі (аўтар вокладкі дыску "Галасы") зьмясьціў у сваім блогу такі вось пост:

1
[info]kubl
Зусім выпадкова учорашні артыкул пра логіку сёння вылез другім бокам, дакладней - другім полам.

На днях выйшла новая версія праграмы-перакладчыка з рускай мовы на беларускую і наадварот - "Белазар". У старой версіі, праграма перакладала "Марк Шагал" на беларускую як "Марк Ступаў", што вельмі весяліла мяне. Сёння, пераклаўшы у новай версіі імя і прозвішча мастака я ўбачыў - "Марк Крочыў". І праўда! Праграма стала значна лепшай! )))

Тэгі:

траўня 04

galasy_vokladka1

Дзесятая па ліку прэзентацыя аўдыёвыдання “Галасы Уладзіміра Караткевіча, Ларысы Геніюш, Рыгора Барадуліна. 1968” адбудзецца 5 траўня а 18.30 у Гродна (вуліца Будзёнага, 48а-44 (памяшканне ТБШ)) пры падтрымцы культурніцкай кампаніі budzma150.

У імпрэзе прымуць удзел адзін з аўтараў праекту, паэт і журналіст Глеб Лабадзенка, і паэт Анатоль Вярцінскі. Музычнае аздабленне вечарыны – Алесь Зайцаў (гурт “Босае сонца”).

“Галасы Уладзіміра Караткевіча, Ларысы Геніюш, Рыгора Барадуліна. 1968” сталі вынікам супольнага праекта Сяргея Панізніка і Глеба Лабадзенкі (labadzenka.by). Выданне дыску было здзейснена дзякуючы падтрымцы культурніцкай кампаніі «Будзьма!» На плытцы - 23 унікальныя трэкі з жывымі галасамі трох класікаў беларускай літаратуры. 40 год таму на бабінны магнітафон “Рамантык” іх запісаў Сяргей Панізнік. Вершы дзядзькі Рыгора на дыску ідуць парамі: запіс 1968 года і сучасны варыянт, зроблены Глебам Лабадзенкам у студыі.

Прэзентацыя ў Гродна адбудзецца пры падтрымцы кампаніі “Будзьма беларусамі!”.

Хрысціна Марчук

Тэгі:

траўня 04

у гэтым пакоі
шкодзіць скруха
рытмічнасьць рухаў
сама
прыдумляе рыфмы
ведаеш,
я ўвязу цябе –
і завіруха
больш не паб’е
нашу вусны
аб рыфы
і здымкі ў рамках
ізноў паўторацца
і ажывуць успаміны
ў гісторыі
і мы,
практыкуючыся ў рыторыцы,
зноўку выйдзем
ў адкрытае мора
і не баючыся
дзядзькі рыхтэра
без маякоў
бязь ветразеў пойдзем
я толькі ў думках
цябе закалыхваю
гляджу на дзьверы
здаецца –
зараз
ты
ўвойдзеш

Тэгі:

траўня 03

голос, как вор, на заслуженный срок уходит.
мной терапевтов замучена рать. жру карамели.
вам повезло. вам не страшно терять.
вы не имели...

Евгений Евтушенко

Тэгі:

траўня 03

bruni

калі ўжо ў Беларусі будзе такая першая ледзі?..

дарэчы, Карла Бруні - выдатная сьпявачка. слухаў яе на лецішчы ўсе выходныя. раю!..

Тэгі:

траўня 03

як вы, вядома, заўважылі, у правай калоначцы ўнізе зьявілася рубрыка "анекдот". так, для бонусу -- каб і ўсьміхнуцца яшчэ.
дык вось. ахвотныя могуць дасылаць свае анекдоты (па-беларуску), а я іх буду з радасьцю друкаваць (безь непрыстойных словаў) і пазначаць "анекдот ад таго і гэтага".
дык чакаю!..

мой мэйл labadzenka(сабачка)gmail.com

Тэгі:

траўня 03

Паколькі мой здымак гомельскай вавёркі выклікаў пэўную цікавасьць, я вырашыў расказаць ягоную гісторыю...

d0b8d0b7d0bed0b1d180d0b0d0b6d0b5d0bdd0b8d0b5-064

Па парку непадалёк палаца Румянцавых і Паскевічаў шпацыруюць гамельчукі. Зьвярніце ўвагу на хлопчыка ў левай частцы здымку. Вы думаеце, ён проста дыхае сьвежым паветрам? Ён убачыў...

Чытаць далей »

Тэгі:

траўня 02

d0b3d0bbd0b5d0b12

Чытаць далей »

Тэгі:

траўня 01

d0b2d0b0d0b2d191d180d0bad0b0

Тэгі:

траўня 01

У Варшаве еду ў аўтобусе. На прыпынку заходзіць цётачка гадоў пад 55, у белым вязаным швэдары. І кажа: "Я анёл. Я ня гад дэманічны. А анёл. Гэта праўда". І ўсё прыстае да мяне.
"Дык ты ж анёл, таму я цябе ня бачу" – спакойна адказваю ёй. І выходжу на сваім прыпынку.
А вы даўно бачылі вочы зьдзіўленага анёла?..

Тэгі: