it cz lt rb
ua fr pl en
se by
Feb 02


Сябры, дзялюся прыемнай весткаю: усе 551 населеныя пункты разабраныя для перакладу! Апошнія 9 толькі што ўзялася пераклаць карыстальніца Fiesta :).

Зьвяртаюся да ўсіх, хто ўзяўся дапамагаць: не адкладайце, калі ласка надоўга -- каб гэтая справа не расьцягнулася на год!
На сёньняшні момант мне даслана 210 перакладзеных населеных пунктаў -- гэта 38% ад агульнае колькасьці.

Нагадваю перакладчыкам, што азнаёміцца з дакладнымі правіламі перакладу можнаТУТ

Чым можна яшчэ дапамагчы? Зайсьці на старонку са сьпісам усіх населеных пунктаў -- і калі вам вядома пра нейкі аб'ект болей, чым там напісана -- дадаць гэта і даслаць мне на мэйл labadzenka@gmail.com

Калегі, дасылайце пераклады (я свае, што ўзяўся, ужо таксама сканчаю) -- і атрымаем нарэшце "Глобус Беларусі" па-беларуску! Адчуўшы сябе пры гэтым удзельнікамі першай такой маштабнай інтэрнэт-перакладніцкай акцыі.

Чым можна дапамагчы яшчэ?

Вандруйце па Беларусі, любіце Беларусь, шануйце нашую спадчыну!

Тэгі:

Feb 02

прачытаў гісторыю пра тое, як "Беларусбанк" адмовіўся напісаць на картцы "БелКарт" прозьвішча і імя па-беларуску, і як чалавек усё-ткі дамогся гэтага . вырашыў падзяліцца ўласным досьведам.

я пайшоў рабіць картку літаральна пасьля Новага году. для сябе -- каб залічаць туды невялікія сумы і пры неабходнасьці плаціць праз банкамат за тэлефон. мне паведамілі, што "ў нагрузку" да Visa даюць яшчэ  БелКарт. даюць і даюць. запоўніў абедзьве анкеты па-беларуску, ажно дзяўчына кажа:
-- Тут же написано, заполнять по-русски.
Я ўсьміхаюся, гляджу ёй у вочы і кажу:
-- А мне да лямпачкі, што тут напісана, гэтым "напісана" ваш банк парушае Канстытуцыю.
Яна схамянулася і пусьліла ў ход крайні аргумэнт:
-- Калі мы напішам па-беларуску, вам на яе ня змогуць налічаць заробак!
Што да чаго, я так і не зразумеў, але радасна паведаміў ёй, што ўсё неабходнае буду налічаць сабе толькі я сам. Яна разьвяла рукамі -- і празь які тыдзень мне выдалі картку, дзе было напісана ўсё як трэба.
Спрабуйце ўлагодзіць па-мірнаму. А калі ўпіраюцца рогам -- пішыце, хай думаюць, што адказваць 😉

Feb 01

у працяг вось гэтага матэрыялу зьмясьціў на Радыё Свабода допіс "Непадцэнзурны Караткевіч" у межах "Дня блогера". матэрыялы невялікай часткай перакрыжоўваюцца, бо ня ўсе ж тут чыталі.

пабачыць допіс можна ТУТ

Тэгі:

Feb 01


Чытаць далей »

Тэгі:

Feb 01

думаеце, узімку жыцьцё ў заапарку замірае? дзе там! нават вярблюды (здавалася б, у пустынях розных жывуць) качаюцца сабе ў беларускім сьнезе -- і чорт іх не бярэ. наведваньне заапарку -- гэта заўжды мех пазітыву. і ў гэты раз так сталася...
Чытаць далей »

Тэгі:

Feb 01


калегі!
з 551 пункта, выстаўленага для перакладу, застаюцца неразабранымі ўсяго 19 (калі я нічога не прапусьціў). на цяперашні момант мне дасланыя пераклады 203 населых пунктаў (г.зн. -- недаслана 329).

дзякуй усім, хто дапамагае!
сябры! заклікаю не зацягваць усіх, хто ўзяўся пераклаць -- бо, як паказвае практыка, адкладаць можна вечна.
дзесьці праз тыдзень пачну далікатна нагадваць мэйламі.


вось неразабраныя пункты:

Погост-Загородск
Погребенка
Поддубно
Подлесье (Ляхов. р-н)
Полесский
Полонное Заболотье
Полыковичи
Поляны (Ошмян. р-н)
Поморщина

Потаповичи
Потейки
Пузыновцы
Пятевщина
Раевка
Райца
Рацевичи
Римки
Рогинь
Рудск

дакладныя правілы перакладу можна пабачыць ТУТ

Тэгі:

Jan 30

Гутарка з 90-гадовым паэтам Міколам Аўрамчыкам, старэйшынам беларускай літаратуры.

Мікола Аўрамчык. 1938 год, Менск, курсы пры Саюзе пісьменьнікаў для творчай моладзі з рэгіёнаў

У літаратуру яго ўвёў Якуб Колас, Кузьма Чорны пісаў вясковаму школьніку Міколу рэцэнзіі на першыя апавяданні, са Змітраком Бядулем ён разам выступаў на вечарыне, лепшым сябрам быў Пімен Панчанка… Выдатнаму беларускаму паэту Міколу Аўрамчыку споўнілася 90 гадоў!

…Так павялося, што журналісты пытаюць у доўгажыхароў (а ў нашых шыротах 90 – гэта ўжо доўга) пра сакрэты захавання формы, што баліць/не баліць і г.д. І я, прызнаюся, хацеў між іншым запытаць тое ў Міколы Якаўлевіча. Але, пабачыўшы на парозе энергічнага, вясёлага, рухавага (так і падмывае сказаць – “маладога”) гаспадара, забыўся пра гэта. Так і не згадаўшы да канца нашай шматгадзіннай размовы. Цяжка верыцца, што чалавек, у якога так блішчаць вочы, такі светлы розум і цвёрдая памяць – старэйшына нашай літаратуры.

надрукавана ў "Звяздзе" ад 30 студзеня
pdf-вэрсыю артыкула можна пабачыць ТУТ
Чытаць далей »

Тэгі:

Jan 29

пачытаць падборку можна ТУТ
і гэты чалавек хоча быць прэзідэнтам Украіны...

Jan 29

"А Выліваха ішоў, і рука ягоная ляжала на дзявочым плячы. Жыццё вярнула яму адзіную. I дзякаваць богу, што не пакінула з ім той, а дало яму лепшую, чыстую і адданую, сапраўднае дзіця гэтай зямлі".

Уладзімер Караткевіч,

"Ладзьдзя Роспачы"

фота Сяргея Панізьніка (с) 1968 г.

Jan 29

А таксама палiлi вадой i прадзьмулi ветрам. Карэспандэнт "Звязды" наведаў сеанс 5D-кiно ў сталiчным "Цэнтр-вiдэа"

— Блiжэйшыя бiлеты на 3-га лютага — засталiся два апошнiя!.. — тлумачыла касiрка "Цэнтра-вiдэа" (што ў гандлёвым цэнтры "Сталiца" пад плошчай Незалежнасцi) парачцы закаханых, якiя наiўна збiралiся патрапiць на 5D-сеанс проста зараз. Многiя мiнчане ўжо даведалiся пра навiнку, i спяшаюцца ўхапiць дэфiцытны квiток. У мяне атрымалася ўзяць на сеанс толькi за тыдзень да яго.

5D-зала адчынiлася ў "Цэнтр-вiдэа" перад самым Новым годам. У ёй — усяго 8 крэслаў, дзве платформы па 4 крэслы. Сеанс цягнецца 4-5 хвiлiн, але ўражанняў хапае.
Чытаць далей »

Тэгі: