it cz lt rb
ua fr pl en
se by
Feb 09

у суботу, 13 лютага на кніжнай выставе, што адбудзецца на Белэскпа (Купалы, 27) а 12-й гадзіне абдудзецца прэзэнтацыя кнігі Рыгора Барадуліна "Перакуленае/Опрокинутое" на дзьвюх мовах (больш за 500 старонак).

укладальнік-- Сяргей Шапран

прадмова -- Уладзімер Някляеў

калі зоркі стануць правільным чынам, на прэзэнтацыі будзе сам Рыгор Барадулін

Тэгі: ,

Feb 09

хто б што ні казаў добрага пра Машэрава, гэтаму чалавеку нельга забыць і прабачыць як мінімум дзьве рэчы -- злачынную меліярацыю Палесься і зьнішчэньне Нямігі.

паглядзіце на гэты здымак -- сымбалічна, што ён зроблены ў год 900-годзьдзя Менску. яшчэ крыху -- і пад кіраўніцтвам слаўнага Пятра Міронавіча Няміга будзе зьнішчаная. і Менск, на радасьць камуністычным ашавуркам, стане ўзорна-савецкім горадам...

а яшчэ на гэтым здымку ён нагадвае Вільню, Ўроцлаў, Прагу. што казаць -- Гародню, якую Бог у многім захінуў ад савецкіх барбараў.

ня слухайце, што Менск зьнішчылі выключна фашысты. паглядзіце на паваеныя фоткі. свае фашысты заўжды страшнейшыя.
Чытаць далей »

Тэгі:

Feb 09

Гэты чалавек -- партатыўнае Ўпраўленьне па ахове гісторыка-культурнай спадчыны, які апякуецца нашай спадчынай значна актыўней і эмацыйней, чым сапраўднае аднайменнае Ўпраўленьне пры Міністэрстве культуры.

Пра што крычыць на кожным куце Антон Астаповіч -- я ведаю.
Што рэальна абараніла ад зьнішчэньня Ўпраўленьне пры Міністэрстве -- ня ведаю.
Што грохнута з маўклівае згоды Ўпраўленьня -- ведаю.
За што не панесьлі адказнасьці вінаватыя -- таксама ведаю.
Хто і каму башляе за "мірнае" вырашэньне пытаньняў -- здагадваюся.

Шкада толькі, што Антон Астаповіч улады ніякай ня мае, а прыслухоўвацца да грамадзкасьці ў нас не прынята. А найбольш шкада, што такія сумленныя людзі, якім сапраўды баліць за нашую спадчыну, ніколі не будуць дапушчаныя туды, гдзе ўсе друзья і дзеньгі дзелают многае.
Чытаць далей »

Тэгі:

Feb 08

Няўжо Мiнiстэрства культуры i цяпер не звернецца ў пракуратуру?

Гэтую тэму "Звязда" адсочвае ад пачатку лiстапада. Пачалося з таго, што прадпрыемства "Мiнская спадчына" ледзьве не зруйнавала помнiк архiтэктуры — дом ХIХ стагоддзя па вулiцы Рэвалюцыйная, 24а ў Мiнску, не маючы на гэта адпаведнага дазволу. Працы прыпынiлi, "Мiнская спадчына" атрымала ўрэшце дазвол, у якiм чорным па белым было прапiсана "весцi разборку ручным спосабам". Па-першае, каб выявiць схаваныя архiтэктурна-планiровачныя асаблiвасцi будынка. Па-другое, каб выкарыстаць старадаўнюю цэглу пры аднаўленнi аб'екта. У пачатку снежня частку будынка знiшчылi экскаватарам. На месцы сабралася камiсiя, уключна з прадстаўнiкамi Мiнiстэрства культуры. Аднак па вынiках разбору Упраўленне па ахове гiсторыка культурнай спадчыны не прыняло нiякiх рэзкiх мераў — нiхто не быў пакараны.

Як вынiк — "Мiнская спадчына" завяршыла сваю чорную справу — у суботу (!) увечары (!!), калi ўжо было цёмна (!!!) будынак цалкам знiшчылi экскаватарам.

надрукавана ў "Звяздзе" ад 9 лютага
Чытаць далей »

Тэгі:

Feb 08

а яшчэ кажуць, што беларусы -- талерантная і памяркоўная нацыя... гэта толькі пакуль беларусу ўсё падабаецца!..

а калі не падабаецца -- беларус уважліва прачытае абвестку, сьвецячы экранам старой нокіі, знойдзе ў торбе асадку, пахукае на яе, каб пісала на марозе -- і дасьць годны, упэўнены адказ!

садраў вось сёньня на пад'езьдзе, каб дзеці ня бачылі...

палучыла, адміністрацыя?..

Тэгі:

Feb 08

як сапраўдныя беларусы, мы з Валошыным праводзім адпачынак актыўна і па-спарціўнаму. вось у нядзелю наведалі спачатку "сілічы" гаўно аказалася, пасьля паехалі ў "лагойск" катацца на звар'яцелых ватрушках лыжах і сноўбордах. атрымалі масу эмоцыяў і задавальненьня!
Чытаць далей »

Feb 08

гэты факт, безумоўна, вядомы дасьледчыкам. а для мяне -- стаў маленькім адкрыцьцём і шчырасьцю.

на здымку -- інтэр'ер закрысьця дамавой капліцы Нясьвіскага замку, 1897 год. бачыце карціну справа -- жанчына з крыжом у руках?

дык вось, аказалася, што гэта...
Чытаць далей »

Тэгі:

Feb 08

тры падказкі:

1. гэта ня я
2. гэты чалавек жыў у канцы ХІХ -- першай палове ХХ ст.
2. я і сам ніколі б не здагадаўся

Тэгі:

Feb 07

Іван Шульга -- мой калега, які працуе апэратарам на тэлеканале "БЕЛСАТ". Ён асуджаны на 10 сутак за тое, што апынуўся сапраўдым грамадзянінам, журналістам і мужыком.

Ён выходзіў з офіса "БЕЛСАТУ" ў Менску, пабачыў, што туды накіроўваюцца мянты і пасьпеў папярэдзіць калегаў праз дамафон, каб не адчынялі бандытам у форме (зрэшты, нават бяз формы), якія ня мелі аніякага права ламіцца ў чужую кватэру, ня мелі ордэру ці пастановы.

Марыянетачны суд даў Ваню 10 сутак за тое, што ён нібыта зламаў аднаму з тых мянтоў-бандытаў нагу. Паглядзіце на Ваню. Улічваючы, што мянтоў было шмат -- ён стаў бы ён біцца зь імі, ламіць нагу? Ці здольны гэты хлопец зламіць некаму нагу?..

Зараз ідзе стыхійная акцыя па падтрымцы Івана Шульгі. Дашліце паштоўку, пару добрых словаў --  Івану будзе прыемна.

Ивану Шульге,
спецприемник-распределитель
1-й перулок Окрестино, 36
г. Минск, 220089
Беларусь


артыкул удзельніцы падзеяў Яніны Мельнікавай можна пачытаць ТУТ

Тэгі:

Feb 05

сябры! сёньня прыкладна ад 22 гадзіны -- і прыкладна да заўтрашняй раніцы Блог ня будзе дасяжны ў сувязі зь пераходам на новы хостынг, бо стары гаўно аказаўся страшэнна глючыць, і сайт пэрыядычна ня грузіцца.

выбачаюся за часовыя нязручнасьці!