it cz lt rb
ua fr pl en
se by
траўня 13

IMG_9817
я ўжо даваў раней здымкі цудоўнага, але закінутага касьцёла ў Княжыцах.
гэта Магілёўскі раён -- вёска стаіць пры самай дарозе, вельмі раю заехаць!
сёньня -- манастырская пабудова XVIII ст. пра яе мала хто ведае, знайсьці нялёгка. стоячы тварам да касьцёла, трэба паехаць па дарозе, якая ідзе справа ад яго. і па правым баку вельмі пільна ўзірацца ў кусты -- там і будзе гэты непрыкметны будыначак зь вельмі цікавым дэкорам. для арыентацыі ў канцы галерэі -- від на касьцёл ад гэтага будынка.

kn (1)

kn (2)

kn (3)

kn (4)

kn (5)

kn (6)

kn (7)

kn (8)

kn (9)

kn (10)

kn (11)

kn (12)

kn (13)

kn (14)

kn (15)

kn (16)

kn (17)

kn (18)

kn (19)

kn (20)

kn (22)

kn (23)

kn (25)

kn

+IMG_9874

Тэгі:

траўня 13

Глеб Лабадзенка, фота, відэа аўтара, TUT.BY

Філосаф, лінгвіст і санскрытолаг Міхаіл Баярын запрашае вас на публічную лекцыю “Узоры Свадзеі. Метафізіка Мовы”. У межах цыкла лекцый “Urbi et Orbi” (“Гораду і Свету”), якія ладзяць Лятучы Універсітэт і Міжнародны кансорцыум “ЕўраБеларусь”, ён выступіць 16 траўня (пятніца) а 18.30 у Галерэі Ў (Незалежнасці, 37а), уваход вольны!

Фото: Глеб Лободенко, TUT.BY

Міхаіл Баярын – спецыяліст у лінгвістыцы старажытнай Індыі, адзін з нешматлікіх людзей у Беларусі, што вольна валодаюць санскрытам. Гэта старадаўняя літаратурная мова Індыі, якой больш за 3500 гадоў. Неверагодна, але яна мае шмат паралеляў з беларускай мовай. Абедзве мовы актыўна стараюцца адраджаць рупліўцы. Абедзве мовы лічацца “моваю інтэлігенцыі”, а тыя рупліўцы хочуць зрабіць іх “мовамі для кожнага”.

Акрамя таго, Міхаіл Баярын - тэарэтык беларускага нацыяналізму, адзін з аўтараў праекту Свамова, што ўзнік у выніку погляду на беларускую мову праз прызму санскрыту і яго традыцыйнай граматыкі. Гэта ідэя чыстай беларускай мовы высокага стылю, што мае свабоднае словаўтварэнне і ачышчана ад запазычанняў. Уласна пра гэта – нашая гутарка напярэдадні.

Чытаць далей »

Тэгі: ,

траўня 13

5 мая, напярэдадні міжнароднай Ночы музеяў, у Мінску адбудзецца публічная прэзентацыя культурніцкіх ідэй “Кірмаш праектаў”. Падзеі на Кірмашы, відавочна, будуць разгортвацца вакол музея і яго шляхоў да людзей: праз дзверы, экраны ці запрашэнні на баль.

Прыём крэатыўных прапановаў, як зрабіць музеі цікавейшымі і бліжэйшымі да шырокай публікі, завершаны, і каманда кампаніі “Будзьма беларусамі!” урачыста абвяшчае, што ўжо ведае 8 цікавых “хадоў”. Дыяпазон задумаў вельмі шырокі: ад рэчаіснасці, што грукаецца ў дзверы, да вандраванняў у часе і, канечне, усёахопнага анлайну.

​Такім чынам, на “Кірмашы праектаў” 15 мая будуць прадстаўленыя наступныя ідэі: Чытаць далей »

Тэгі:

траўня 11

pryl1
зайшоў ва ўніверсам "Славянскі" на Спартовай. дзе было мяса -- ляжаць штучныя кветкі. дзе была кулінарыя -- раскладзены вафлі. дзе былі салацікі -- стаіць адна міска з аджыкай. заходжу ў "Азарэньне" на Маўра. з мяса -- рогі і капыты.
ладна, я. падумаў: а можа, так і трэба?
а як жа госьці чэмпіяната?! госьці як?!
pryl2

pryl3

 

pryl4

Тэгі:

траўня 10

некалі Чарапоўшчына належала панам Маліноўскім

за савецкім часам тут была кантора калгаса (ці нешта падобнае), куды хадзіла на працу сястра Васіля Быкава Валянціна Уладзімераўна.

пажар адбыўся 9 траўня, прычыны невядомыя

здымкі пасля пажару -- Алена Б., форум "Глобуса Беларусі"

char1

 

Чытаць далей »

Тэгі:

траўня 09

10 простых парадаў ад курсаў “Мова Нанова”
movananova-parady

 

 

  • 1.    Пазбаўцеся страхаў

Беларусы, якія не наважваюцца перайсці на беларускую, часцей за ўсё маюць 1001 прычыну для гэтага. Вось некаторыя з іх:

А. Я кепска размаўляю па-беларуску, таму лепш не псаваць сваімі памылкамі гэтую цудоўную мову. – Ніводная нацыя ў свеце не размаўляе на літаратурнай мове! Нават беларускія пісьменнікі кожны мае “свой варыянт” мовы, з дамешкамі і рэгіянальнымі асаблівасцямі.

Б. Я з дзяцінства размаўляю па-расейску, мая сям’я расейскамоўная. – Уявіце, што з такімі перакананнямі вам давялося б пераехаць жыць у Францыю ці Амерыку. Таксама б працягвалі?..

В. Гэта мёртвая мова, ніхто ў горадзе на ёй не гаворыць. – То маеце шанец стаць першым! І прыкладам для іншых гараджанаў – калі яны не пачнуць тут жа размаўляць, то прынамсі задумаюцца.

Д. Гэта мова калхозу і апазіцыі. – Вы адсталі ад трэнду! Сёння беларуская мова – мова культуры, інтэлігенцыі, а таксама мова для кожнага беларуса на ўсе выпадкі жыцця! Размаўляць па-беларуску – гэта сучасна, годна і модна!

 

2.    Папаўняйце свой слоўнікавы запас

Пачніце з пасіўных спосабаў: чытайце кнігі, глядзіце агучаныя па-беларуску фільмы, слухайце беларускамоўную музыку, чытайце беларускамоўныя сайты і газеты, усталюйце на кампутары праграмы з беларускім інтэрфейсам. На сайтах, дзе гэта дасяжна, пераключайцеся на беларускую мову. Тое самае – з банкаматамі, інфакіёскамі і г.д.

 

3.    Пішыце па-беларуску

Калі вам складана пачаць размаўляць – пачніце з пісьмовай мовы. Мэйлы, эсэмэскі, паведамленні ў інтэрнэце, допісы ў сацсетках. Пры гэтым вы маеце час абдумаць напісанае, зазірнуць у слоўнік (slounik.org). Вашыя знаёмыя пачнуць звыкацца да вас-беларускамоўнага, а вы знойдзеце новых беларускамоўных знаёмых.

 

4.    Звяртайцеся па-беларуску да незнаёмцаў

Псіхалагічны бар’ер прасцей за ўсё пераадолець з незнаёмымі людзьмі, якіх вы бачыце першы і апошні раз: прадавачка ў краме, кіроўца маршруткі, мінак на вуліцы. Гэта прасцей, чым адразу пачаць размаўляць па-беларуску з бацькамі ці сябрамі, з якімі ўсё жыццё вы гутарылі па-расейску.

 

5.    Наведвайце беларускія імпрэзы

Чуць жывую мову – вельмі важна, каб хутчэй авалодаць ёй самому. Да таго ж, на такіх імпрэзах вы можаце здабыць новыя знаёмствы – і пашырыць свой беларускамоўны асяродак.

 

6.    Пачніце ўжываць мову ў побыце

Спачатку ў сям’і, потым на працы – у звыклых вам асяродках. Будзьце гатовыя тлумачыць зноўку і зноўку людзям прычыны такога пераходу. Прасіце падтрымаць вас у гэтым. Памятайце, што расейскамоўныя беларусы цудоўна вас разумеюць, калі вы звяртаецеся да іх па-беларуску. Старайцеся размаўляць павольна і прыгожа – каб суразмоўцам было яшчэ прасцей разумець вас. Гэта яшчэ болей прыхіне людзей да вас.

 

7.    Пазнаёмцеся з дасведчанымі носьбітамі мовы

Патлумачце ім, што толькі вучыцеся. Папрасіце выпраўляць памылкі ў вашым маўленні і лексіцы. Уважліва слухайце, як гаворыць дасведчаны чалавек. Прасіце яго тлумачыць незразумелыя словы.

 

8.    Набярыцеся цярпення

Для таго, каб пачаць не толькі размаўляць, але і думаць, сніць сны па-беларуску, вам спатрэбіцца час. Але мэта таго вартая, бо разам з моваю вам адкрыецца ўнікальны беларускі сусвет!

 

9.    Наведвайце курсы “Мова Нанова”

Бясплатныя публічныя курсы беларускай мовы “Мова Нанова” праходзяць кожны панядзелак а 19.00 у мінскай Галерэі Ў (Незалежнасці, 37а). Апроч гэтага, курсы дзейнічаюць у іншых гарадах (падрабязней – на movananova.by). Калі ў вашым горадзе курсаў пакуль няма – менавіта вы можаце іх распачаць!

 

10. Вучыце мову дыстанцыйна

На сайце movananova.by выкладзена больш за 35 гатовых урокаў, у тым ліку з відэаролікамі. Калі не маеце часу хадзіць на курсы – вучыце так. Урокі можна праходзіць у любой паслядоўнасці, выбіраючы самае цікавае для сябе.      

Тэгі:

траўня 09

stoub

Тэгі:

траўня 09

marc
дакладне нешта з гэтага -- перакананыя на "Ракаўскім кірмашы"

Тэгі:

траўня 09

fiz

Тэгі:

траўня 09

Сабіна Радзько , Народныя навіны Віцебска

У далёкім 1955 годзе малады выпускнік Белдзяржуніверсітэта прыехаў настаўнікам рускай мовы ў Крынкаўскую школу Лёзненскага раёна. Праз чатыры гады перабраўся ў абласны цэнтр. З гэтага моманту Віцебск атрымаў свайго Паэта і Грамадзяніна. 
Віцебск напаткала журботная вестка — 9 мая памёр паэт Давід Сімановіч

Гэта Давід Сімановіч стаяў ля вытокаў абласнога тэлебачання, дзе — рэч у тыя часы нечуваная — заставаўся адзіным беспартыйным супрацоўнікам.

Гэта Давід Сімановіч, апантана ламаючы сцены ўладнага супраціву, вяртаў Віцебску імя Марка Шагала.

Гэта дзякуючы Давіду Сімановічу мы ведаем пра ролю нашага горада ў лёсах Пушкіна, Маякоўскага, Твардоўскага, Гайдара і Лажэчнікава.

Гэта Давід Сімановіч заўжды і на ўсіх узроўнях абараняў памяць Уладзіміра Караткевіча і Васіля Быкава.

Гэта Давід Сімановіч, калі надышлі нялёгкія для літаратараў часы, не разгубіўся і не схаваўся за дзвярыма кватэры, а выдаваў новыя кнігі і бясконца сустракаўся са сваімі чытачамі, дзе толькі выдавалася такая магчымасць: у школах, бібліятэках, а то і пад адкрытым небам. Ён, не гандлюючы сумленнем і не прагінаючыся перад найноўшымі літаратурнымі генераламі, абыходзіў любыя перашкоды, каб сказаць людзям тое, што лічыў патрэбным.

Гэта Давід Сімановіч быў блізкім сябрам Еўтушэнку, Барадуліну, Канапельку і Папковічу. Сваёй мудрай усмешкай ён паўсюль ствараў прыўзняты настрой — на адкрыцці выставы, на прэм’еры спектакля ці проста на вуліцы.

З ім адышла цэлая эпоха ў культурным жыцці Віцебска. Без Давіда Сімановіча наш горад ніколі не будзе ранейшым. Але яго вершы застануцца з чытачамі…

Надо быть, а не казаться,
каждой жилкою касаться
века своего.

И беде сопротивляться,
и к победе подниматься
гордо и светло!

Тэгі: