it cz lt rb
ua fr pl en
se by
Jan 13

адказ атрыманы на вось гэты запыт
Чытаць далей »

Тэгі: , ,

Jan 11


за сёньняшні дзёнь дзядзька Рыгор падпісаў каля 70 кніг.

агулам у акцыі ўзялі ўдзел ужо 540 чалавек!

апроч Беларусі, паступілі замовы з Польшчы, Расеі, Эстоніі, Літвы, ЗША, Ізраіля, Нямеччыны, Швецыі...

у выдавецтвах удалося знайсьці некаторыя запасы кніг, таму -- акцыя працягваецца да апошняй кнігі!

для тых, хто ўжо замовіў: вельмі прашу не крыўдаваць, калі ў выніку атрымаеце ня тую кнігу, што замаўлялі. напрыклад, "Маладзіка над стэпам" было 35 экзэмпляраў, а замоваў паступіла 68. загадзя выбачаюся перад тымі, каму дастанецца іншая кніга.

шчыра дзякую ўсім, разам мы -- моц!

умовы акцыі тут: http://labadzenka.by/?p=15723

Тэгі:

Jan 11

мой матэрыял пра лекцыю ТУТ

Тэгі: ,

Jan 10

сябры!

не перадаць мае радасьці! за першыя суткі акцыі адгукнуліся 322 чалавекі! цяпер 05.15 раніцы, і я толькі што скончыў апрацоўваць заяўкі! але ніякай стомы няма, бо такая справа!

з кнігамі сытуацыя такая. тыя 4 назвы, што выстаўляліся спачатку, усе замоўленыя = 187 экзэмпляраў.

аднак дзядзька Рыгор паабяцаў, што бяз кнігі не застанецца ніхто -- кожны ўдзельнік атрымае падарунак з аўтографам. мы добра перабралі ягоныя хатнія запасы -- і зь ягоных кніг 1970-х -- 1990-х гадоў назьбіралі больш за 300 асобнікаў, якія пойдуць на акцыю. таму цяпер, робячы замову, назву кнігі пазначаць ня трэба -- дзядзька Рыгор нешта падбярэ і падпіша для вас на свой густ.

коратка нагадваю, што далучыцца да акцыі можна, даслаўшы ліст на мэйл labadzenka@gmail.com

калі ласка, прытрымлівайцеся такой формы:

* імя, прозьвішча (каму падпісваць)

* нумар мабільнага (каб вас потым знайсьці)

* адрас электроннай пошты (паўтарыце, нават калі ён ёсьць у загалоўку ліста)

* прыкладны памер ахвяраваньня (для парадку 🙂 )

ніякія з гэтых дадзеных не будуць нідзе апублікаваныя.

  Чытаць далей »

Тэгі:

Jan 08

ДЗЯКУЙ УСІМ! АКЦЫЯ СКОНЧАНАЯ!

сябры, у 2008 годзе мы з вамі правялі шыкоўную акцыю салідарнасьці з народным паэтам Беларусі Рыгорам Барадуліным. у акцыі тады ўзяло ўдзел некалькі соцень чалавек, было распаўсюджана пад 500 кніг, сабраная істотная дапамога дзядзьку Рыгору.

з таго часу сытуацыя не зьмянілася, таму настаў час паўтарыць гэтую акцыю салідарнасьці з Рыгорам Барадуліным, а значыцца -- зь беларускай літаратурай у ягонай асобе, зь беларушчынай.

як і тады, паўтаруся:

1. Рыгор Барадулін не прасіў пра гэта, гэта мая ініцыятыва, якую я ажыцьцяўляю зь ягонага дазволу.

2. акцыя праводзіцца не таму, што Рыгору Барадуліну "няма чаго есьці" (як гэта спрабавала выставіць адная вар'ятка мінулы раз), а таму, што паэт жыве сьціпла, за званьне народнага атрымлівае даплату 105 тысяч рублёў. і калі мы можам выказаць яму сваю любоў і падзяку ня толькі на словах -- чаму гэтага не зрабіць?

3. гэта -- не акцыя па продажы кніг. вы складаеце ахвяраваньне, а за гэта атрымліваеце ў падарунак кнігу з аўтографам Рыгора Барадуліна.

такім чынам, умовы акцыі.
Чытаць далей »

Тэгі:

Jan 07


на найстарэйшых менскіх могілках (з тых, што існуюць) Кальварыі павесілі таблічкі: прыбірайце магілы, іначай мы іх прыбярэм. паводле адной з вэрсыяў, вызваляюць месца для чыноўнікаў.
у гэтую суботу там прайшла супольная талака парафіянаў і МГА "Гісторыка". былі пафарбаваныя некалькі агароджаў, паднятыя некаторыя помнікі. аднак працоўных рук было надзвычай мала...
наступная талака у суботу 21 студзеня, пачатак 10.00. прыходзьце!

ps карыстаючыся нагодаю, зрабіў некалькі здымкаў, у тым ліку, з ласкі ксяндза Андрэя Бародзіча (дзякуй яму) -- з касьцельнай вежы.
Чытаць далей »

Тэгі: ,

Jan 06


можа трэці, а можа і больш -- я яго заўважыў у сераду.
нехта ці наўмысна, ці выпадкова выпусьціў яго -- а балёнік, надзьмуты геліем і паляцеў пад столь.
у сёньняншнім рэжыме, дзе ўсё мусіць быць пад кантролем, -- ну проста разгул дэмакратыі!
Чытаць далей »

Тэгі:

Jan 05

Тэгі:

Jan 05

пачвары ўсё шчыльней падбіраюцца да дома па Рэвалюцыйнай, 32. на месцы гэтага дома ХІХ стагодзьдзя мусіць быць паркінг.

гэты дом стаіць на рагу Рэвалюцыйнай і Гарадзкога Валу. у ім дагэтуль жывуць людзі, якія ад 2009 году супраціўляюцца гэтай бандзе вырадкаў: мінкульт, камітэт па "ахове" помнікаў мінкульта, камітэт па архітэктуры менскага сельсавета ды інш.

жыхары гэтага дома -- мужныя людзі. выглядае, што іх вывязуць адсюль толькі на трактары зь мянтамі. у гэтым жа доме месьціцца крама "Чайны ліст", гаспадар якой усімі сіламі змагаецца за гэты дамок ХІХ стагодзьдзя. у траўні у яго сканчаецца арэнда. магчыма, пасьля гэтага дом і зруйнуюць.

гэты дом зьяўляецца помнікам архітэктуры, ён унесены ў дзяржаўны сьпіс помнікаў.

ягонае руйнаваньне будзе немагчымае без подпісаў Ігара Чарняўскага і Віктара Кураша. першы -- старшыня камітэта па "ахове" помнікаў мінкульта, другі -- намміністра, старшыня навукова-метадычнай здрады пры мінкульце.

менавіта гэтыя людзі санкцыянуюць зьнішчэньні аднаго за другім менскіх помнікаў архітэктуры. апошнія прыклады -- гарадзкая сядзіба Станкевіча (пляц Свабоды, 15 -- пакінулі толькі сьцены, зьнішчылі скляпеньні і ўнікальныя роспісы) і першай менскай электрастанцыі (зьлева ад цырка -- зруйнавалі цалкам). іншага героя -- былога галоўнага архітэктара Нікіціна -- ужо выгналі паганай мятлой.

шкада, што проста звольнілі -- бо ўся кампанія заслугоўвае адной камэры, ім будзе там пра што паразмаўляць.
Чытаць далей »

Тэгі: ,

Jan 05


некалькі гадоў таму я напісаў ліст на фабрыку "Камунарка" з прапановай перакласьці назвы і склад іх цукерак на беларскую мову -- каб на цукерках пісалася і так, і так. яны нечакана адгукнуліся, я пераклаў (кансультуючыся з выдатным філолагам Юрасём Бушляковым).

як жа радавалася маё вока, калі ў крамах зьявіліся "Чырвоныя каптуркі", "Свавольнікі Алёшкі", "Цяляткі Боркі", "Гарэзы" і "Парэчачкі".

але нешта перамкнула ў галовах кіраўніцтва "Камунаркі" -- і цяпер практычна ўсе назвы на мове зноў павыкіданыя.

я напісаў ім ліст ад свайго імя. але аднаго ліста, пэўна, будзе мала.

я прашу кожнага з вас патраціць 10 хвілін, раздрукаваць гатовы тэкст, падпісацца і даслаць.

гэта маленькая справа, але з маленькіх справаў складзецца наша Беларусь.

СПАМПАВАЦЬ ФАЙЛАМ WORD
НЕ ЗАБУДЗЬЦЕСЯ ЎПІСАЦЬ СВАЁ ІМЯ І АДРАС

(А ТУТ МОЖНА СПАМПАВАЦЬ МОЙ ЗВАРОТ НА "СПАРТАК" І ПЕРАРАБІЦЬ НА СВОЙ КАПЫЛ)

PS Калі ласка, дасылайце мне адказы ад фабрык на мэйл labadzenka@gmail.com, буду выстаўляць іх тут
Чытаць далей »

Тэгі: ,