it cz lt rb
ua fr pl en
se by
Jul 10

каб паступіць у акадэмію жывёлагадоўлі, дастаткова каля 150 балаў (у мінулым годзе было, скажам, 152).
150 з 400.
300 балаў можна набраць за тэсты, яшчэ 100 -- за школьны атэстат.
гэта значыцца, што калі мама прынясе шакаладку, і гэтаму дэбілу ў школе намалююць хоць бы 6, кожны з трох тэстаў дастаткова будзе здаць нават на 30 балаў.
трымайце гэта ў галаве, калі бачыце на дварэ міліцыянта.

Тэгі:

Jul 09

(З нізкі “ПЕСНІ ПРА СЫНА”)

 

На твары шчацінне, як пожня жытнёвая,

вочы — праталіны мутнай вады...

— Мілы сынок мой, пачні жыццё новае,

грэх блазнаваць у Хрыстовы гады.

 

— Мама, я рады б —як пчолы на ліпень,

музы лятуць на хмяльнога мяне.

Жыць без паэзіі? Гэта ж пагібель!

Жыць без віна? Гэта ж смерць удвайне.

 

Хто ж вінаваты, што аж з нараджэння

з мёдам смакчу я з цябе малако?

Ведаю, сохне паціху карэнне,

хоць і жывеш пад Вялікай Ракой.

 

Ну і няхай музам колкая пожня,

горкія вусны мае, дык няхай.

Мама, такога народзіць не кожная,

мама,

не перажывай!

Тэгі:

Jul 08

адрасы ўсіх палітвязьняў ТУТ ці ТУТ

Тэгі:

Jul 08


дасылайце і вы прыклады беларускай мовы на таварах на labadzenka@gmail.com !
цяперашнюю падборку па гэтай тэме можна паглядзець ТУТ
Чытаць далей »

Тэгі:

Jul 08

з кнігі "Лісты ў Хельсінкі"

Тэгі:

Jul 07

Тэгі:

Jul 06

залік!

Тэгі:

Jul 06

Дырэктару

Гармалзавода №2

220102, Мінск

Партызанскі пр-т, 170

Глеба Паўлавіча Лабадзенкі

АДРАС

 

 

Шаноўнае кіраўніцтва Гармалзавода №2!

 

Хачу шчыра падзякаваць вам за выдатную якасць вашай прадукцыі, якую я рэгулярна спажываю і вельмі задаволены!

Маю да вас такое пытанне-прапанову. Вось я трымаю ў руках пачак малака “Малочны гасцінец” 6%. Там на 2 баках напісана па-руску. Паколькі ў нас у краіне 2 дзяржаўныя мовы, прашу вас прыслухацца да маёй думкі і выканаць на 1 баку надпіс па-беларуску: МАЛАКО. Таксама на беларускай мове было б няблага змясціць і іншую інфармацыю на прадуктах. Мяркую, сярод вашых кліентаў нямала людзей, якія будуць радыя бачыць родную мову на пакунку.

Паколькі сам ваш брэнд – “Малочны гасцінец” – выкананы па-беларуску, і ніхто ад гэтага не плюецца, гэта сведчаць пра тое, што беларуская мова на пакунку не пужае, а толькі вабіць пакупніка.

Змяшчэнне беларускай мовы на адзін бок пакунка не патрабуе ад вас ніякіх дадатковых фінансавых выдаткаў – проста замяніць літары на кампутары.

У сваю чаргу, прапаную вам сваю бясплатную дапамогу ў перакладзе патрэбнай інфармацыі на беларускую мову.

 

З павагай,                                                                                         Глеб Лабадзенка

Тэгі:

Jul 06

мой ліст да маладэчанскіх сыраробаў можна пачытаць тут

у адказе яны зрабілі, паводле маіх падлікаў, 8 памылак

Тэгі:

Jul 05

менскае мэтро для інвалідаў-вазочнікаў -- як кепская лятарэя. толькі на 6 станцыях з 25 яны могуць бесперашкодна патрапіць на плятформу.

але і гэта -- фармальнасьць і хлусьня. памятаю, рабіў матэрыял пра гэта, правяралі -- ніводзін ліфт і пад'ёмнік не працуе.

гасударства для народа!

Тэгі: