it cz lt rb
ua fr pl en
se by
Jan 25
даслаў чытач Раман Патапчук, які знайшоў гэта ТУТ

Чытаць далей »

Тэгі:

Jan 25

прыгожыя здымкі нашых помнікаў архітэктуры даслаў чытач блогу Станіслаў Маркевіч
1
Касцёл Найсвяцейшае Тройцы 1903 г., Гервяты - прыгажэйшы на мой погляд будынак у краiне.
Чытаць далей »

Тэгі:

Jan 25

vokladka7

Студзеньскі "Верасень"
Выйшаў з друку чарговы нумар літаратурна-мастацкага часопіса "Верасень". Сёмы нумар атрымаўся па-зімоваму "шчодрым" на паэзію і прозу. У ім друкуюцца вершы: Святланы Богуш, Кацярыны Глухоўскай, Усевалада Чорнага,Юліі Цяльпук, Алеся Емяльянава-Шыловіча, Святланы Куль, Васіля Дэбіша, Алеся Разанава… Проза прадстаўлена творамі Надзеі Філон, Андрэя Дзічэнкі, Юліі Бажок, Рамана Абрамчука, Аляксандры Сымановіч, Стаса Ільіна, Лявона Валасюка. У раздзеле "Пераклады" Павел Надольскі знаёміць чытачоў з вершамі класіка польскай паэзіі Цыпрыяна Норвіда. "Крытыку " ў нумары прадстаўляюць артыкулы Алены Свечнікавай, Святланы Калядка,Алы Петрушкевіч … Старонкі з “вісбійскага “ дзённіка друкуе Уладзімір Сіўчыкаў. Сталая аўтарка “Верасня” Марына Яўсейчык гутарыць з вядомай грамадскай і культурнай дзяячкай ЛюбоўюУладыкоўскай. Аб перспектывах нацыянальнага тэатра і кіно разважае ў сваёй гутарцы з Альдонай Мартыненка знакаміты драматург і сцэнарыст Андрэй Курэйчык. Размовай аб першых кроках у літраратуру Анатоля Вярцінскага распачала новую рубрыку “Выток” на старонках выдання журналістка Наста Грышчук. Анатоль Трафімчык разважае пра паэзіію Якуба Коласа – вольную і зняволеную ў нетрах Пішчалаўскага замка. З рэцэнзіяй на першую кнігу Надзеі Філон выступае крытык і літаратуразнаўца Таццяна Мацюхіна. Па традыцыі заканчваецца нумар аглядам навінак айчыннай дыскаграфіі, які бліскуча робіць вядомы знаўца беларускай музычнай культуры Вітаўт Мартыненка.
Пытайце часопіс "Верасень" № 7 на сядзібе ТБМ, у Акадэмкнізе, кнігарні выдавецтва "Логвінаў".
Чытайце часопіс "Верасень" на старонках Беларускай інтэрнэт-бібліятэкі kamunikat.org а таксама на сайце ТБМ імя Францішка Скарыны.
Дасылайце свае творы ў "Верасень" на e-mail: verasenchas@gmail.com

Jan 24

SONY DSC
здымкі Яўгена Новікава
Чытаць далей »

Тэгі:

Jan 24

паводле інфармацыі Беларускай нацыянальнай памяці:
Лыжны рэйд памяці Кастуся Каліноўскага.
Запрашаем прыняць удзел у традыцыйным лыжным рэйдзе ў вёску Мастаўляны.
2 лютага - Дзень Народзінаў Кастуся Каліноўскага, Беларуская Нацыянальная Памяць заклікае далучыцца да акцыі ўшанаваньня Нацыянальнага Героя Беларусі.
Вёска Мастаўляны знаходзіцца ў Польшчы, на мяжы з Беларусьсю, пабач з памежным пераходам Баброўнікі.
Просім усіх жадаючых скантактавацца з намі праз e-mail: bielarus.np@gmail.com, каб удакладніць тэхнічныя пытаньні. Запрашаем прыняць удзел у лыжным рэйдзе!
Вечная слава і памяць Героям!

паводле Белсату:

На мапе можна знайсці ілюстрацыі ды тэксты пра беларускія мясцовасці, звязаныя з паўстаннем, яго кіраўніком і ўдзельнікамі.

Сёлета – 150-я ўгодкі паўстання пад кіраўніцтвам Кастуся Каліноўскага. Мапу стварылі чацвёра ўдзельнікаў ініцыятывы «Беларуская нацыянальная памяць» з дапамогаю сервісу maps.google.com. Яна дазваляе зацікаўленым не толькі праглядаць інфармацыю, але і разам дапаўняць ды дапрацоўваць яе. Таму стваральнікі звяртаюцца да гісторыкаў і краязнаўцаў з просьбаю зрабіць мапу паўстання як мага больш дакладнаю або нават стварыць уласную.«На сёння пазначаныя каля 150 мясцовасцяў, якія маюць дачыненне як да асобы Кастуся Каліноўскага, гэтак і да паўстання 1863 года ды яго ўдзельнікаў. Можна знайсці таксама гарады, у якіх сёння ёсць вуліцы, названыя ў гонар кіраўніка паўстання. Меткі зроблены трыма колерамі: чырвоным, сінім і зялёным адпаведна», – зазначае кіраўнік «Беларускай нацыянальнай памяці» Анатоль Міхнавец.

Гэта першая інтэрактыўная мапа паўстання. Яна створаная на падставе звестак з навуковай літаратуры ды інтэрнэт-крыніцаў. «Мы ставілі прыблізныя месцы, бо шмат якія звесткі – супярэчлівыя ці недакладныя», – тлумачыць Анатоль Міхнавец. Сэрвіс «Google» дазваляе дакладна вызначыць каардынаты помніка, будынку або магілы, стваральнікі спадзяюцца на дапамогу зацікаўленых.

Дарэчы, паводле кіраўніка «Беларускай нацыянальнай памяці», палякі ідэю з мапаю, прысвечанаю паўстанню, ажыццявілі яшчэ ў 1910-я гады. Узнікла, яна, натуральна, у папяровым варыянце. Сёння ў Беларусі гэтая дата на афіцыйным узроўні не адзначаецца, а за 150 гадоў так і не было створана ніводнай навуковай мапы паўстання, якая магла б стаць падставаю для інтэрактыўнай.

Свае заўвагі ды прапановы наконт мапы можна дасылаць на электронны адрас «Беларускай нацыянальнай памяці»: bielarus.np@gmail.com.

Аліна Кашкевіч, belsat.eu

Тэгі: ,

Jan 24

Новую кнігу Глеба Лабадзенкі збіралі ў мінскім бамбасховішчы

24 января 2013 в 8:19
Ксенія Ельяшэвіч, TUT.BY

Журналіст, блогер і паэт Глеб Лабадзенка ўчора прэзентаваў сваім чытачам яго новую кніжку “Дзіцячая заМова”. Напярэдадні выхаду ўнікальнага выдання мы наведалі друкарню, дзе сваімі рукамі сабралі некалькі экзэмпляраў, а заадно даведаліся, ці збіраецца аўтар падаваць заяўку… ў Беларускі саюз мастакоў.
img_1018

А ўсё пачыналася з некалькіх малюнкаў, што тлумачылі моўныя тонкасці. Спачатку Глеб Лабадзенка намаляваў такую схему жонцы, каб тая нарэшце навучылася адрозніваць і правільна ўжываць словы “цяпер” і “зараз”. Потым чытачы блогу, куды ён выклаў малюнак, пачалі падкідаць свае “задачкі”. Урэшце, калі колькасць малюнкаў пайшла на дзясяткі, аўтар задумаўся пра стварэнне асобнай кніжкі. Вось такім чынам на свет і з’явілася “Дзіцячая заМова” – наглядны маляваны падручнік па беларускай мове для пачаткоўцаў і не толькі. Тут не знайсці ніводнай друкаванай літары - усе выканана ад рукі.
- Кніжку я ўжо прэзентаваў Рыгору Барадуліну (які напісаў да кнігі пасляслоўе,- Аўт.),Васілю СёмухуУладзіміру Арлову. На маю радасць, кнігу яны сустрэлі вельмі цёпла - расказвае Глеб. - Мне вельмі прыемна, што большасць людзей, якая бярэ кнігу ў рукі, сапраўды шчыра вераць, што я гэта ад рукі напісаў і намялавяў, а не ў друкарні гэта друкавалася. Людзі блізкія, і далёкія ад кнігавыдання, адразу, з ходу купляюцца на гэты прыкол. Замаўляюць жа людзі розныя, сустракаюцца нават прадстаўнікі камерцыйных кампаній. Да прыкладу, дырэктар адной з кампаній-правайдэраў Павел Ганчар замовіў ажно 50 асобнікаў.

Падрабіць кнігу, як жартуе аўтар, нават пры жаданні – будзе проста немагчыма. Мы вырашылі праверыць гэта самі ды зведаць на сабе хоць частку складанага тэхналагічнага працэсу. Адправіліся ў новае мінскае выдавецтва “Паперус” пры інтэрнэт-краме Prastora.by ды сабралі сваімі рукамі некалькі асобнікаў. Заадно выведалі ўсе выдавецкія сакрэты.

 

Чытаць далей »

Тэгі:

Jan 23

Мінскі блогер выдаў кнігу без ніводнай друкаванай літары (фота)

Глеб Лабадзенка сабраў 112 вясёлых моўных малюнкаў пад адной вокладкай.

Аўтар: Еўрарадыё 23.01.2013 18:12

 

Пра тое, што такая кніга будзе, Глеб Лабадзенка абвясціў у эфіры Еўрарадыё яшчэ вясной мінулага года. Усё пачалося з таго, што Глеб вывесіў у сваім блогу labadzenka.by некалькі малюнкаў, дзе тлумачыў некаторыя моўныя тонкасці: розніцу між “сабе” і “сябе”, “гаспадаркай” і “гаспадыняй”, “цяпер” і “зараз”.

 

Фота: labadzenka.by

 

Глеб Лабадзенка: “Потым чытачы блогу сталі дасылаць свае “замовы” на той ці гэты сюжэт. А паколькі малюю я, як трохгадовае дзіця, то адразу нарадзілася і назва будучай кнігі  “дзіцячая заМова”. Каб неяк акрэсліць межы праекта, я вырашыў намаляваць 100 малюнкаў”.
Чытаць далей »

Тэгі:

Jan 23

Глеб Лабадзенка прэзентаваў «Дзіцячую заМову»
Фота belsat.eu
Па-даросламу дзіцячы маляўнічы дапаможнік па беларускай мове, зроблены ў гэнд-мэйдавым стылі, выйшаў у выдавецтве «Паперус».

Як прызнаецца аўтар, калі ён чакаў нараджэння дзіцяці, то вырашыў самастойна зрабіць кніжку, па якой малеча б вучылася беларускай мове. Першыя малюнкі журналіст выкладаў у сваім блогу, з часам іх набралася на асобнае выданне. «Яна называецца «дзіцячая», бо я малюю, як дзіця, – па іншаму не ўмею. І сам, як расшукваў моўныя

З кнігі вы даведаецеся: для перакладу якіх беларускіх словаў патрэбныя некалькі расейскіх, чым розніцца «пакаштаваць» ад «паспрабаваць», хто мацнейшы – «багатыр» ці «асілак» і шмат што іншае.

Замовіць кнігу можна пакуль толькі ў самога аўтара на labadzenka@gmail.com

Усевалад Шлыкаў, belsat.eu

Тэгі:

Jan 23

zamova

сябры! рады паведаміць, што нарэшце выйшла кніжка "дзіцячая Замова"!

найперш хачу падзякаваць тым, хто яе заМовіў -- а гэта 240 чалавек, якія падпісаліся больш, чым на 720 асобнікаў! гэта неверагодная падтрымка для мяне! паказьнік таго, што гэта некаму трэба!

кніга зробленая ў выглядзе нататніка на спружыне, грубая папера, 2-мм кардонная вокладка, завязачка ))) кожны асобнік сабраны і сшыты ўручную. на руках у мяне яшчэ ня ўвесь наклад, таму найперш кнігу атрымаюць тыя, хто заМаўляў. пазьней тое, што застанецца, паступіць у продаж -- паведамлю дадаткова. бонус для тых, хто заМаўляў -- ніжэйшы кошт кнігі. хоць, прызнаюся, зрабіць гэта было нялёгка, улічваючы найскладанейшы паліграфічны "ручны" працэс.

па ўсіх пытаньнях прашу зьвяртацца на labadzenka@gmail.com

Чытаць далей »

Тэгі:

Jan 23

SONY DSC
Яўген Новікаў. У ваколіцах Бярэсця. Хата канец 19 ст. у в.Чэрні.

як вы ўжо, напэўна, бачылі, вынікі фотаконкурсу падведзеныя. прагаласавалі 403 чалавекі.

Гран-пры -- фотаальбом пра Беларусь -- атрымлівае Яўген Новікаў зь Берасьця.

наступныя тры пераможцы -- Сяржук Васілеўскі, Віталь Саболька і Міраслаў Бабіцкі -- атрымліваюць прызам набор паштовак "Самыя старыя будынкі Беларусі".

спецпрыз ад Алеся Мазаніка -- дыскі "Галасы" і "Пасланне сябрам" з запісамі Ларысы Геніюш, Уладзімера Караткевіча і Рыгора Барадуліна -- атрымлівае Аксана Спрынчан.

апро гэтага, кожны ўдзельнік атрымаў у падарунак некалькі паштовак з цудамі нашай архітэктуры.

шчыра дзякую ўсім за ўдзел і віншую пераможцаў!

Тэгі: