it cz lt rb
ua fr pl en
se by
Apr 30

даслаў чытач Алесь Рубцоў

 

Аддзелу захавання абанентаў СТАА ”Мабільныя ТэлеСістэмы”

 

Шаноўнае таварыства!

Я карыстаюся Вашімі паслугамі ўжо некалькі год, якасць і кошт якіх для мяне ёсць аптымальнымі. Таксама я каля году таму набыў 3G-мадэм МТС, і быў непрыемна здзіўлены тым, што ў мовах інтэрфейсу не знайшоў беларускай.Мяркую, не адзінаму мне было б прыемна карыстацца мадэмам на беларускай мове.

 

З найлепшымі пажаданнямі,
Алесь Рубцоў.

mts2

Тэгі: ,

Apr 29

сумесны праект Budzma.org і Labadzenka.by

Кніга Глеба Лабадзенкі “дзіцячая заМова” выйшла ў канцы студзеня 2013 года – і здабыла вялікую папулярнасць (і атрымала “спецнамінацыю” ў сёлетняй прэміі “Дэбют” імя М.Багдановіча). Ужо разыйшлося больш за 1200 кніг. Кніга ўвабрала ў сябе 112 вясёлых малюнкаў пра складанасці і цікавосткі беларускай мовы. На старонках кнігі забаўныя персанажы – хлопчык і дзяўчынка – у няспынным дыялогу высвятляюць усе гэтыя акалічнасці. Простасць малюнкаў паказвае: так можа намаляваць кожны з вас!
Як прызнаецца Глеб, на гэтых 112 малюнках ідэі не скончыліся – проста варта было паставіць кропку і выдаць кнігу. Цяпер працяг “дзіцячай заМовы” будзе выходзіць на сайце budzma.org: штотыдзень па новым малюнку. У каментарах, калі ласка, пакідайце свае “заМовы”: якія моўныя цікавосткі варта намаляваць яшчэ?

Будзьма з моваю!

005-pa-pakupki

нагадваю, што калі некаму патрэбная кніга поштаю, замаўляйце на Prastora.by!

у Менску кнігу можна таксама набыць па наступных адрасах:

  • “Кніжны салон” (Калініна, 5, працуе штодня да 19.00, нядзеля выходны) . гарадзкі нумар 385-60-89
  • "Акадэмкніга" (працуе да 20.00, субота да 18.00, нядзеля выходны). тэлефон 292-00-52
  • На Сядзібе БНФ (Чарнышэўскага, 3).
  • На Сядзібе ТБМ (Румянцава, 13).
  • кнігарня ЛогвінаЎ (Незалежнасьці, 37а).
  • на сайце imbryk.by

таксама прапаную паглядзець магніты "дзіцячая заМова"

і набор паштовак "Самыя старыя будынкі Беларусі"

паглядзець старонкі з кніжкі можна ТУТ

пачытаць пра кніжку ТУТ, ТУТ і ТУТ

Тэгі:

Apr 28

1996 год
luka

Тэгі:

Apr 28

traktar1
гэта -- Менскі трактарны завод. кропачкі вакол яго -- тысячы трактароў. я ня ведаю, калі абнаўлялася гэтая частка гуглмапы, але сытуацыя ўжо вельмі даўно не зьмяняецца: на папярэднім абнаўленьні было тое самае.

калі тут ёсьць эканамісты, патлумачце толькі адно: калі вакол завода стаіць СТОЛЬКІ гатовай прадукцыі, ЧАМУ ЁН НЕ СПЫНЯЕЦЦА? бо людзям трэба нечым займацца, каб атрымліваць заробак? бо мы ганарымся, што захавалі заводы? бо эканоміка ў нас -- ня колькі прадалі, а колькі зрабілі?..

а чаго трактары не бяруць, я і сам здагадваюся. непадалёк майго лецішча ёсьць ферма. дык вось, фермер набыў сабе не трактар "беларусь", а амерыканскі трактар "джон дзір", які ў разы даражэйшы. непатрыёт? а можа, проста грошы лічыць умее?..
(НІЖЭЙ -- БУЙНЕЙШЫЯ ФОТКІ)
Чытаць далей »

Тэгі:

Apr 28

узята адсюль

Тэгі: ,

Apr 28

у тым ліку відаць шыкоўны езуіцкі касьцёл, які ў 1956 годзе ўзарвалі падонкі-камуністы.

узята адсюль

Тэгі: ,

Apr 27

піша чытач Алесь Баркоўскі:

 

   " Каса (італьян. cassa ад лац. capsa ёмішча, скрыня):

1) грашовая наяўнасць прадпрыемства, арг-цыі, установы.

2) Рахунак бухгалтарскага ўліку, на якім адлюстроўваецца рух грашовых сродкаў.

3) Падраздзяленне банкаў, некаторых прадпрыемстваў і арг-цый, якія ажыццяўляюць аперацыі з наяўнымі грашамі і інш. каштоўнасцямі.

4) Спец. памешканне для прыёму, захавання і выдачы грошай". /Беларуская энцыклапедыя ў 18 тамах. Т. 8. Мінск. 1999. С. 137./

Ніводзін беларус ў вёсцы або горадзе на ашчадную кассу не гаворыць каса. Напісанне каса замест касса было бяздумна перанесена з польскай мовы kasa.

" Касса - склад на грошы. Пішацца з двумя с дзеля адрожненьня ад касы". /Ластоўскі В.  Падручны расійска-крыўскі (беларускі) слоўнік. Коўна. 1924. С. 251./

Дарэчы, пішацца ж ссыльны, расстрэл і г.д.

Тэгі:

Apr 26

00003hcc

00001w38

00002w37

Чытаць далей »

Тэгі:

Apr 26

Глеб Лабадзенка, для TUT.BY, фота газеты "Kauno diena"

Пакуль мы спім у шапку, колішнія суседзі па Вялікім Княстве Літоўскім заяўляюць свае правы звацца яго спадкаемцамі – а пра нас часцяком і не згадваюць. Альбо згадваюць у зняважлівым святле: "ну былі там недзе яшчэ беларусы, невыразнаю шэраю масаю". Менавіта так пісалася пра нас яшчэ нядаўна ў літоўскіх падручніках. Цяпер такога дзікунства практычна няма, аднак жа ад многіх літоўцаў вы пачуеце, што ВКЛ – гэта літоўская, і ніякая іншая дзяржава. "Чаму ў Літве ВКЛ дагэтуль лічыцца літоўскай дзяржавай" – так называецца публічная лекцыя гісторыка Русціса Камунтавічуса, дырэктара Інстытута Вялікага Княства Літоўскага (Коўна), дацэнта Універсітэта Вітаўта Вялікага (Коўна). Погляд спадара Русціса – не зусім традыцыйны для літоўскіх гісторыкаў: мала таго, што ён прызнае ролю беларусаў у ВКЛ, дык яшчэ і кажа, што часам гэтая роля была галоўная. Лекцыя, якую ў межах цыклу Urbi et Orbi ладзіць Лятучы Універсітэт разам з Інстытутам ВКЛ (Літва) адбудзецца 2 траўня а 18.30 у залі Princess II гатэля Crowne Plaza (Кірава, 13). Уваход вольны! Напярэдадні лекцыі гутарым з Русцісам Камунтавічусам.

"Кожная нацыя павінна мець свой расказ пра мінулае"

Пан Русціс, якія стэрэатыпы пра Вялікае Княства можна найчасцей пачуць у Літве?

Русціс Камунтавічус: Існуе меркаванне, што гэта была не вельмі сучасная, не вельмі перадавая дзяржава, нават адсталая ў параўнанні з Заходняй Еўропай. Ёсць стэрэатып, што там былі толькі балоты, лясы і мядзведзі жылі. Трэці стэрэатып – што пачынаючы ад XVI у XVII іXVIII стагоддзях гэта была вельмі паланізаваная дзяржава, там размаўлялі па-польску, там панавала польская культура. Яшчэ адзін стэрэатып – што залатая пара ВКЛ была за паганскім часам, у XIV-XV стагоддзях. А ў XVIII стагоддзі наступіў змрок і дэградацыя. Гэта  асноўныя стэрэатыпы, якія ёсць сярод простых людзей.
Чытаць далей »

Тэгі: ,

Apr 26

зь дзяцінства ня быў у цырку -- і не пайду.
аддаваць грошы падонкам, якія катуюць жывёлаў? дзякуй, не.

паглядзіце відэа -- і не хадзіце болей у цырк.